സൗദി: മദ്യപിച്ചതിന് മംഗലാപുരം സ്വദേശിയ്ക്ക് ചാട്ടയടി
ദമാം: മദ്യപിച്ചതിന് മംഗലാപുരം സ്വദേശിയ്ക്ക് സൗദിയില് ചാട്ടയടിയും തടവും. എട്ടുമാസം മുന്പ് സൗദി അറേബ്യയില് ഡ്രൈവറായി ജോലിയ്ക്കെത്തിയ മംഗലാപുരം സ്വദേശിയ്ക്കാണ് ശിക്ഷ ലഭിച്ചത്. രണ്ട് മാസമായി ഇയാള് ജയിലില് കഴിയുകയാണ്.
മംഗലാപുരം പുത്തൂര് കോശിയുടേയും അന്നമ്മയുടേയും മകനായ ജോബി തരകന് കോശിയെയാണ് മദ്യപിച്ചെന്ന കുറ്റം ചുമത്തി സ്പോണ്സര് ജയിലില് ഏല്പ്പിച്ചത്. ഡ്രൈവര് ജോലിയ്ക്കെത്തിയ ജോബിയെ വീട്ടുജോലിയ്ക്ക് നിര്ബന്ധിച്ചപ്പോള് വിസമ്മതിച്ചു.
തുടര്ന്ന് മദ്യപിച്ചോ എന്നന്വേഷിച്ച ശേഷം പൊലീസില് ഏല്പ്പിയ്ക്കുകയായിരുന്നു. കോടതി 70 ചാട്ടയടിയ്ക്ക് ശിക്ഷിച്ചു. 14 ദിവസം ശിമാലിയ സ്റ്റേഷനില് തടവിലായിരുന്നു. ഒന്നരമാസത്തോളമായി ജയിലില് കഴിയുകയാണ് ഇയാള്. ഇയാളുടെ സ്പോണ്സര് പാസ്പോര്ട്ട് ജയില് അധികൃതര്ക്ക് കൈമാറിയതായാണ് വിവരം. മാതാപിതാക്കളും ഭാര്യയും കുഞ്ഞും അടങ്ങുന്നതാണ് ജോബിയുടെ കുടുംബം.