സിവിക് ചന്ദ്രനെതിരായ കേസ്:കോടതി പരാമര്ശം സ്ത്രീവിരുദ്ധമെന്ന് അഖിലേന്ത്യാ ജനാധിപത്യ മഹിളാഅസോസിയേഷന്
തിരുവനന്തപരം: സിവിക് ചന്ദ്രനെതിരായ ലൈംഗികാതിക്രമക്കേസില് ജാമ്യ ഉത്തരവില് കോഴിക്കോട് സെഷന്സ് കോടതി നടത്തിയ പരാമര്ശം അങ്ങേയറ്റം സ്ത്രീവിരുദ്ധവും പ്രതിഷേധാര്ഹവും ആണെന്ന് അഖിലേന്ത്യാ ജനാധിപത്യ മഹിളാ അസോസിയേഷന്.എഴുത്തുകാരനും സാമൂഹ്യ പ്രവര്ത്തകനുമായ സിവിക് ചന്ദ്രനെതിരായ ലൈംഗിക അതിക്രമ കേസിലെ പരാതിക്കാരിയായ യുവതിക്കെതിരെ വളരെ മോശമായ പരാമര്ശങ്ങളാണ് കോടതി നടത്തിയിട്ടുള്ളത്.
ലൈംഗികമായി പ്രകോപനം ഉണ്ടാക്കുന്ന തരത്തിലുള്ള വസ്ത്രങ്ങളാണ് പരാതിക്കാരി ധരിച്ചിരുന്നതെന്നും, ഇന്ത്യന് ശിക്ഷാ നിയമം 354 ആം വകുപ്പ് പ്രകാരം പ്രഥമദൃഷ്ട്യാ കേസ് എടുക്കാനാകില്ലെന്ന കോടതി പരാമര്ശം അപഹാസ്യവും അപലനീയവുമാണെന്ന് അഖിലേന്ത്യാ ജനാധിപത്യ മഹിളാ അസോസിയേഷന് പ്രസ്താവനയില് പറഞ്ഞു.
സ്വാതന്ത്ര്യം ലഭിച്ച് 75 ആം വാര്ഷികം ആഘോഷിക്കുന്ന ഒരു രാജ്യത്ത് ഇന്നും സ്ത്രീകള് ഇത്തരത്തിലുള്ള അവഹേളനങ്ങള് നീതിന്യായ വ്യവസ്ഥയുടെ ഭാഗത്തു നിന്നുപോലും നേരിടേണ്ടി വരുന്നു എന്നുള്ളത് അപഹാസ്യമാണ്. ബില്ക്കീസ് ബാനു കൂട്ട ബലാത്സംഗ കേസിലെ പ്രതികളെ വെറുതെ വിട്ടുകൊണ്ടുള്ള ഉത്തരവ് വന്നതിനു തൊട്ടു പിന്നാലെയാണ് കേരളത്തില് ഇങ്ങനെയൊരു സംഭവം ഉണ്ടായിരിക്കുന്നത്.
പുരുഷ കേന്ദ്രീകൃത സമൂഹത്തില് ലൈംഗിക അതിക്രമങ്ങള്ക്ക് ഇരയാക്കപ്പെടുന്ന സ്ത്രീകള് അനുഭവിക്കേണ്ടിവരുന്ന മാനസിക വേദനയും പരിഹാസങ്ങളെയും ചൂഷണങ്ങളെയും ഭയന്ന് പരാതിപ്പെടാതെ ജീവിക്കുന്ന ഒരുപാട് ഇരകള് നമുക്കിടയിലുണ്ട്. പൗരാവകാശങ്ങള് സംരക്ഷിക്കേണ്ട കോടതിയില് നിന്ന് ഇത്തരത്തിലുള്ള പരാമര്ശങ്ങള് ഉണ്ടാകുന്നത് സ്ത്രീകളെ കൂടുതല് അരക്ഷിതാവസ്ഥയിലേക്ക് തള്ളിവിടുകയാണ് ചെയ്യുന്നത്.
റോബിനൊപ്പം കിടിലൻ ലുക്കിൽ ആരതി പൊടി..ഇതെന്ത് ഭാവിച്ചാണെന്ന് ആരാധകർ
നീതി ലഭിക്കില്ല എന്നൊരു പൊതുബോധത്തിലേക്ക് സ്ത്രീ സമൂഹത്തെ തള്ളി വിടാന് മാത്രമേ ഇത്തരത്തിലുള്ള പരാമര്ശങ്ങള് ഉപകരിക്കുകയുള്ളൂ. വിചാരണ നടന്നുകൊണ്ടിരിക്കുന്ന ഒരു കേസില് പരാതി നിലനില്ക്കില്ല എന്ന തരത്തില് ജാമ്യ ഹര്ജി പരിഗണിക്കുമ്പോള് നടത്തിയിട്ടുള്ള പരാമര്ശം ഒട്ടും ഭൂഷണമല്ല. ഒരു പുരോഗമന സമൂഹത്തിന് ചേരാത്ത തരത്തിലുള്ള ഇത്തരം കോടതി പരാമര്ശത്തില് അഖിലേന്ത്യ ജനാധിപത്യ മഹിളാ അസോസിയേഷന് കേരള സംസ്ഥാന കമ്മിറ്റിയുടെ ശക്തമായ പ്രതിഷേധം രേഖപ്പെടുത്തുന്നുവെന്നും പ്രസ്താവനയില് പറയുന്നു
Recommended Video
പരാതിക്കാരി പ്രകോപനപരമായ വസ്ത്രം ധരിച്ചതിനാല് 354 എ വകുപ്പ് നിലനില്ക്കില്ലെന്നാണ് കോടതി കണ്ടെത്തല്. പ്രതിഭാഗം കോടതിയില് ഹാജരാക്കിയ ഫോട്ടോയില് യുവതിയുടെ വസ്ത്രധാരണം വ്യക്തമാണെന്നും 74 വയസുള്ള ശാരീരിക ശേഷിയില്ലാത്ത സിവിക് ചന്ദ്രന് പരാതിക്കാതിരെ ബലം പ്രയോഗിച്ച് പീഡിപ്പിച്ചു എന്ന് പറയുന്നത് വിശ്വസിക്കാന് കഴിയില്ലെന്നും കോടതി ഉത്തരവില് പറയുന്നുണ്ട്.
354ാം വകുപ്പ് പ്രയോഗിക്കണമെങ്കില് ശാരീരികമായി സ്പര്ശിക്കുകയും ലൈംഗിക ഉദ്ദേശത്തോടെയുള്ള ചേഷ്ടകള് നടത്തുകയും ലൈംഗിക ബന്ധത്തിന് ആവശ്യപ്പെടുകയും വേണമെന്നും കോടതി പറയുന്നു. കഴിഞ്ഞ ആഴ്ചയായിരുന്നു സിവിക് ചന്ദ്രന് കോടതി മുന്കൂര് ജാമ്യം അനുവദിച്ചത്.
Click it and Unblock the Notifications
Sign in with Google