സൗദി: അമ്മയെ തല്ലിയ മകന് 600 ചാട്ടയടി

റിയാദ്: അമ്മയെ തല്ലിയ മകന് ഒരു വര്‍ഷത്തെ തടവും 600 ചാട്ടയടിയും. സൗദിയിലാണ് സംഭവം. ഏറെ നാളായി യുവാവ് അമ്മയെ മര്‍ദ്ദിയ്ക്കുകയും കൊല്ലുമെന്ന് ഭീഷണിപ്പെടുത്തുകയും ചെയ്തിരുന്നു.

യുവാവിന്റെ അമ്മയുടെ പരാതിയെത്തുടര്‍ന്നാണ് പൊലീസ് അറസ്റ്റ് ചെയ്തത്. തുടര്‍ന്ന് കോടതിയില്‍ ഹാജരാക്കുകയും യുവാവ് കുറ്റക്കാരനാണെന്ന് കണ്ടെത്തുകയും ചെയ്തു. അമ്മയ്ക്ക് നേരെ യുവാവ് അസഭ്യ വര്‍ഷം നടത്തിയിരുന്നു . ഇതിന് പുറമെ അമ്മയ്ക്ക് നേരെ ജ്യൂസ് വലിച്ചെറിയുകയും ചെയ്തിരുന്നു.

നിസാര കാര്യങ്ങള്‍ക്ക് പോലും യുവാവ് അമ്മയുമായി വഴക്കിട്ടിരുന്നു. അതിന് ശേഷം മര്‍ദ്ദനത്തിന് മുതിരുകയും കൊല്ലുമെന്ന് ഭീഷണിപ്പെടുത്തുകയും ചെയ്തിരുന്നു. ജ്യൂസ് ഉണ്ടാക്കിയത് നന്നായിട്ടില്ലെന്ന് ആരോപിച്ചായിരുന്നു സംഭവ ദിവസം യുവാവ് അമ്മയെ മര്‍ദ്ദിച്ചത്. ഇതോടെയാണ് അമ്മ പൊലീസില്‍ പരാതിയുമായി എത്തിയത്. കോടതി കുറ്റക്കാരനെന്ന് കണ്ടെത്തിയ യുവാവിന് ഒരു വര്‍ഷത്തെ തടവിനും 600 ചാട്ടയടിയ്ക്കും വിധിച്ചു.

English summary

Saudi court sentenced a man to one year in prison and ordered him lashed 600 times after he was found guilty of swearing at his mother.