മുന് നാവിക ഉദ്യോഗസ്ഥനെ തല്ലിച്ചതച്ചു, ശിവസേന നേതാവ് അറസ്റ്റില്, ഗുണ്ടാ ഭരണമെന്ന് ഫട്നാവിസ്!!
മുംബൈ: മുന് നാവിക ഉദ്യോഗസ്ഥനെ ശിവസേന നേതാക്കള് ക്രൂരമായി മര്ദിച്ചു. മുഖ്യമന്ത്രി ഉദ്ധവ് താക്കറെയ്ക്കെതിരെയുള്ള കാര്ട്ടൂണ് ഷെയര് ചെയ്തു എന്ന് ആരോപിച്ചായിരുന്നു ആക്രമിച്ചത്. സംഭവത്തില് ശിവസേന ശാഖാ പ്രമുഖ് കമലേഷ് കദമിനെ മുംബൈ പോലീസ് അറസ്റ്റ് ചെയ്തു. കൊണ്ടിവലി ഈസ്റ്റില് വെച്ചായിരുന്നു ആക്രമണം. ശിവസേനയെയും ഉദ്ധവ് താക്കറെയെയും പരിഹസിക്കുന്ന ഒരു കാര്ട്ടൂണ് ഷെയര് ചെയ്തിരുന്നു ഈ നാവിക ഓഫീസര്. മറ്റൊരു ശിവസേന പ്രവര്ത്തകനായ സഞ്ജയ് മഞ്ചരേയും അറസ്റ്റിലായിട്ടുണ്ട്.
ബിജെപി എംഎല്എ അതുല് ഭട്ട്കല്ക്കര് സോഷ്യല് മീഡിയയില് ഒരു വീഡിയോ പോസ്റ്റ് ചെയ്തിരുന്നു. അതാണ് വലിയ വിവാദമായി മാറിയത്. ആറ് പേര് ഒരു വീടിനുള്ളിലേക്ക് ഇരച്ചുകയറുന്നതും അവിടെ നിന്ന് മദന് ശര്മ എന്നയാളെ കോളറിന് പിടിച്ച് വലിച്ചിറക്കി കൊണ്ടുവരുന്നതും, മുഖത്ത് തുടരെ അടിക്കുന്നതുമാണ് വീഡിയോയില് ഉള്ളത്. ശിവസേന കങ്കണ റനൗത്തിന്റെ വീട് തകര്ത്തതിന് ശേഷം, മുന് നാവിക ഉദ്യോഗസ്ഥന് മദന് ശര്മയെ ക്രൂരമായി മര്ദിച്ചിരിക്കുകയാണെന്ന് അതുല് ഭട്ട്കല്ക്കര് ട്വീറ്റ് ചെയ്തു. മുഖ്യമന്ത്രി ഉദ്ധവ് ഏകാധിപത്യമാണ് നടപ്പാക്കുന്നതെന്ന് അദ്ദേഹം ആരോപിച്ചു.
സംഭവം വിവാദമായതോടെയാണ് മദന് ശര്മ സമത നഗര് പോലീസ് സ്റ്റേഷനില് പരാതി നല്കുകയായിരുന്നു. നോര്ത്ത് എസി ദിലീപ് സാവന്തിന് മറ്റൊരു പരാതിയും നല്കിയിട്ടുണ്ട്. കുറ്റക്കാര്ക്കെതിരെ നടപടിയുണ്ടാവുമെന്ന് ദിലീപ് സാവന്ത് പറഞ്ഞു. മുന് മുഖ്യമന്ത്രി ദേവേന്ദ്ര ഫട്നാവിസും ശിവസേനയ്ക്കെതിരെ രംഗത്ത് വന്നു. ഉദ്ധവ് താക്കറെ സംസ്ഥാനത്തെ ഗുണ്ടാഭരണം അവസാനിപ്പിക്കണമെന്ന് ഫട്നാവിസ് ആവശ്യപ്പെട്ടു. വാട്സാപ്പ് ഫോര്വേര്ഡിന്റെ പേരിലാണ് ഗുണ്ടകള് ഈ ആക്രമണം അഴിച്ചുവിട്ടത്. ശക്തമായ നടപടി ഈ ഗുണ്ടകള്ക്ക് നേരെ വേണമെന്നും ഫട്നാവിസ് ആവശ്യപ്പെട്ടു.
