ബുര്ജ് ഖലീഫയിലുള്ളവര് ഭൂകമ്പത്തെ പേടിയില്ല
ഏറ്റവും ഉയരം കൂടിയ കെട്ടിടം മാത്രമല്ല ഇത്. വളരെ നാള് നീണ്ട ആസൂത്രണത്തിന് ശേഷം തയ്യാറാക്കിയതാണിത്. തീപ്പിടുത്തമോ മറ്റു ദുരന്തങ്ങളോ ഉണ്ടായാല് എന്തു ചെയ്യണമെന്ന കാര്യത്തില് ഇവിടത്തെ ഓരോ താമസക്കാരനും പരിശീലനം നല്കിയിട്ടുണ്ട്-താമസക്കാരില് ഒരാള് എമിറേറ്റ് ന്യൂസ്പോര്ട്ടലിനു നല്കിയ അഭിമുഖത്തില് വ്യക്തമാക്കി.
കെട്ടിടത്തിനുള്ളില് ബങ്കറിനു സമാനമായ ഏരിയകളുണ്ട്. അടിയന്തിരസാഹചര്യം വന്നാല് ഇതിനുള്ളിലേക്ക് നീങ്ങാനാണ് നിര്ദ്ദേശം കിട്ടിയിട്ടുള്ളത്. ഇത്തരം ബങ്കറുകള്ക്കരികിലായി പ്രത്യേക ഇലവേറ്ററുകളുണ്ട്. ഏത് സാഹചര്യവും നേരിടാന് തയ്യാറായ ഒരു വിദഗ്ധ സംഘം എപ്പോഴും കെട്ടിടത്തിനുള്ളിലുണ്ടാകും.
കഴിഞ്ഞ ചൊവ്വാഴ്ച ബുര്ജ് ഖലീഫയിലുള്ളവരോട് ഒഴിയണമെന്ന് ആവശ്യപ്പെട്ട ട്വീറ്റുകള് പ്രവഹിച്ചിരുന്നു. എന്നാല് ഇവിടെ നിന്ന് ഒരാള് പോലും പിടിയിറങ്ങിയിട്ടില്ല. ചെറിയ ചെറിയ കമ്പനങ്ങള് ഉണ്ടാകാറുണ്ട്. അതു ബാധിക്കാത്ത രീതിയിലുള്ള നിര്മാണരീതിയാണ് കെട്ടിടത്തിനുള്ളത്.
Click it and Unblock the Notifications
Sign in with Google