പ്രവാസികള്ക്ക് സന്തോഷവാര്ത്ത..! നാട്ടിലേക്കുള്ള ടിക്കറ്റിന് 15% ഇളവ് നല്കി എയര്ഇന്ത്യ എക്സ്പ്രസ്
അബുദാബി: യു എ ഇ ദേശീയ ദിനത്തോട് അനുബന്ധിച്ച് 2024 മാര്ച്ച് 31 വരെയുള്ള ഇന്ത്യയിലേക്കുള്ള യാത്രക്ക് ടിക്കറ്റ് നിരക്കില് ഇളവ് വരുത്തി എയര് ഇന്ത്യ എക്സ്പ്രസ്. നേരിട്ടുള്ള ചാനല് ബുക്കിംഗുകള്ക്ക് എയര് ഇന്ത്യ എക്സ്പ്രസ് 15% കിഴിവ് ആണ് വാഗ്ദാനം ചെയ്തിരിക്കുന്നത്. എയര് ഇന്ത്യ എക്സ്പ്രസ് വെബ്സൈറ്റ് വഴി ടിക്കറ്റ് ബുക്ക് ചെയ്യുന്നവര്ക്കാണ് ഇളവ് ലഭിക്കുക.
'യുഎഇയേയും ഇന്ത്യയേയും ബന്ധിപ്പിക്കുന്ന വിപുലമായ ശൃംഖലയില് കണ്ണിയായതില് അഭിമാനിക്കുന്നു. ഈ മേഖലയോടുള്ള ഞങ്ങളുടെ സമര്പ്പണം പുനഃസ്ഥാപിക്കേണ്ടത് നിര്ണായകമാണ്. എയര് ഇന്ത്യ എക്സ്പ്രസിന് യുഎഇ വിപണിയുമായി ചരിത്രപരവും വൈകാരികവുമായ ബന്ധമുണ്ട്,' എയര് ഇന്ത്യ എക്സ്പ്രസിന്റെ ഇന്റര്നാഷണല് ബിസിനസ് വിപി താര നായിഡു പറഞ്ഞു.
57 വിമാനങ്ങളും 29 ബോയിംഗ് 737 വിമാനങ്ങളും 28 എയര്ബസ് എ320 വിമാനങ്ങളും അടക്കം 30 ആഭ്യന്തര ലക്ഷ്യസ്ഥാനങ്ങളിലേക്കും 14 അന്താരാഷ്ട്ര ലക്ഷ്യസ്ഥാനങ്ങളിലേക്കും എയര് ഇന്ത്യ എക്സ്പ്രസ് പ്രതിദിനം 300-ലധികം ഫ്ലൈറ്റുകള് ആണ് സര്വീസ് നടത്തുന്നത്. ഇന്ത്യയില് നിന്ന് യു എ ഇയിലേക്ക് മാത്രം ആഴ്ചയില് 195 സര്വീസുകള് ആണ് എയര് ഇന്ത്യ എക്സ്പ്രസ് നടത്തുന്നത്.
അതേസമയം ലോഗിന് ചെയ്ത അംഗങ്ങള്ക്ക് മാത്രമാണ് ഡിസ്കൗണ്ട്. അതിനാല് മുമ്പ് വെബ്സൈറ്റില് രജിസ്ട്രേഷന് നടത്തിയിട്ടില്ലാത്തവര് ഇത് പൂര്ത്തിയാക്കണം. വെബ്സൈറ്റിലോ മൊബൈല് ഫോണ് ആപ്ലിക്കേഷനിലോ ഓപണ് ചെയ്ത ശേഷം അപ്ലൈ ഓഫര് എന്ന ലിങ്കിലേക്ക് കടക്കുക. തുടര്ന്ന് പ്രമോ കോഡ് ടാബ് തിരഞ്ഞെടുത്ത് 'UAE15' പ്രമോ കോഡ് നല്കാം.
ശേഷം കാണുന്ന ആരോ മാര്ക്കില് ക്ലിക്ക് ചെയ്യുക. പ്രൊമോ കോഡ് വിന്ഡോ ക്ലോസ് ചെയ്താല് ഫ്ളൈറ്റ് ചെക്കിംഗ് സെര്ച്ച് എന്നതില് പോയി ബുക്കിങ് പൂര്ത്തിയാക്കാം. നേരത്തെ എല്ലാ ആഭ്യന്തര, അന്താരാഷ്ട്ര വിമാന ടിക്കറ്റുകള്ക്കും എയര് ഇന്ത്യ എക്സ്പ്രസ് ഈയിടെ 30 ശതമാനം ഡിസ്കൗണ്ട് പ്രഖ്യാപിച്ചിരുന്നു. 'ക്രിസ്മസ് കംസ് ഏര്ലി' എന്ന പേരില് നവംബര് 30 വരെ ആയിരുന്നു ഈ ബുക്കിംഗിനുള്ള അവസരമുണ്ടായിരുന്നത്.
ഡിസംബര് രണ്ട് മുതല് 2024 മെയ് 30 വരെ യാത്ര ബുക്ക് ചെയ്യുന്നവര്ക്കായിരുന്നു ക്രിസ്മസ് കംസ് ഏര്ലി ഓഫര്. ഇന്ത്യയുടെ ബജറ്റ് വിമാന കമ്പനിയായ എയര് ഇന്ത്യ എക്സ്പ്രസ് ടാറ്റ ഗ്രൂപ്പ് ഏറ്റെടുത്ത ശേഷം നിരവധി ആനുകൂല്യങ്ങള് യാത്രക്കാര്ക്കായി നല്കിയിരുന്നു. ടാറ്റ ന്യൂപാസ് റിവാര്ഡ്സ് പ്രോഗ്രാമിലെ അംഗങ്ങള്ക്ക് ബാഗേജുകള്, ഭക്ഷണം, സീറ്റുകള്, ടിക്കറ്റ് മാറ്റം, റദ്ദാക്കല് ഫീസ് ഇളവുകള് എന്നിവ പോലുള്ള ആനുകൂല്യങ്ങള് ലഭിച്ചിരുന്നു.
എയര് ഇന്ത്യ എക്സ്പ്രസിന്റെ മൊബൈല് ആപ്പിലും വെബ്സൈറ്റായ airindiaexpress.com ലും ലോഗിന് ചെയ്ത് ടിക്കറ്റ് ബുക്ക് ചെയ്യുന്നവര്ക്ക് സൗജന്യ എക്സ്പ്രസ് എഹെഡ് സേവനങ്ങളും സീറോ കണ്വീനിയന്സ് ഫീ സൗകര്യവും ലഭിക്കും.
Click it and Unblock the Notifications
Sign in with Google