അലി തുനിഷ ശര്‍മയുടെ കാമുകനോ? നടിയുടെ അമ്മ പറയുന്നത് ഇങ്ങനെ

Updated: Wednesday, January 11, 2023, 19:20 [IST]

മുംബൈ: തുനിഷ ശര്‍മ ഡേറ്റിംഗ് ആപ്പിലൂടെ മറ്റൊരാളുമായി ബന്ധം തുടങ്ങിയിരുന്നുവെന്ന ഷീസാന്‍ ഖാന്റെ വാദങ്ങളെ തള്ളി നടിയും അമ്മയും അമ്മാവനും. അലി എന്നയാളുമായി തുനിഷ പ്രണയത്തിലായിരുന്നു. അലിയും തുനിഷയും സുഹൃത്തുക്കളായിരുന്നു. അലി നടിയുടെ ജിം ട്രെയിനറായിരുന്നുവെന്ന് അമ്മ വനിതാ ശര്‍മ പറഞ്ഞു.

മരിക്കുന്നതിന് മണിക്കൂറുകള്‍ക്ക് മുമ്പ് അലി എന്നൊരാളെ തുനിഷ വിളിച്ചിരുന്നതായിട്ടാണ് കണ്ടെത്തിയിരിക്കുന്നത്. നേരത്തെ മുംബൈ കോടതിയില്‍ അലിയെ ഡേറ്റിംഗ് ആപ്പിലൂടെ തുനിഷയുമായി ചാറ്റ് ചെയ്തിരുന്നതായിട്ടാണ് ഷീസാന്‍ പറഞ്ഞിരുന്നത്. ഇത് വലിയ വിവാദങ്ങള്‍ക്ക് കാരണമായിരുന്നു.

തുനിഷ ഷീസാനില്‍ നിന്നുണ്ടായ ബ്രേക്കപ്പില്‍ നിന്ന് മോചിതയായി വരുന്നതേ ഉണ്ടായിരുന്നുള്ളൂ. അവള്‍ പരമാവധി അതെല്ലാം മറന്ന് മുന്നോട്ട് പോകാനുള്ള ശ്രമത്തിലായിരുന്നു. എന്നാല്‍ തന്റെ മകള്‍ ഏതെങ്കിലും ഡേറ്റിങ് ആപ്പില്‍ ഉണ്ടായിരുന്നതായി അറിയില്ല. തുനിഷ എന്നെ വിളിച്ചിരുന്നു.

അലിയെ കാണുകയാണെന്നും പറഞ്ഞിരുന്നു. അലി മൂന്ന് വര്‍ഷം മുമ്പ് അവളുടെ ജിം ട്രെയിനറായിരുന്നുവെന്നും വനിത പറയുന്നു. അലിക്കൊപ്പം അവസാന മൂന്ന് ദിവസം അവള്‍ പോയിരുന്നു. ഭക്ഷണം കഴിക്കാനും,സംസാരിക്കാനുമായിട്ടാണ് പോയത്. അവര്‍ രണ്ടുപേരും സുഹൃത്തുക്കളായിരുന്നു. ഡിസംബറില്‍ മൂന്ന് തവണ അവര്‍ കണ്ടിരുന്നുവെന്നും തുനിഷയുടെ അമ്മ പറഞ്ഞു.

വിന്റര്‍ ഫുഡ് അടിപൊളിയാക്കിയാലോ? ഇതൊന്നും ഇനി മറക്കരുത്; എന്തൊക്കെ ഗുണങ്ങളുണ്ടെന്നറിയുമോ?

ഇപ്പോള്‍ എല്ലാം അലിയുടെ കുറ്റമാണോ എന്നും വനിത ചോദിക്കുന്നു. ഷീസാന്റെ അഭിഭാഷകന്‍ പറഞ്ഞതെല്ലാം കള്ളമാണ്. ഡിസംബര്‍ 21, 22, 23 തിയതികളില്‍ തുനിഷ വീട്ടില്‍ വന്നിരുന്നില്ലെന്ന വാദങ്ങള്‍ തെറ്റാണെന്നും തുനിഷയുടെ അമ്മ പറഞ്ഞു. തുനിഷയുടെ സംസ്‌കാര ചടങ്ങുകള്‍ കഴിഞ്ഞ ദിവസം അലി എന്നെ കാണാന്‍ വന്നിരുന്നു.

തുനിഷ ഷീസാനെ കുറിച്ച് അലിയോട് പഞ്ഞിരുന്നു. പോലീസ് അയാളുടെ മൊഴിയെടുത്തിട്ടുണ്ട്. തുനിഷ അലിയെ കണ്ടിട്ടുണ്ടെങ്കില്‍ അതിലെന്താണ് ഇത്ര വലിയ കാര്യം. മുമ്പ് ഒരുമിച്ച് അഭിനയിച്ച ഒരു അഭിനേതാവിനെ തുനിഷ കണ്ടിട്ടുണ്ട്. മറ്റൊരു നടന്‍ സംഘടിപ്പിച്ച പാര്‍ട്ടിയിലും പങ്കെടുത്തിട്ടുണ്ട്. എന്നുവെച്ച് അവരെ കുറ്റം പറയാന്‍ പറ്റുമോ?

ഷീസാന്റെ കുടുംബത്തിനും, അഭിഭാഷകനും മറ്റ് വഴികളൊന്നുമില്ലാത്തത് കൊണ്ടാണ് ഇത്തരം ആരോപണങ്ങള്‍ ഉന്നയിക്കുന്നത്. യഥാര്‍ത്ഥ വിഷയത്തില്‍ നിന്ന് ശ്രദ്ധ തിരിക്കാന്‍ വേണ്ടിയാണിത്. ബ്രേക്കപ്പിനെ തുടര്‍ന്ന് തുനിഷ ആകെ വിഷമത്തിലായിരുന്നു എന്നതാണ് സത്യമെന്നും വനിത പറഞ്ഞു.

അതേസമയം തുനിഷയുടെ അമ്മാവന്‍ പവന്‍ ശര്‍മയും ഷീസാന്റെ വാദങ്ങളെ തള്ളി. അലിയെ വര്‍ഷങ്ങളായി ഞങ്ങള്‍ക്ക് അറിയാം. അലി തുനിഷയുടെ ഫിറ്റ്‌നസ് ട്രെയിനറാണ്. ഷീസാനുമായി പ്രണയത്തകര്‍ച്ചയുണ്ടായ ശേഷം, തുനിഷ അലിയെ ഡേറ്റിംഗ് ആപ്പില്‍ കണ്ടിരുന്നു.

ഇതേ തുടര്‍ന്നാണ് ജിമ്മില്‍ വെച്ച് ഇവര്‍ വീണ്ടും കാണാന്‍ ഇടയായത്. തുടര്‍ന്ന് നമ്പറുകള്‍ കൈമാറുകയായിരുന്നു. അലിയെ കാണാന്‍ പോകുമ്പോഴൊക്കെ തുനിഷ വീട്ടില്‍ പറയാറുണ്ടായിരുന്നു. അവര്‍ നല്ല സുഹൃത്തുക്കളായിരുന്നു. കാമുകിയാണെന്ന വാദം തെറ്റാണെന്നും പവന്‍ ശര്‍മ പറഞ്ഞു.