ഇന്നസെന്റിനൊപ്പമുള്ള ഫ്ലെക്സ് വച്ച് സുരേഷ് ഗോപി; തങ്ങളുടെ അറിവോടെയല്ലെന്ന് കുടുംബം, തുടർനടപടി ഉടൻ
തൃശൂർ: ലോക്സഭാ തിരഞ്ഞെടുപ്പിന് വിരലിൽ എണ്ണാവുന്ന ദിനങ്ങൾ മാത്രം ശേഷിക്കെ തൃശൂരിൽ പുതിയ പോർമുഖം തുറന്ന് ഫ്ലെക്സ് ബോർഡ് വിവാദം. അന്തരിച്ച നടൻ ഇന്നസെന്റിന്റെ ചിത്രം തന്റെ തിരഞ്ഞെടുപ്പ് പ്രചരണ ബോർഡിൽ വച്ച സുരേഷ് ഗോപിയാണ് പുലിവാല് പിടിച്ചത്. ഇതിന് പിന്നാലെ തങ്ങളുടെ അനുവാദമില്ലാതെയാണ് സുരേഷ് ഗോപി ഇത്തരത്തിൽ ഒരു കാര്യം ചെയ്തതെന്നാണ് ഇന്നസെന്റിന്റെ കുടുംബം അറിയിച്ചത്.
ഇതോടെ സംഭവം പുതിയ വിവാദങ്ങൾക്കാണ് വഴിയൊരുക്കിയത്. പാർട്ടിയുമായി ആലോചിച്ചശേഷം സംഭവത്തിൽ തുടർ നടപടി സ്വീകരിക്കുമെന്നാണ് ഇന്നസെന്റിന്റെ മകൻ സോണറ്റ് ഇന്ന് വ്യക്തമാക്കിയത്. സുരേഷ് ഗോപിയെ വിജയിപ്പിക്കാൻ ആഹ്വാനം ചെയ്തുകൊണ്ട് സ്ഥാപിച്ച ഫ്ലക്സിലാണ് ഇന്നസെന്റിന്റെ ചിത്രം ബിജെപി ചേർത്തത്.
എന്നാൽ എൽഡിഎഫ് സ്ഥാനാർത്ഥിയായ വിഎസ് സുനിൽകുമാറിന്റെ ബോർഡിലും ഇന്നസെന്റിന്റെ ചിത്രം പ്രത്യക്ഷപ്പെട്ടിരുന്നു. ബസ് സ്റ്റാൻഡ് എകെപി റോഡിലെ ഒഴിഞ്ഞ പറമ്പിലാണ് രണ്ടും ബോർഡുകളും ഉയർന്നത്. ആദ്യം സുനിൽ കുമാറിന്റെ ബോർഡാണ് ഇവിടെ വച്ചത്. ചാലക്കുടി മണ്ഡലത്തിലെ മുൻ
എംപിയും ഇടതുസഹയാത്രികനുമായ ഇന്നസെന്റ് സുനിൽകുമാറിന്റെ തിരഞ്ഞെടുപ്പ് ബോർഡിൽ ഇടംപിടിച്ചതിൽ വലിയ അത്ഭുതം ഇല്ലായിരുന്നു.
എന്നാൽ ഇതിന് പിന്നാലെയാണ് സുരേഷ് ഗോപിയുടെ ബോർഡും ഇവിടെ ഉയർന്നത്. അടുത്ത് തന്നെ കൂടല്മാണിക്യം ക്ഷേത്രത്തിൽ ഉത്സവം നടക്കുന്നതിനാല് അതിന്റെ ആശംസകളോടൊപ്പം വോട്ട് അഭ്യർഥിച്ചാണ് ബോര്ഡ് കഴിഞ്ഞ ദിവസം രാത്രിയോടെ ഈ ബോർഡ് ഉയർന്നത്. ഇതാണിപ്പോൾ വലിയ വിവാദങ്ങൾക്ക് വഴിയൊരുക്കിയത്.
അതേസമയം, തൃശൂരിൽ വലിയ സ്വാധീനമുള്ള വ്യക്തി എന്ന നിലയിൽ ഇന്നസെന്റിനെ വലിയ പ്രാധാന്യത്തോടെയാണ് ഇരു പാർട്ടികളും അവതരിപ്പിച്ചിരിക്കുന്നത്. എന്നാൽ 2014 മുതൽ 2019 വരെ ഇടതുപക്ഷ എംപിയായിരുന്ന ഇന്നസെന്റിന്റെ ചിത്രം കുടുംബത്തിന്റെ പോലും അനുമതിയില്ലാതെ സുരേഷ് ഗോപിയുടെ ബോർഡിൽ വച്ചത് രാഷ്ട്രീയ ധാർമികത ഇല്ലാത്ത നടപടി ആണെന്നാണ് ഒരു വിഭാഗം ചൂണ്ടിക്കാണിക്കുന്നത്.
ഇത് ഉയർത്തിക്കാട്ടി ആവും ഇനി ഇടതുപക്ഷത്തിന്റെ പ്രചരണം. പ്രത്യേകിച്ച് മണ്ഡലത്തിൽ ഏത് വിധേനയും ജയിച്ച് ബിജെപിക്ക് ആദ്യമായി കേരളത്തിൽ അക്കൗണ്ട് തുറക്കാനാണ് സുരേഷ് ഗോപിയുടെ ശ്രമം. അതിനായി കരുവന്നൂർ സഹകരണ ബാങ്ക് തട്ടിപ്പ് അടക്കമുള്ള വിഷയങ്ങൾ അവർ പ്രചരണ വിധേയമാക്കിയിരുന്നു. പിന്നാലെ തൃശൂർ പൂരം നടത്തിപ്പുമായി ബന്ധപ്പെട്ട പ്രശ്നവും ബിജെപി ചർച്ചക്കിടുന്നുണ്ട്. അതിനിടയിലാണ് സുരേഷ് ഗോപിക്ക് പുലിവാലായി ഫ്ലെക്സ് വിവാദം ഉയർന്നു വന്നിരിക്കുന്നത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google