മലയാളി കുടുംബം സഞ്ചരിച്ച കാര്‍ ഫുജൈറയില്‍ കൊക്കയിലേക്ക് മറിഞ്ഞു 10 വയസ്സുകാരന്‍ മരിച്ചു!!!

Updated: Sunday, April 17, 2016, 9:20 [IST]

ഫുജൈറ: അവധി ദിവസമായ വെള്ളിയാഴ്ച കുടുംബ സമ്മേതം ഫുജൈറയില്‍ പോയി മടങ്ങും വഴിയാണ് അപകടം നടന്നത്. കോഴിക്കോട് സ്വദേശിയും ഷാര്‍ജ സെയ്ഫ് സോണിലെ ഒരു സ്വകാര്യ മറൈന്‍ കമ്പനിയിലെ എഞ്ചിനീയറുമായ ശ്രീകുമാറും ഭാര്യയും രണ്ട് കുട്ടികളുമടങ്ങുന്ന സംഘം സഞ്ചരിച്ച കാര്‍ നിയന്ത്രണം വിട്ട് താഴ്ചയിലേക്ക് മറിയുകയായിരുന്നു.

വെള്ളിയാഴ്ച രാത്രി 12 മണിയോടെ ഫുജൈറ ടൗണില്‍ നിന്നും ഏതാണ്ട് 16 കിലോമീറ്റര്‍ അകലെയാണ് അപകടം സംഭവിച്ചത്. അപകടത്തില്‍ ഗുരുതരമായ പരുക്ക് പറ്റിയ ഇവരെ ഫുജൈറ ഗവ. ആശുപത്രിയില്‍ എത്തിച്ചെങ്കിലും 10 വയസ്സുള്ള മകന്‍ മരണത്തിന് കീഴടങ്ങുകയായിരുന്നു. ശ്രൂകുമാറിന്റെ നില അതീവ ഗുരുതരമായി തുടരുകയാണ്.

സംഭവം അറിഞ്ഞ് കമ്പനി ഉദ്യോഗസ്ഥരും സഹപ്രവര്‍ത്തകരും ഫുജൈറയില്‍ എത്തിയിട്ടുണ്ട്. ഇവരുമായി ബന്ധപ്പെട്ട കൂടുതല്‍ വിവരങ്ങള്‍ ഇതുവരെ ലഭ്യമായിട്ടില്ല. അബോധാവസ്ഥയിലുള്ള ശ്രീകുമാറിന്റെ നില അതീവ ഗുരുതരമായി തുടരുകയാണ്. നടപടി ക്രമങ്ങള്‍ പൂര്‍ത്തിയാക്കി കുട്ടിയുടെ മ്യതശരീരം നാട്ടിലെത്തിക്കാനാണ് ബന്ധുക്കളുടെ ശ്രമം. ശ്രീകുമാറിന്റെ ഏഴു വയസ്സുള്ള മകളും ഭാര്യയും ഇതേ ആശുപത്രിയില്‍ ചികിത്സയിലാണ്.