ഒമാന്‍ പൊതുമാപ്പ് 7382 പേര്‍ രാജ്യം വിട്ടു

മസ്‌ക്കറ്റ്: രാജ്യത്ത് അനധിക്രതമായി താമസിക്കുന്ന പ്രവാസികള്‍ക്ക് നിയമ നടപടികള്‍ നേരിടാതെ സ്വന്തം രാജ്യത്ത് മടങ്ങാന്‍ ഒമാന്‍ സര്‍ക്കാര്‍ പ്രഖ്യാപിച്ച പൊതുമാപ്പ് അവസാനിക്കാന്‍ ഇനി 22 ദിവസം കൂടി. കഴിഞ്ഞ മെയ് 3 ന് പ്രഖ്യാപിച്ച പൊതുമാപ്പ് ആനുകൂല്യത്തില്‍ ഏതാണ്ട് 7382 പേര്‍ രാജ്യം വിട്ടതായി മാന്‍ പവര്‍ മന്ത്രാലയം അറിയിച്ചു.

മന്ത്രാലയത്തിന്റെ കണക്കു പ്രകാരം ഏതാണ്ട് 14254 പേരാണ് രാജ്യത്ത് നിയമവിരുദ്ധമായി കഴിഞ്ഞു കൂടുന്നത്. ഇതില്‍ 6872 പേര്‍ നടപടികള്‍ പൂര്‍ത്തിയാക്കുവാനുള്ള രേഖകള്‍ മന്ത്രാലയത്തിന് സമര്‍പ്പിച്ച് കാത്തിരിക്കുകയാണെന്നും അധിക്രതര്‍ അറിയിച്ചു. നിയമം ലംഘിച്ച് രാജ്യത്ത് തങ്ങുന്നവര്‍ക്ക് പൊതുമാപ്പ് കാലയളവില്‍ രാജ്യത്ത് മടങ്ങാന്‍ പ്രതേക ഫീസോ, പിഴയോ അടയ്‌ക്കേണ്ടതില്ല.

കാലയളവിനു ശേഷം രാജ്യത്ത് ശക്തമായ പരിശോധന നടത്തുമെന്നും അതില്‍ പിടിക്കുന്നവര്‍ക്ക് കടുത്ത ശിക്ഷ അനുഭവിക്കേണ്ടി വരുമെന്നും മന്ത്രാലയം മുന്നറിയിപ്പ് നല്‍കി. ജൂണ്‍ മാസത്തിലാണ് ഏറ്റവും കൂടുതല്‍ പേര്‍ നടപടികള്‍ പൂര്‍ത്തിയാക്കി സ്വന്തം രാജ്യത്തേക്ക് മടങ്ങിയത്.

English summary

7382 illegal expatriate workers left Oman as amnesty ends in 22 days