Recommended Video
ബിജെപി നേതാവ് കിരിത് സോമയ്യയും ആക്രമണത്തിനെതിരെ രംഗത്തെത്തി. അക്രമികള്ക്കെതിരെ ശക്തമായ നടപടിയെടുത്തില്ലെങ്കില് കാന്തിവലി പോലീസ് സ്റ്റേഷന് മുന്നില് ധര്ണ ഇരിക്കുമെന്ന് സോമയ്യ പറഞ്ഞു. കങ്കണ റനൗത്തും ഈ വിഷയത്തില് പ്രതികരിച്ചിട്ടുണ്ട്. നാണക്കേട് എന്നാണ് വീഡിയോ പങ്കുവെച്ച് അവര് ട്വീറ്റ് ചെയ്തത്. മദന് ശര്മയുടെ കണ്ണിനാണ് ആക്രമണത്തില് പരിക്കേറ്റത്. ഇയാള് ആശുപത്രിയില് ചികിത്സയിലാണ്. നാല് പേരാണ് ഇതുവരെ അറസ്റ്റിലായത്. രണ്ട് പേര് ഒളിവിലാണ്. അതേസമയം പ്രതിപക്ഷത്തിന്റെ ശക്തമായ പ്രതിഷേധത്തില് പ്രതിരോധത്തിലായിരിക്കുകയാണ് ശിവസേന.
-
ഘടക കക്ഷികൾക്കായി പാർട്ടി നേതാക്കളെ ബലിയാടുകളാക്കുന്നു; ബിജെപിയിൽ അമർഷം -
കണ്ണൂരിൽ പൊട്ടിത്തെറി: മുതിർന്ന സിപിഎം നേതാവ് ടികെ ഗോവിന്ദൻ പാർട്ടി വിട്ടു -
ബിഡിജെഎസ് ആദ്യഘട്ട സ്ഥാനാർത്ഥി പട്ടിക പുറത്ത്; തുഷാർ വെള്ളാപ്പള്ളി മത്സരത്തിനില്ല? -
രാജ്യസഭാ തിരഞ്ഞെടുപ്പിൽ വമ്പൻ ജയവുമായി എൻഡിഎ; വോട്ട് മറിച്ച് പ്രതിപക്ഷം -
എല്ലാ മുന്നണികളിലും കലാപക്കൊടി; വിട്ടുവീഴ്ചയില്ലാതെ അസംതൃപ്തർ -
നടന് വിജയിയെ വിടാതെ ബിജെപി; കുടുങ്ങിയത് എഐഎഡിഎംകെ, സെങ്കോട്ടയ്യന് ഡിഎംകെ പിടിക്കുമോ -
ബംഗാളിൽ 'സുവേന്ദു vs മമത'; ബിജെപിയുടെ ആദ്യ പട്ടികയിൽ തീപാറും പോരാട്ടം! -
വിജയ്-തൃഷ ബന്ധത്തിന് പിന്നാലെ മകൻ സഞ്ജയുടെ നിർണായക തീരുമാനം, അത് പൊളിച്ചടുക്കി സംഗീതയും';ആലപ്പി അഷ്റഫ് -
പ്രതീക്ഷിക്കാത്ത സമയത്ത് ധനം കൈവശം വന്നുചേരും, സ്ഥലം വാങ്ങും, കൃഷിയിൽ നിന്ന് വരുമാനം, നാൾഫലം -
സ്വര്ണവില വീണ്ടും താഴ്ന്നു; സ്വര്ണത്തിന് എന്തുപറ്റി? വില കുറഞ്ഞ് 75000 എത്തുമോ, പവന് വില -
ദുബായില് നിന്ന് സ്വര്ണം വാങ്ങാതെ ഇന്ത്യക്കാര്... യുഎഇക്കാര് വാങ്ങല് നിര്ത്തുന്നുമില്ല; കാരണമിത് -
ആലിയ ഭട്ടിന്റെ ഗ്ലാമർ രഹസ്യം ഇതാണ്! ആ 8 കാര്യങ്ങളിലൂടെ നിങ്ങളുടെ ചർമ്മവും തിളങ്ങും
Click it and Unblock the Notifications
Sign in with Google