തിരുവനന്തപുരം-ശംഖുമുഖം എയര്പോര്ട്ട് റോഡ് നാളെ തുറന്ന് കൊടുക്കും, ഒന്നര വർഷത്തിന് ശേഷം
തിരുവനന്തപുരം: തിരുവനന്തപുരം-ശംഖുമുഖം എയര്പോര്ട്ട് റോഡ് നാളെ തുറന്ന് കൊടുക്കും. ഒന്നരവര്ഷമായി റോഡ് അടച്ചിട്ടിരിക്കുകയായിരുന്നു. ശംഖുമുഖം റോഡിന്റെ പ്രവൃത്തി പുരോഗതി പൊതുമരാമത്ത്-ടൂറിസം വകുപ്പ് മന്ത്രി പിഎ മുഹമ്മദ് റിയാസ് നേരില് വിലയിരുത്തി. മന്ത്രി ആന്റണി രാജു, മേയര് ആര്യാ രാജേന്ദ്രന് തുടങ്ങിയവരും മന്ത്രിയുടെ കൂടെയുണ്ടായിരുന്നു. നല്ലരീതിയില് തന്നെ നിര്മ്മാണപ്രവൃത്തി മുന്നോട്ട് പോകുന്നുണ്ട് എന്ന് മന്ത്രി അറിയിച്ചു. നാളെ മുതല് റോഡ് തുറന്നുനല്കാനാകുമെന്ന് ബന്ധപ്പെട്ട ഉദ്യോഗസ്ഥര് അറിയിച്ചു.
2021 മെയ് 20 ന് പൊതുമരാമത്ത് വകുപ്പിന്റെ ചുമതലയേറ്റശേഷം ആദ്യം സന്ദര്ശിച്ച സ്ഥലങ്ങളിലൊന്നാണ് തിരുവനന്തപുരം എയര്പോര്ട്ട് റോഡ് എന്നറിയപ്പെടുന്ന ശംഖുമുഖം റോഡ് എന്ന് മുഹമ്മദ് റിയാസ് ഫേസ്ബുക്കിൽ കുറിച്ചു. ''2018 ലെ ഓഖി ദുരന്തത്തിലാണ് ഈ റോഡിന്റെ തകര്ച്ച ആരംഭിച്ചത്. പിന്നീട് തുടര്ച്ചയായ മഴയും കടല്ക്ഷോഭവും കൂടുതല് തകര്ച്ചയ്ക്ക് കാരണമായി. മെയ് 15 ന്റെ കടല്ക്ഷോഭത്തില് റോഡ് പൂര്ണമായും തകര്ന്നു. ചുമതലയേറ്റപ്പോള് തന്നെ യോഗം ചേര്ന്ന് അടിയന്തിര അറ്റകുറ്റപ്പണികള് നടത്താന് തീരുമാനിച്ചു. 2021 മെയ് 23 ന് ഇവിടെ സന്ദര്ശിച്ച് അറ്റകുറ്റപ്പണികള് വിലയിരുത്തി''.
എയര്പോര്ട്ട് റോഡ് എന്ന നിലയിലും വിനോദസഞ്ചാരികള് കൂടുതലായി എത്തുന്ന സ്ഥലം എന്ന നിലയിലും ശംഖുമുഖം റോഡിന്റെ പ്രശ്നം ശാശ്വതമായി പരിഹരിക്കാനുള്ള നടപടികളാണ് തുടര്ന്ന് സ്വീകരിച്ചത്. കടല്ക്ഷോഭത്തില് നിന്നും പ്രകൃതിദുരന്തങ്ങളില് നിന്നും റോഡ് സംരക്ഷിക്കുക എന്ന ലക്ഷ്യത്തോടെ ഡയഫ്രം വാള് നിര്മ്മിച്ചുകൊണ്ട് കടല്ക്ഷോഭത്തെ പ്രതിരോധിച്ചുള്ള നിര്മ്മാണ പ്രവൃത്തിയാണ് ഇവിടെ നടപ്പിലാക്കുന്നത്. "Accelerate PWD" യുടെ ഭാഗമായി നിര്മ്മാണ പുരോഗതി വിലയിരുത്തി.
നിര്മ്മാണ പ്രവൃത്തിയുമായി ബന്ധപ്പെട്ട കാര്യങ്ങള് ചര്ച്ച ചെയ്യാന് ബഹു. മുഖ്യമന്ത്രിയുടെ നേതൃത്വത്തിലും യോഗം ചേര്ന്നു. മന്ത്രി ഓഫീസില് നിന്നും നിരന്തരം പരിശോധന നടത്തി. 2021 ഡിസംബര് മാസം 7 നും 24 നും തുടര്ച്ചയായി ഇവിടെ സന്ദര്ശിച്ചു. 2022 മാര്ച്ച് 15 നുള്ളില് പ്രവൃത്തി പൂര്ത്തീകരിക്കണമെന്ന് ഡിസംബര് 24 ന്റെ സന്ദര്ശനത്തില് നിശ്ചയിച്ചു. തുടര്ന്ന് ഒരു വര്ക്കിംഗ് കലണ്ടര് തയ്യാറാക്കി ഓരോ ദിവസത്തെയും പ്രവൃത്തി പുരോഗതി എല്ലാ ദിവസവും രാത്രിയില് യോഗം ചേര്ന്ന് വിലയിരുത്തി. അങ്ങനെ മാര്ച്ച് മാസം 15 ന് തന്നെ റോഡ് ഗതഗാതത്തിന് തുറന്നുകൊടുക്കുകയാണ്. ഇപ്പോള് ഡയഫ്രം വാളിന്റെ പ്രവൃത്തി പൂര്ത്തിയായിട്ടുണ്ട്. ബാക്കിയുള്ള പ്രവൃത്തികളും ഇതേ നിലയില് സമയബന്ധിതമായി പൂര്ത്തിയാക്കാനാവശ്യമായ ശ്രമങ്ങള് നടത്തും എന്നും മന്ത്രി അറിയിച്ചു.
-
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ
Click it and Unblock the Notifications
Sign in with Google