സ്വകാര്യ റിസോര്ട്ടിലെ ലഹരി പാര്ട്ടി ചോര്ത്തിയത് സംഘത്തിലുള്ള ഗുണ്ടകള്, കിര്മാണി അടക്കം കുടുങ്ങി
കല്പ്പറ്റ: വയനാട്ടില് പോലീസിനെ ഞെട്ടിച്ച് കഴിഞ്ഞ ദിവസം വലിയൊരു ലഹരി പാര്ട്ടി പിടിച്ചിരുന്നു. കിര്മാണി മനോജ് അടക്കമുള്ള ക്വട്ടേഷന് സംഘങ്ങളാണ് ഇതില് പിടിയിലായത്. എന്നാല് സ്വകാര്യ റിസോര്ട്ടില് നടന്ന ലഹരി പാര്ട്ടിയെ കുറിച്ച് പോലീസിന് വിവരങ്ങള് ചോര്ന്ന് ലഭിച്ചതാണ്. ഇത് സംഘവുമായി അടുപ്പമുള്ളവര് തന്നെയാണ് ചോര്ത്തി നല്കിയതെന്നാണ് സൂചന. ഉന്നത പോലീസ് ഉദ്യോഗസ്ഥന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു റിസോര്ട്ടില് പരിശോധന നടന്നത്. ലഹരി മരുന്ന് അടക്കമാണ് പ്രതികള് പിടിയിലായത്. ടിപി കേസിലെ പ്രതിയായ കിര്മാണി മനോജ് ഇതില്പ്പെട്ടത് പോലീസ് ഗൗരവത്തോടെയാണ് കാണുന്നത്.
ഇയാള് മറ്റ് ക്രിമിനല് പ്രവര്ത്തനങ്ങള്ക്ക് നേതൃത്വം നല്കുന്നുണ്ടെന്നും, അതിനാണ് ജയിലില് നിന്ന് പുറത്തിറങ്ങിയതെന്നും സൂചനയുണ്ട്. കരിപ്പൂര് വിമാനത്താവളത്തില് നിന്ന് സ്വര്ണക്കടത്തുകാരെ തട്ടിക്കൊണ്ടു പോയത് അടക്കം വിവിധ കേസുകളില് പ്രതിയുമായ കമ്പളക്കാട് മുഹസിന്റെ വിവാഹ വാര്ഷിക ചടങ്ങിനിടെയാണ് പതിനാറ് പേര് അടങ്ങിയ സംഘം പിടിയിലായത്. മുഹസിന് ഗോവ കേന്ദ്രീകരിച്ച് ക്വട്ടേഷന് പ്രവര്ത്തനം നടത്തുന്നയാളാണ്. ലോക്ഡൗണ് കാരണം വിവാഹാഘോഷം നടന്നിരുന്നില്ല. ഈ കാരണം കൊണ്ടാണ് വിവാഹ വാര്ഷികം സംഘടിപ്പിച്ചത്. നൂറോളം പേര് ഈ ചടങ്ങില് പങ്കെടുത്തിട്ടുണ്ട്. ബന്ധുക്കള് അടക്കം ഉണ്ടായിരുന്നുവെന്നാണ് വിവരം.
അതേസമയം ഗുണ്ടാസംഘത്തെ മാത്രമാണ് അറസ്റ്റ് ചെയ്തത്. മറ്റുള്ളവരെ ചോദ്യം ചെയ്ത് വിട്ടയക്കുകയായിരുന്നു. ഇക്കൂട്ടത്തിലെ പലര്ക്കും ലഹരി ഉപയോഗിക്കുന്നുണ്ടെന്ന് അറിയില്ലായിരുന്നു. ആഘോഷം കൊഴുക്കുന്നതിനിടെയാണ് പോലീസ് പെട്ടെന്ന് വന്നത്. അതിഥികള് ആകെ അമ്പരന്ന് പോയി. ഇതോടെ മസില്പവര് കാണിച്ച് ആളാകാനാണ് കമ്പളക്കാട് മുഹ്സിന് മറ്റ് ഗുണ്ടകളെയും വിളിച്ച് വരുത്തിയതെന്ന് കരുതുന്നു. ഇവര് ചില കുറ്റകൃത്യങ്ങള് നടപ്പിലാക്കാനുള്ള ഗൂഢാലോചനയും റിസോര്ട്ടില് വെച്ച് നടത്തിയതായിട്ടാണ് വിവരം. പല കേസുകളിലും കൂട്ടുപ്രതികളായിരുന്നവര് വരെ ഈ അറസ്റ്റിലായവരിലുണ്ട്.
ഇവരില് നിന്ന് നിര്ണായക വിവരം ലഭിച്ചാല് അത് സംസ്ഥാനത്തെ മയക്കുമരുന്ന് വേട്ടയ്ക്ക് തന്നെ ഗുണം ചെയ്യുമെന്നാണ് പോലീസ് വിലയിരുത്തല്. കൂടുതല് ഗുണ്ടകളുമായി ബന്ധമുണ്ടാക്കി ക്വട്ടേഷന് ഫീല്ഡീല് വന്തുക ആവശ്യപ്പെടാനുള്ള കളമൊരുക്കുകയായിരുന്നു ഇവരുടെ ലക്ഷ്യം. രാഷ്ട്രീയ സ്വാധീനം വരെയുള്ളവര് അറസ്റ്റിലായവരിലുണ്ട്. തിങ്കളാഴ്ച്ച രാതി പത്ത് മണിക്കായിരുന്നു റെയ്ഡ്. പക്ഷേ അതിന് മുമ്പ് തന്നെ റിസോര്ട്ടും പരിസരവും പോലീസ് നിരീക്ഷണ വലയത്തിലാക്കിയിരുന്നു. റിസോര്ട്ടിനുള്ളില് വരെ പോലീസ് സാന്നിധ്യം ഉണ്ടായിരുന്നുവെന്നാണ് സൂചന. ലക്ഷങ്ങള് പൊടിച്ചാണ് പാര്ട്ടി നടത്തിയത്. 16 കോട്ടേജുകളാണ് ബുക്ക് ചെയ്തത്. പടിഞ്ഞാറത്തറ മേഖലയിലെ റിസോര്ട്ടുകളും ടൂറിസ്റ്റ് പ്രദേശങ്ങളും കേന്ദ്രീകരിച്ച് ലഹരി മരുന്ന് ഇടപാടുകള് നടക്കുന്നതായി പരാതി വ്യാപകമായിട്ടുണ്ട്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google