• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഓസ്ട്രേലിയന്‍ ഓപ്പണ്‍: ആദ്യറൗണ്ട് അനായാസം കടന്ന് മുറേ, വീനസ്

  • By Manu

മെല്‍ബണ്‍: ലോക ഒന്നാംനമ്പര്‍ ബ്രിട്ടീഷ് പുരുഷ താരം ആന്‍ഡി മുറേയ്ക്ക് ഓസ്ട്രേലിയന്‍ ഓപ്പണ്‍ ടെന്നിസില്‍ വിജയത്തുടക്കം. ആദ്യറൗണ്ട് അനായാസം പിന്നിട്ട് മുറേ കുതിപ്പ് തുടങ്ങി. വനിതകളില്‍ അമേരിക്കയുടെ വീനസ് വില്യംസ്, റുമാനിയയുടെ സിമോണ ഹാലെപ്പ്, സ്‌പെയിനിന്റെ ഗബ്രീന്‍ മുഗുറുസ എന്നിവരും ആദ്യറൗണ്ട് മല്‍സരങ്ങളില്‍ ജയം കൊയ്തു.

ടൂര്‍ണമെന്റിലെ ഒന്നാം സീഡ് കൂടിയായ മുറേ ഉക്രെയ്‌നിന്റെ ഇല്ല്യ മര്‍ചെങ്കോയെയാണ് നേരിട്ടുള്ള സെറ്റുകള്‍ക്കു തകര്‍ത്തത്. സ്‌കോര്‍: 7-5, 7-6,6-2. മല്‍സരത്തില്‍ മര്‍ച്ചെങ്കോ 46 വിന്നറുകള്‍ പായിച്ചപ്പോള്‍ 25 എണ്ണമേ മുറേയുടെ ഭാഗത്തു നിന്നുണ്ടായുള്ളൂ. എന്നാല്‍ മര്‍ച്ചെങ്കോയെ (62) അപേക്ഷിച്ച് വളരെ കുറച്ച് അണ്‍ഫോഴ്‌സ്ഡ് എറേഴ്‌സ് മാത്രമേ മുറേ (27) വരുത്തിയുള്ളൂ. ഇതാണ് ബ്രിട്ടീഷ് താരത്തെ തുണച്ചത്.

കഴിഞ്ഞ വര്‍ഷമാണ് സെര്‍ബിയന്‍സൂപ്പര്‍ താരം നൊവാക് ജോകോവിച്ചിനെ പിന്തള്ളി മുറേ റാങ്കിങില്‍ തലപ്പത്തെത്തിയത്. മുറേ ടോപ് സീഡാവുന്ന ആദ്യ ഗ്രാന്റ്സ്ലാം ടൂര്‍ണമെന്റ് കൂടിയാണ് ഇത്തവണത്തെ ഓസ്ട്രേലിയന്‍ ഓപ്പണ്‍.

വനിതാ സിംഗിള്‍സില്‍ വീനസ് 7-6, 7-5ന് കതേര്‍ന കോസ്‌ലോവയെയും ഹാലെപ് 6-3, 6-1ന് ഷെല്‍ബി റോജേഴ്‌സിനെയും മുഗുറുസ 7-5, 6-4ന് മരീന എറാകോവിച്ചിനെയും തോല്‍പ്പിച്ചു.

English summary
Britian's Andy murray, Usa's Venus Williams wins asutralian open first round match. murray beats Ukraine's Illya Marchenko in Straight sets.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X