യോഗ ദിനം ദുബായും ആഘോഷിയ്ക്കുന്നു, നോന്പ് തുറയ്ക്ക് ശേഷം ആഘോഷങ്ങള്
ദുബായ്: ലോക യോഗ ദിനം ദുബായും ആഘോഷിയ്ക്കുന്നു. ഐക്യരാഷ്ട്രസഭ ലോക യോഗ ദിനമായി ആഹ്വാനം ചെയ്ത ജൂണ് 21നാണ് ദുബായിലും പരിപാടി സംഘടിപ്പിയ്ക്കപ്പെടുന്നത്. ദുബായ് അല്വാസല് സ്പോര്ട്സ് ക്ളബ്ബ് ഗ്രൗണ്ടിലാണ് പരിപാടി. ദുബായിലെ ഇന്ത്യന് കോണ്സുലേറ്റാണ് പരിപാടികള്ക്ക് നേതൃത്വം നല്കുന്നത്.
യുഎഇയുടെ വിവിധ ഭാഗങ്ങളില് വര്ഷങ്ങളായി യോഗ പരിശീലിയ്ക്കുന്നവരും പരിശീലിപ്പിയ്ക്കുന്നവരും പരിപാടിയില് പങ്കെടുക്കും. ജൂണ് 21ന് നോമ്പ് തുറയ്ക്ക് ശേഷം രാത്രി എട്ട് മണിയ്ക്കാണ് അല്വാസല് ഗ്രൗണ്ടില് പരിപാടി സംഘടിപ്പിയ്ക്കുന്നത്. 15000 പേര് പരിപാടിയില് പങ്കെടുക്കുമെന്നാണ് പ്രതീക്ഷിയ്ക്കുന്നതെന്ന് കോണ്സല് ജനറല് അനുരാഗ് ഭൂഷണ് പത്രസമ്മേളനത്തില് അറിയിച്ചു.
പ്രധാനമന്ത്രി നരേന്ദ്രമോദിയുടെ അഭ്യര്ഥനപ്രകാരം ഐക്യരാഷ്ട്രസഭ ആഹ്വാനം ചെയ്ത യോഗദിനത്തിനായി ലോകമെങ്ങും നടക്കുന്ന പരിപാടികളുടെ ഭാഗമായാണ് യുഎഇയിലെ ആഘോഷം ദുബായില് സംഘടിപ്പിയ്ക്കുന്നത്. സൗദി അറേബ്യ, അമേരിയ്ക്ക, കാനഡ, ചൈന ഉള്പ്പടെ 170 രാജ്യങ്ങളില് ആഘോഷം നടക്കും. ദുബായിലെ ആഘോഷങ്ങളില് പങ്കെടുക്കുന്നവര്ക്ക് സൗജന്യം യോഗ കിറ്റ് നല്കും. സൗജന്യമായി പേര് രജിസ്റ്റര് ചെയ്യുന്നതിന് www.iyd.ae വെബ്സൈറ്റില് രജിസ്റ്റര് ചെയ്യുക.