യുഎഇയെ പ്രതിസന്ധിയിലാക്കി പൊടിക്കാറ്റ്

ദുബയ്: യുഎഇയിലെ കാലാവസ്ഥ ഇപ്പോഴും അസ്ഥിരാവസ്ഥയില്‍ തുടരുന്നു. ഇടിക്കും മഴക്കുമുള്ള സാധ്യത ഞായറാഴ്‌ഴ്ചയും തുടരുന്നു. താഴ്ന്ന മര്‍ദ്ദം ഇപ്പോഴും തുടരുന്നതു കാരണം ആണ് കാലാവസ്ഥയില്‍ ഈ അസ്ഥിരത.

യുഎഇ ആകെ മേഘാവൃതമാണ് പലപ്പോഴും. ഇടിയോടു കൂടിയ മഴക്കുള്ള സാധ്യത ഇപ്പോഴും തുടരുന്നു. ഞായറാഴ്ച ശക്തമായ മഴ എല്ലാ എമിറേറ്റുകളിലും പ്രതീക്ഷിക്കപ്പെടുന്നുണ്ട്.

27 ഡിഗ്രി സെല്‍ഷ്യസിനും 31 ഡിഗ്രി സെല്‍ഷ്യസിനും ഇടയിലാണ് തീരപ്രദേശങ്ങളില്‍ പ്രതീക്ഷിക്കുന്ന താപനില. പര്‍വ്വത പ്രദേശങ്ങളില്‍ ഇത് 31 ഡിഗ്രിക്കും 36 ഡിഗ്രിക്കും ഇടയ്ക്കും മറ്റിടങ്ങളില്‍ 25 ഡിഗ്രിക്കും 26 ഡിഗ്രിക്കും ഇടയ്ക്കും ആയിരിക്കും.

വരും ദിവസങ്ങളില്‍ അറേബ്യന്‍ ഉള്‍ക്കടലില്‍ ഒന്നര മീറ്ററോളം ഉയരത്തിലുള്ള തിരമാലകള്‍ കരയിലേക്കും കടലില്‍ മൂന്നു മീറ്ററോളം ഉയരത്തിലുള്ള തിരമാലകളും ഉണ്ടാകും. അതിനാല്‍ കാലവസ്ഥ പ്രവചന കേന്ദ്രം കടല്‍ യാത്രക്കെതിരെ മുന്നറിയിപ്പ് നല്‍കിയിട്ടുണ്ട്.

ആളുകളെയും വാഹനങ്ങളെയും കുഴപ്പത്തിലാക്കികൊണ്ട് യുഎഇയുടെ പല ഭാഗത്തും പൊടിക്കാറ്റ് അടിക്കുന്നുണ്ട്. യുഎഇയിലെ ഈ കാലാവസ്ഥയിലെ ദുര്‍ഘടാവസ്ഥയ്ക്ക് കാരണം സൗദി അറേബ്യയില്‍ നിന്നും ദിശമാറി വീശുന്ന കാറ്റാണ് എന്നാണ് കാലാവസ്ഥാ നിരീക്ഷകരുടെ നിഗമനം.

പൊടിക്കാറ്റ് ചെറിയ രീതിയിലൊന്നുമല്ല യുഎഇയിലെ ജനജീവിതത്തെ ബാധിക്കുന്നത്. 800 മീറ്ററോളം ദൂരത്തിനപ്പുറത്തേക്ക് കാഴ്ച തടസ്സം ഉണ്ടാക്കുന്നത്രയും ശക്തമാണ് ഈ പൊടിക്കാറ്റ്. വാഹനമോടിക്കുമ്പോള്‍ പ്രത്യേകം ശ്രദ്ധിക്കണമെന്ന് ജാഗ്രതാ നിര്‍ദ്ദേശം നല്‍കിയിരിക്കുകയാണ്.

English summary

Dubai Weather in the UAE will remain unstable Sunday with chances of thunder and rain until Monday morning due to persistent low pressure, according to the national weather bureau.