മോഷണം, ശ്രീലങ്കക്കാരി ജയിലില്‍

ദുബയ്: വീട്ടുടമയുടെ 128000ദീര്‍ഹവും മൂന്നു മൊബൈല്‍ ഫോണുകളും മോഷ്ടിച്ച ശ്രീലങ്കന്‍ യുവതിയെ മൂന്നുമാസത്തെ തടവ് ശിക്ഷയ്ക്കുശേഷം നാടുകടത്താന്‍ യുഎഇ ക്രിമിനല്‍ കോടതി ഉത്തരവിട്ടു.

തുകയില്‍ ഒരു ഭാഗം വീട്ടിലേക്കയച്ചിട്ടുണ്ട്. ബാക്കിയുള്ളത് വേലക്കാരിയുടെ സ്റ്റീല്‍ സേഫില്‍ നിന്ന് കണ്ടെടുക്കുകയും ചെയ്തിട്ടുണ്ടെന്നാണ് എമിറേറ്റിയായ സിന്തിയാ ഖൈഫാന്‍ മൊഴി നല്‍കിയത്.

തുടക്കത്തില്‍ ശിക്ഷ ഏറ്റുപറയാന്‍ 25കാരിയായ യുവതി വിസമ്മതിച്ചിരുന്നു. തുടര്‍ന്ന് പോലിസ് നടത്തിയ പരിശോധനയില്‍ 1520 ദീര്‍ഹവും രണ്ടു മൊബൈലും അടിവസ്ത്രത്തിനുള്ളിലും 3200 ദീര്‍ഹം, 500 ദീര്‍ഹത്തിന്റെ പ്രീപെയ്ഡ് കാര്‍ഡ്, പണം നാട്ടിലേക്കയച്ചതിന്റെ ബില്‍ എന്നിവ ബാഗിനുള്ളില്‍ നിന്നും കണ്ടെത്തി.

English summary

Court award three-month jail to Sri Lankan maid