എമിറേറ്റ്‌സ് ടിക്കറ്റ് ചാര്‍ജ് 30 ശതമാനം കുറച്ചു

ദുബയ്: യുഎഇ വിമാനക്കമ്പനിയായ എമിറേറ്റ്‌സ് നിരക്കുകളില്‍ 30 ശതമാനം ഡിസ്‌കൗണ്ട് പ്രഖ്യാപിച്ചു. തിരഞ്ഞെടുത്ത ലക്ഷ്യസ്ഥാനങ്ങളിലേക്കാണ് മൂന്നു ദിവസം നീണ്ടുനില്‍ക്കുന്ന ഓഫര്‍ പ്രഖ്യാപിച്ചിട്ടുള്ളത്. യാത്രക്കാരുടെ തിരക്കില്ലാത്ത റൂട്ടുകളില്‍ ഓഫറുകളിലൂടെ കൂടുതല്‍ യാത്രക്കാരെ കണ്ടെത്താനുള്ള ശ്രമത്തിന്റെ ഭാഗമായാണിത്. ഒമ്പതാം തിയ്യതിയാണ് ഓഫര്‍ അവസാനിക്കുന്നത്.

ലണ്ടന്‍, ഡല്ലാസ്, സൂറിക്, ബെയ്‌റൂത്ത്, ബാങ്കോക്ക്, കറാച്ചി, പാരിസ്, റിയോഡിജനീറോ, ബ്യൂണസ്‌ഐറിസ്, മുംബൈ എന്നിവ ഓഫര്‍ ഉള്ള സ്ഥലങ്ങളില്‍ ഉള്‍പ്പെടും.

ബിസിനസ് ആവശ്യത്തിനായാലും വിനോദത്തിനായാലും യാത്രയ്ക്ക് ചെലവ്കുറയുന്നത് മറ്റുകാര്യങ്ങളില്‍ കൂടുതല്‍ ചെലവഴിക്കാനുള്ള അവസരമാണ് നല്‍കുന്നത്. മൂന്നു ദിവസത്തിനുള്ളില്‍ ടിക്കറ്റ് ബുക്ക് ചെയ്യണമെങ്കില്‍ യാത്ര ചെയ്യാന്‍ ജൂണ്‍ 10 വരെ സമയമുണ്ട്.

പുതിയ ഓഫര്‍ പ്രകാരം ചെന്നൈ, കോഴിക്കോട്, കൊച്ചി, മുംബൈ എന്നിവടങ്ങളിലേക്ക് 1100 ദിര്‍ഹമാണ് ഇക്കോണമി ചാര്‍ജ്.

English summary

Emirates announced three day economy and business class fair slash.