കാര് തലകുത്തനെ മറിഞ്ഞ് കൊക്കയിലേക്ക്; സിനിമ-സീരിയല് താരം വാഹനത്തില്, രക്ഷപ്പെട്ടത് തലനാരിഴയ്ക്ക്
അതിരപ്പള്ളി: ആനമല റോഡില് പത്തടിപ്പാലത്തിന് സമീപം തകര്ന്നുകിടക്കുന്ന റോഡില് നിയന്ത്രണം വിട്ട കാര് 50 അടി താഴ്ചയിലേക്ക് മറിഞ്ഞു. അപകടത്തില്പ്പെട്ട രണ്ട് യുവതികള് അത്ഭുതകരമായ രക്ഷപ്പെടുകയും ചെയ്തു. സിനിമ- സീരിയല് താരങ്ങളാണ് വാഹനത്തിലുണ്ടായിരുന്നത് എന്നാണ് വിവരം. കാര് പല തവണ മറിഞ്ഞ് ഒരു മരത്തില് തട്ടി നില്ക്കുകയായിരുന്നു. മലക്കാപ്പാറയില് നിന്ന് ചാലക്കുടിയിലേക്ക് വരുന്ന കാറാണ് അപകടത്തില്പ്പെട്ടത്.
എറണാകുളം സ്വദേശിയായ സിനിമ- സീരിയല് താരങ്ങളായ അനു നായര്, സുഹൃത്ത് അഞ്ജലി എന്നിവരാണ് കാറിലുണ്ടായിരുന്നത്. കാര് റോഡിലെ കല്ലില് തട്ടി മറിയുകയായിരുന്നു. എയര് ബാഗ് ഉണ്ടായിരുന്നതിനാല് ഇവര്ക്ക് കാര്യമായി പരിക്കേറ്റില്ല. റോഡില് തിരക്ക് കുറവായിരുന്നു. അതുകൊണ്ട് കാര് മറിയുന്നത് ആരും കണ്ടില്ല.
വെള്ളിയാഴ്ച വൈകീട്ട് മൂന്ന് മണിയോടെയാണ് സംഭവം. കാറില് നിന്ന് വളരെ ബുദ്ധിമുട്ടി പുറത്തിറങ്ങിയ ഇവര് കഷ്ടപ്പെട്ടാണ് റോഡിലേക്ക് കയറിയത്. പിന്നീട് മലക്കാപ്പാറയിവലേക്ക് പോയ വിനോദ സഞ്ചാരികളുടെ വാഹനത്തില് കയറി മലക്കാപ്പാറ ഫോറസ്റ്റ് സ്റ്റേഷനില് എത്തി വിവരം അറിയിക്കുകയായിരുന്നു.
ഫോറസ്റ്റ് ഉദ്യോഗസ്ഥര് ഇവര്ക്ക് വേണ്ട പ്രഥമ ശുശ്രൂഷയും ഭക്ഷണവും നല്കി. തിരികെ പോകുന്നതിന് വേണ്ടി ജീപ്പും സംഘടിപ്പിച്ചു. ആനമല റോഡില് അമ്പലപ്പാറ മുതല് മലക്കാപ്പാറ വരെ നിര്മ്മാണത്തിനായി റോഡ് പൊളിച്ചിട്ടിരിക്കുകയാണ്. അതുകൊണ്ട് ഇവിടെ അപകടം പതിവാണ്.
ദേ...പെൺകടുവ; അശ്വതി ചേച്ചീ..നിങ്ങൾ പൊളിയാണ്, വൈറൽ ചിത്രങ്ങൾ ഏറ്റെടുത്ത് ആരാധകർ
Click it and Unblock the Notifications
Sign in with Google