കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മേളക്കാരനെ പാട്ടുകാരന്‍ കുത്തിക്കൊന്നു

  • By Soorya Chandran
Google Oneindia Malayalam News

ദുബായ്: ഗാനമേളക്കിടെയുണ്ടായ തര്‍ക്കം ഒടുവില്‍ പാട്ടുകാരന്‍ മേളക്കാരനെ കുത്തിക്കൊല്ലുന്നതിലേക്കെത്തി. ദുബായിലാണ് സംഭവം.

ഒരു ലേബര്‍ ക്യാമ്പില്‍ നടത്തിയ പാര്‍ട്ടിയിലെ ഗാനമേളയിലാണ് പ്രശ്‌നമുണ്ടായത്. ഗാനമേള നടക്കുന്നതിനിടെ പാട്ടുകാരന്റെ സുഹൃത്ത് പാര്‍ട്ടിയിലേക്ക് കടന്നുവന്നു. ആ സമയം മേളക്കാരന്‍ തന്റെ കൂട്ടുകാരനെ വേണ്ടത്ര ഗൗനിച്ചില്ല എന്നതാണ് പാട്ടുകാരനെ ചൊടിപ്പിച്ചത്.

ഇതോടെ പാട്ടുകാരനും മേളക്കാരനും തമ്മില്‍ വാക്കുതര്‍ക്കമായി. തര്‍ക്കം മൂത്തപ്പോള്‍ മേളക്കാരന്‍ പാര്‍ട്ടിയില്‍ നിന്ന് ഇറങ്ങിപ്പോയി. ഇതോടെ ദേഷ്യം മൂത്ത പാട്ടുകാരന്‍ കത്തിയുമായി പിറകേ പോയി. ഒടുവില്‍ മുറിയിലെത്തി മേളക്കാരനെ കുത്തിക്കൊല്ലുകയായിരുന്നുവെന്ന് പോലീസ് പറഞ്ഞു. കൊലപാതകത്തിന് ശേഷം ഇയാള്‍ തിരിച്ചെത്തി പാര്‍ട്ടിയില്‍ പങ്കെടുക്കുകയും ചെയ്തു.

സംഭവം പുറത്തറിഞ്ഞതോടെ കൊലപാതകി അബുദാബിയിലേക്ക് കടന്നു. അവിടെ സുഹൃത്തുക്കള്‍ക്കൊപ്പം കുറച്ച് നാള്‍ തങ്ങി രാജ്യം വിടാനുള്ള ഒരുക്കത്തിലായിരുന്നു ഇയാള്‍. പക്ഷേ ഇതിനിടക്ക് പോലീസെത്തി അറസ്റ്റ് ചെയ്യുകയായിരുന്നു. ദുബായില്‍ ഏഷ്യക്കാര്‍ മാത്രം താമസിക്കുന്ന ഒരു ലേബര്‍ ക്യാമ്പില്‍ ആണ് സംഭവം നടന്നത്.

ദുബായിലെ ഒരു ക്രിമിനല്‍ കോടതിയില്‍ 2013 ജൂലായ് 21 നാണ് പോലീസ് കേസിന്റെ വിശദാംശങ്ങള്‍ സമര്‍പ്പിച്ചത്. മനപ്പൂര്‍വ്വമുള്ള കൊലപാതകമായിരുന്നുവെന്ന് പ്രോസിക്യൂഷന്‍ വാദിച്ചു.

English summary
According to court testimony, after the concert, conducted by a group of Asians, the singer is accused of intentionally murdering the drummer because he failed to welcome the suspect’s friend.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X