എല്ലാ ഇടപാടുകള്ക്കും ഐഡി കാര്ഡ് നിര്ബന്ധം
അബുദാബി: ഇനി മുതല് എല്ലാ ഇടപാടുകള്ക്കും അബുദാബിയില് ഐഡന്റിറ്റി കാര്ഡുകള് നിര്ബന്ധം. അബുദാബി എക്സിക്യുട്ടീവ് കൗണ്സില് ആണ് പുതിയ നിയമം നിലവില് കൊണ്ടുവന്നിരിക്കുന്നത്.
അബുദാബി സിസ്റ്റംസ് & ഇന്ഫര്മേഷന് സെന്റര് പുറത്തിറക്കിയ കുറിപ്പിലാണ് അബുദാബി എമിറേറ്റില് എല്ലാ ഇടപാടുകള്ക്കും ഐഡി കാര്ഡ് നിര്ബന്ധമാക്കിയ കാര്യം അറിയിച്ചിരിക്കുന്നത്.
അബുദാബി എക്സിക്യുട്ടീവ് കൗണ്സില് അംഗം മുഹമ്മദ് അഹമ്മദ് അല്-ബവാഡിയുടെ അധ്യക്ഷതയില് നടന്ന യോഗമാണ് ഇക്കാര്യത്തില് തീരുമാനം എടുത്തിരിക്കുന്നത്.
യോഗത്തില് മറ്റു പല പ്രധാന തീരുമാനങ്ങളും എടുത്തു എന്നാണ് റിപ്പാര്ട്ട്.
ഐഡി കാര്ഡ് പുതുക്കേണ്ടവര് ഏപ്രില് അവസാനിക്കുന്നതിനു മുമ്പ് ചെയ്തിരിക്കണം. ഐഡി കാര്ഡില് വല്ല തിരുത്തലോ മാറ്റവും വേണമെങ്കിലും ഈ കാലയളവിനുള്ളില് തന്നെ ചെയ്തിരിക്കണം.
പിഴയില്ലാതെ ഐഡി കാര്ഡ് രജിസ്റ്റര് ചെയ്യാനുള്ള അവസാന തീയതി മാര്ച്ച് 31 ആയിരുന്നു അബുദാബിയില്.
Click it and Unblock the Notifications
Sign in with Google