ഗിഫ സാഹിത്യ അവാര്ഡിനായി അപേക്ഷകള് ക്ഷണിക്കുന്നു
25000 രൂപയും പ്രശസ്തി പത്രവും ഫലകവുമടങ്ങുന്നതാണ് അവാര്ഡ്.
ദോഹ: ഇന്തോ ഗള്ഫ് ബന്ധം ഊഷ്മളമാക്കുന്നതിനും സാഹിത്യ സാംസ്കാരിക ജീവകാരുണ്യ പരിപാടികള് പ്രോല്സാഹിപ്പിക്കുന്നതിനും രൂപീകൃതമായ ഗള്ഫ് ഇന്ത്യ ഫ്രെണ്ട്ഷിപ് അസ്സോസിയേഷന്റെ (ഗിഫയുടെ) സാഹിത്യ അവാര്ഡിന് ഗള്ഫിലെ മാധ്യമ പ്രവര്ത്തകരില് നിന്നും അപേക്ഷ ക്ഷണിച്ചു. കഥ, കവിത, നോവല്, ഗദ്യ സാഹിത്യം, വിവര്ത്തനം എന്നീ അഞ്ചു വിഭാഗങ്ങളിലായി അഞ്ച് പേര്ക്കാണ് അവാര്ഡ് നല്കുക.
25000 രൂപയും പ്രശസ്തി പത്രവും ഫലകവുമടങ്ങുന്നതാണ് അവാര്ഡ്. 2013 ജനുവരി ഒന്നിനും 2016 ഒക്ടോബര് 31 നും ഇടയില് ആദ്യ പതിപ്പായി പ്രസിദ്ധീകരിച്ച പുസ്തകങ്ങളാണ് അവാര്ഡിന് പരിഗണിക്കുക. പുസ്തകത്തിന്റെ മൂന്നുകോപ്പികളും ജോലി ചെയ്യുന്ന മാധ്യമ സ്ഥാപനത്തിന്റെ സാക്ഷ്യ പത്രവും സഹിതം ചീഫ് കോര്ഡിനേറ്റര്, ഗിഫ, പോസ്റ്റ് ബോക്സ് 23143, ദോഹ ഖത്തര് എന്ന വിലാസത്തില് നവംബര് 30 ന് മുമ്പായി ലഭിക്കണം.
ദുബായില് നിന്നുള്ള മാധ്യമ പ്രവര്ത്തകരെ പരിഗണിച്ച് പുസ്തകങ്ങള് ഈ മാസം 25 വരെ ദുബായില് സ്വീകരിക്കുവാന് സൗകര്യമേര്പ്പെടുത്തുമെന്നും ഭാരവാഹികള് അറിയിച്ചിട്ടുണ്ട്. കൂടുതല് വിവരങ്ങള്ക്ക് 00974 55526275 എന്ന നമ്പറില് ബന്ധപ്പെടുക. ജനുവരിയില് ദോഹയില് നടക്കുന്ന വിപുലമായ ചടങ്ങില് അവാര്ഡുകള് വിതരണം ചെയ്യും.
Click it and Unblock the Notifications
Sign in with Google