തൃശൂരില് കാരുണ്യ ആരോഗ്യ സുരക്ഷ പദ്ധതി വഴി നല്കിയത് 76.5 കോടിയുടെ ചികിത്സാ സഹായം
തൃശൂര്: ജില്ലയില് കാരുണ്യ ആരോഗ്യ സുരക്ഷാ പദ്ധതിയില് 2019 മുതല് രണ്ട് വര്ഷങ്ങളിലായി വിതരണം ചെയ്തത് 76.5 കോടി രൂപയുടെ ചികിത്സാ സഹായം. ഗവ മെഡിക്കല് കോളേജ്, മെഡിക്കല് കോളേജ് നെഞ്ചു രോഗാശുപത്രി, ജില്ലാ ആശുപത്രി തൃശൂര്, വടക്കാഞ്ചേരി എന്നിങ്ങനെ പത്ത് സര്ക്കാര് ആശുപത്രികളിലും എം പാനല് ചെയ്ത 25 സ്വകാര്യ ആശുപത്രികളിലുമായാണ് കാസ്പിന്റെ ചികിത്സാ സഹായം ലഭ്യമാക്കുന്നത്. സ്റ്റേറ്റ് ഹെല്ത്ത് ഏജന്സി വഴിയാണ് കാസ്പിന്റെ സേവനങ്ങള് നല്കിവരുന്നത്. സാധാരണ ജനങ്ങള് അഭിമുഖീകരിക്കുന്ന വര്ദ്ധിച്ചുവരുന്ന ചികിത്സാ ചെലവിന് പ്രധാന ഉപാധി കണ്ടെത്തുക എന്ന ലക്ഷ്യവുമായാണ് സ്റ്റേറ്റ് ഹെല്ത്ത് ഏജന്സി പ്രവര്ത്തിക്കുന്നത്.
ഒരു കുടുംബത്തിന് ഒരു വര്ഷം അഞ്ച് ലക്ഷം രൂപയുടെ ചികിത്സ ആനുകൂല്യങ്ങള് ലഭ്യമാകും. ആശുപത്രിവാസത്തിന് മൂന്നു ദിവസം മുന്പ് മുതലുള്ള ലാബ് പരിശോധനകള്, എക്സ്-റേ മറ്റു ചികിത്സാ അനുബന്ധ നടപടിക്രമങ്ങള്ക്കായുള്ള ചിലവും പദ്ധതിയില് ഉള്പ്പെടുന്നു. സൗജന്യ ജനറല് വാര്ഡ്, തീവ്രപരിചരണ വിഭാഗത്തിലെ സേവനങ്ങള് എന്നിവ പദ്ധതിയിലൂടെ ലഭ്യമാകും. 24 മണിക്കൂര് കിടത്തി ചികിത്സ ആവശ്യമായി വരുന്ന രോഗങ്ങള്ക്കുള്ള ചികിത്സ ചെലവ് ഇതിലുള്പ്പെടുന്നു.
ശസ്ത്രക്രിയ ആവശ്യമായി വരുന്ന സാഹചര്യത്തില് സൗജന്യ ശസ്ത്രക്രിയ നടത്തും. കീമോ തെറാപ്പി, ഡയാലിസിസ് എന്നിവയും ചികിത്സാ സഹായത്തില് ഉള്പ്പെടുന്നു. ഏതു രോഗത്തിന്റെ ചികിത്സക്കാണോ അഡ്മിറ്റ് ആയത് ആ അസുഖത്തിനുള്ള ആശുപത്രി വാസത്തിന് ശേഷം വരുന്ന 15 ദിവസത്തേക്കുള്ള മരുന്ന്, ചികിത്സ നടപടികളും ലഭ്യമാകും.
2018 - 19 വര്ഷത്തില് രാഷ്ട്രീയ സ്വാസ്ത്യ ഭീമാ യോജന(ആര്എസ്ബിവൈ)ആരോഗ്യ ഇന്ഷുറന്സ് കാര്ഡ് പുതുക്കല് മറ്റുള്ളവര്ക്കും ആരോഗ്യ ഇന്ഷുറന്സ് ഉപഭോക്താവാണെന്ന് കാണിച്ചുകൊണ്ട് പ്രധാനമന്ത്രിയുടെ കാര്യാലയത്തില് നിന്നും കത്ത് കിട്ടിയിട്ടുള്ളവര്ക്കുമാണ് പദ്ധതിയുടെ ആനുകൂല്യം ലഭിക്കുക. പുതുക്കിയ എബിപിഎം -ജെഎവൈ, കാസ്പ് കാര്ഡ് എന്നിവയാണ് ആനുകൂല്യങ്ങള്ക്കായി ഹാജരാക്കേണ്ട രേഖകള്.
സംസ്ഥാന ഭാഗ്യക്കുറി വകുപ്പിന്റെ സാമ്പത്തിക സഹായത്തോടെ നടപ്പിലാക്കി വന്നിരുന്ന കാരുണ്യ ബനവലന്റ് ഫണ്ട് വഴിയുള്ള ചികിത്സാ സഹായങ്ങളും ഇപ്പോള് കാസ്പ്പ് വഴിയാണ് നടക്കുന്നത്. നിലവില് കാസ്പ്പില് ഉള്പ്പെടാത്തതും മൂന്നു ലക്ഷം രൂപയില് താഴെ വാര്ഷിക വരുമാനമുള്ളവരുമായ കുടുംബങ്ങള് കാരുണ്യ ബനവലന്റ് ഫണ്ടിന്റെ ഗുണഭോക്താക്കളായി പരിഗണിക്കപ്പെടും. 2011 -12 സാമ്പത്തിക വര്ഷം ആരംഭിച്ച ഈ പദ്ധതി അനേകം ആശ്വാസവും പ്രതീക്ഷയും നല്കുന്നതാണ്.
കാസ്പ്പ് എം പാനല് ചെയ്തിട്ടുള്ള എല്ലാ സര്ക്കാര്-സ്വകാര്യ ആശുപത്രികളിലും കാസ്പ്പ് കിയോസ്ക്കുകള് വഴി കാരുണ്യ ബെനവലന്റ് ഫണ്ടിനുള്ള സഹായത്തിനായി പുതിയ അപേക്ഷകള് സമര്പ്പിക്കാവുന്നതാണ്. കാരുണ്യ ആരോഗ്യ സുരക്ഷ പദ്ധതിയെക്കുറിച്ചുള്ള കൂടുതല് വിവരങ്ങളറിയാന് ദിശ ടോള് ഫ്രീ നമ്പര് 1056 അല്ലെങ്കില് 0471 2551056 എന്ന നമ്പറിലോ ബന്ധപ്പെടാം
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google