ബ്രിട്ടാനിയ ബിസ്ക്കറ്റിൽ 52 ഗ്രാം തൂക്കം കുറവ്; ഉപഭോക്താവിന് 60,000 രൂപ നഷ്ടപരിഹാരം നൽകാൻ ഉത്തരവ്
തൃശൂർ: ബിസ്ക്കറ്റ് പാക്കറ്റിൽ തൂക്കക്കുറവ് കണ്ടെത്തിയ സംഭവത്തിൽ തൃശൂരിൽ വൻ തുക നഷ്ട പരിഹാരം വിധിച്ച് ഉപഭോക്തൃ കോടതി. പ്രമുഖ ബ്രാൻഡായ ബ്രിട്ടനിയ്ക്ക് എതിരെയാണ് തൃശൂർ സ്വദേശിയുടെ പരാതിയിൽ നടപടി ഉണ്ടായിരിക്കുന്നത്. 300 ഗ്രാം ബിസ്ക്കറ്റ് പാക്കറ്റിൽ 52 ഗ്രാം വരെ കുറവ് കണ്ടെത്തിയതിന് പിന്നാലെയാണ് നടപടി ഉണ്ടായിരിക്കുന്നത്.
പരാതിക്കാരനായ ജോർജ് തട്ടിലിന് 60,000 രൂപയും അതിന്റെ പലിശയും നൽകാനാണ് കോടതി ഉത്തരവിട്ടിരിക്കുന്നത്. തൃശൂർ വരാക്കരയിലെ ബേക്കറിയിൽ നിന്നും വാങ്ങിയ ന്യൂട്രി ചോയ്സ് ആരോറൂട്ട് ബിസ്ക്കറ്റ് വെറുമൊരു കൗതുകത്തിന്റെ പേരിൽ ജോർജ് തൂക്കിനോക്കിയതോടെയാണ് കള്ളി വെളിച്ചത്തായത്.
ബിസ്ക്കറ്റ് പേക്കറ്റ് തൂക്കി നോക്കിയപ്പോൾ 300 ഗ്രാം വരുന്ന ബിസ്ക്കറ്റിൽ 52 ഗ്രാമിന്റെ കുറവാണ് ഉണ്ടായിരിക്കുന്നത്. ഇതോടെ ജോർജ് കൂടുതൽ പേക്കറ്റുകൾ തൂക്കി നോക്കുകയായിരുന്നു. തുടർന്നാണ് ഞെട്ടിക്കുന്ന കണ്ടെത്തലുണ്ടായത്. തൂക്കി നോക്കിയ എല്ലാ ബിസ്ക്കറ്റ് പാക്കറ്റുകളിലും ഈ നിലയ്ക്ക് അളവിൽ കുറവുണ്ടായിരുന്നു എന്നതാണ് പ്രത്യേകത.
അങ്ങനെയാണ് ഇവ എടുത്ത് ജോർജ് തൃശൂരിലെ ലീഗൽ മെട്രോളജി വകുപ്പിന്റെ ഓഫീസിൽ എത്തിയത്. ശേഷം ഇക്കാര്യം അവിടെ പരിശോധിച്ചു ഉറപ്പ് വരുത്തിയതിന് പിന്നാലെ ഇയാൾ ഉപഭോക്ത കോടതിയെ സമീപിക്കുകയായിരുന്നു. തുടർന്ന് കേസ് പരിഗണിച്ച കോടതി ജോർജിന്റെ പരാതിയിൽ കഴമ്പുണ്ടെന്ന് കണ്ടെത്തുകയും നഷ്ടപരിഹാരം വിധിക്കുകയുമായിരുന്നു.
ഹർജിക്കാരന് സംഭവിച്ച സാമ്പത്തിക നഷ്ടത്തിനും വിഷമതകൾക്കുമായി 50,000 രൂപയും, ഇയാളുടെ ചെലവിലേക്ക് 10,000 രൂപയുമാണ് കോടതി വിധിച്ചത്. ഹർജി സമർപ്പിച്ച തീയതി മുതൽ 9 ശതമാനം പലിശയും നൽകാനും കോടതി വിധിച്ചിട്ടുണ്ട്.
ഇതിന് പുറമെ ഇത്തരം സംഭവങ്ങൾ ആവർത്തിക്കരുതെന്ന് കർശന നിർദ്ദേശവും കമ്പനിക്ക് കോടതി നൽകിയിട്ടുണ്ട്. ലീഗൽ മെട്രോളജി വകുപ്പിനോട് സംസ്ഥാന വ്യാപകമായി ഇത്തരം സംഭവങ്ങൾ നടക്കുന്നുണ്ടോ എന്ന് പരിശോധിക്കാനും കോടതിയുടെ നിർദ്ദേശമുണ്ട്.
അടുത്തിടെ സമാനമായി പല പ്രമുഖ കമ്പനികളും നടപടി നേരിടേണ്ടി വന്നിരുന്നു എന്നതാണ് ശ്രദ്ധേയം. നിർമാണത്തിൽ അപാകത വന്ന സിൽക്ക് വിവാഹ സാരി മാറ്റി നൽകാൻ വിസമ്മതിച്ച കല്യാൺ സിൽക്സ് 75,040 രൂപ ഉപഭോക്താവിന് നൽകണമെന്ന് കാട്ടി ജനുവരിയിൽ കോടതി ഉത്തരവിട്ടിരുന്നു. ഉത്പന്നത്തെ കുറിച്ച് കൃത്യമായ വിവരം ഉപഭോക്താവിന് നൽകിയില്ലെന്ന് ഉൾപ്പെടെ ചൂണ്ടിക്കാട്ടിയായിരുന്നു നടപടി.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google