തദ്ദേശ തിരഞ്ഞെടുപ്പ്; തിരുവേഗപ്പുറ പഞ്ചായത്തിൽ 18 വാർഡുകളിലായി 64 സ്ഥാനാർത്ഥികൾ

പാലക്കാട്; തിരുവേഗപ്പുറ പഞ്ചായത്തിൽ മത്സര ചിത്രം വ്യക്തമാകുമ്പോൾ 18 വാർഡുകളിലായി 64 സ്ഥാനാർഥികളാണ് മത്സരരംഗത്തുള്ളത്. ഇരുമുന്നണികൾക്കും തലവേദനയായി വിമത സ്ഥാനാർത്ഥികളും അങ്കത്തട്ടിൽ ഉണ്ട്. പതിനൊന്നാം വാർഡിൽ യുഡിഎഫിനാണ് വിമത ശല്യം എങ്കിൽ പതിമൂന്നാം വാർഡിലെ എൽഡിഎഫിനെ ആണ് വിമത ശല്യം അലട്ടുന്നത്.

പതിനൊന്നാം വാർഡിൽ മുന്നണി സ്ഥാനാർഥിയായ ലീഗിലെ പിപി ഹംസയ്ക്കെതിരെ കെഎംസിസി മുസ്ലിം ലീഗ് പ്രവർത്തകൻ അബ്ദുൾ നാസറാണ് മത്സരരംഗത്തുള്ളത്. അപരനായ മറ്റൊരു ഹംസയും സ്വതന്ത്ര സ്ഥാനാർത്ഥിയായി വാർഡിൽ മത്സരിക്കുന്നുണ്ട്. പതിമൂന്നാം വാർഡിലെ എൽഡിഎഫിലല സിപിഐ സ്ഥാനാർഥി പി കെ സുഭാഷിനെതിരെ മറ്റൊരു വിമത സ്ഥാനാർത്ഥിയും മത്സരിക്കുന്നുണ്ട്. സിപിഎം ലോക്കൽ കമ്മിറ്റി അംഗമായിരുന്ന ബാലസുബ്രഹ്മണ്യൻ ആണ് ഇവിടെ മത്സരിക്കുന്നത്.

അഞ്ച് വാർഡുകളിലായി അഞ്ചുവീതം സ്ഥാനാർഥികളും മൂന്ന് വാർഡുകളിലായി നാലുവിധം സ്ഥാനാർഥികളാണ് മത്സരിക്കുന്നത്. എൽഡിഎഫ്,യുഡിഎഫ്,എൻഡിഎ സ്ഥാനാർത്ഥികൾ പുറമേ 14 സ്വതന്ത്ര സ്ഥാനാർഥികൾ മത്സരരംഗത്തുണ്ട് ഉണ്ട്.

English summary

Local Body Elections: 64 candidates contest in 18 wardsin Thiruvegappura panchayath