മുഖ്യമന്ത്രിക്ക് കഴിക്കാന് അബുദാബി കൊട്ടാരത്തിലെ വിഭവങ്ങള്
അബുദാബി: യു എ ഇ യില് സന്ദര്ശനത്തിനു എത്തിയ മുഖ്യമന്ത്രി ഉമ്മന്ചാണ്ടിക്കും കുടുംബത്തിനും അറബ് ലോകത്തിന്റെ മാതാവായി തെരുഞ്ഞടുക്കപ്പെട്ട അബുദാബിയിലെ ശൈഖ ഫാത്തിമ ബിന്ത് മുബാറക്കിന്റെ കൊട്ടാരത്തില് നിന്ന് സ്വാദിഷ്ടമായ വിഭവങ്ങള് എത്തി. അന്തരിച്ച യു എ ഇ രാഷ്ട്ര പിതാവ് ശൈഖ് സായിദ് ബിന് സുല്ത്താന് അല് നഹ്യാന്റെ പത്നിയാണ് ശൈഖ ഫാത്തിമ .
മുഖ്യമന്ത്രിയുടെ സുഹൃത്തും കോണ്ഗ്രസ് നേതാവുമായ എം ജി പുഷ്പാകരന്റെ വീട്ടില് വെച്ച് ,കൊട്ടാരം ഭക്ഷ്യ വിഭാഗത്തിലെ നൌഫല് പറമ്പില് അബൂബക്കര് ബെണ്ടിച്ചാല് വിഭവങ്ങള് കൈമാറി .
വിശിഷ്ടമായ ഈന്തപ്പഴം ,മധുര പലഹാരങ്ങള് എന്നിവ മുഖ്യമന്ത്രിയും പത്നിയും മക്കളും ഏറ്റു വാങ്ങി .ശൈഖ ഫാത്തിമയുടെ ആശംസ സന്ദേശവും നൌഫല് കൈമാറി . മുഖ്യമന്ത്രി ശൈഖ ഫാത്തിമക്ക് നന്ദി അറിയിച്ചു
Click it and Unblock the Notifications
Sign in with Google