രണ്ടര വയസ്സുകാരി സ്കൂള് വാനിലുള്ളില് മരിച്ച നിലയില്; മലയാളി ഡ്രൈവര് അറസ്റ്റില്!!!
കുവൈത്ത്: കാലത്ത് സ്കൂള് വാനില് പ്ലേ സ്കൂളിലേക്ക് പോയ കുട്ടിയെ വാഹനം ഉച്ചയ്ക്ക് തിരിച്ചെത്തിയപ്പോഴാണ് കാണാതായതായി മനസ്സിലാവുന്നത്. തുടര്ന്നു നടത്തിയ അന്യേഷണത്തില് കുട്ടിയെ വാനിലുള്ളില് മരിച്ച നിലയില് കണ്ടെത്തുകയായിരുന്നു.
മഹാരാഷ്ട്ര സ്വദേശിയും കെ.എന്.പി.സി ഉദ്യോഗസ്ഥനുമായ ഹംധുവിന്റെ മകളാണ് ദാരുണമായി മരണപ്പെട്ടത്. രാവിലെ സ്കൂളിലെത്തിയ വാഹനത്തില് ഉറങ്ങിപ്പോയ കുട്ടിയെ ശ്രദ്ധിക്കാതെ വാഹനം പൂട്ടി ഡ്രൈവര് ഇറങ്ങിപ്പോയതാണ് അപകടത്തിന് കാരണമെന്ന് കരുതുന്നു.
കടുത്ത ചൂടില് ശരീരത്തിലെ നിര്ജ്ജലീകരണമാണ് മരണ കാരണമെന്ന് പ്രാധമിക നിഗമനം. സംഭവത്തെ തുടര്ന്ന് മലയാളിയായ വാന് ഡ്രൈവറും സ്കൂളിലെ അറബിക് ടീച്ചറും പോലീസ് കസ്റ്റഡിയിലാണ്. സമാന സംഭവം ഗള്ഫ് നാടുകളില് ഇടക്കിടെ സംഭവിക്കുന്നത് രക്ഷിതാക്കളെ ആശങ്കയിലാക്കിയിരിക്കുകയാണ്.
സ്കൂള് വാഹനത്തില് പാലിക്കേണ്ട സുരക്ഷാ നിര്ദേശങ്ങള് കര്ശനമായി പാലിക്കുവാന് അധിക്രതര് മുന്നറിയിപ്പുകള് നല്കുന്നുണ്ടെങ്കിലും ജീവനക്കാരുടെ അശ്രദ്ധ വീണ്ടും കുഞ്ഞു ജീവനുകള് പൊരിവെയിലില് പൊലിഞ്ഞ് പോകാന് കാരണമാവുകയാണ്.