അഭിനയവും മോഡലിംങും പഠിപ്പിക്കാന് ദുബായില് ആശാ ശരത്ത് കള്ച്ചറല് സെന്റര് ഒരുങ്ങി
ദുബായ്: മലയാളത്തിലും അന്യഭാഷാ ചിത്രങ്ങളിലുമടക്കം ലക്ഷക്കണക്കിനു സിനിമാ പ്രേമികളുടെ ഇഷ്ടതാരമായി മാറിയ ആശാ ശരത്ത് തനിക്കു ലഭിച്ച ഭാഗ്യങ്ങള് തന്റെ ശിഷ്യരിലേക്കും പകര്ന്നു നല്കാന് ഒരുങ്ങുന്നു.
അഭിനയം, ഫാഷന് എന്നീ മേഖലകളില് മികച്ച പരിശീലനം നേടാന് ആഗ്രഹിക്കുന്നവര്ക്ക് ഇന്ത്യയിലെ പ്രശസ്ഥരായ വ്യക്തികളില് നിന്നും നേരിട്ട് പരിശീലനം നേടാനുള്ള അവസരമാണ് ആശാ ശരത്ത് കള്ച്ചറല് സെന്ററിലൂടെ ലക്ഷ്യം വെക്കുന്നതെന്ന് ആശാ ശരത്ത് ദുബായില് വാര്ത്താസമ്മേളനത്തില് വ്യക്തമാക്കി.
10 വയസ്സ് മുതലുളളവര്ക്ക് പരിശീലന കളരിയില് അംഗമാകാം. കുട്ടികള്, വീട്ടമ്മമാര്, ജോലി ചെയ്യുന്നവര് എന്നീ മൂന്ന് ബാച്ചുകളിലായാണ് പരിശീലനം നല്കുന്നത്. ഒരോ വിഭാഗത്തിനും ഏറ്റവും അനുയോജ്യമായ സമയം തെരഞ്ഞെടുക്കുവാനുള്ള അവസരമൊരുക്കിയാണ് പരിശീലനം പൂര്ത്തിയാക്കുക. മികച്ച പ്രകടനം കാഴ്ച വെക്കുന്നവര്ക്ക് അവരുടെ താല്പര്യ പ്രകാരം മിനി സ്ക്രീനിലടക്കം അവസരങ്ങള് നേടി കൊടുക്കാനും താന് പരിശ്രമിക്കുമെന്ന് മലയാളത്തിന്റെ പ്രിയ നടി വ്യക്തമാക്കുന്നു.
കലാമണ്ഡലം സുമതിയുടെ മകളായ താന് കല്യാണത്തിനു ശേഷം ഭര്ത്താവിന്റെ കൈയ്യും പിടിച്ച് ഗള്ഫ് മണ്ണില് കാലു കുത്തുമ്പോള് തന്റെ സ്വപ്നങ്ങളും എന്നന്നേക്കുമായി കുഴിച്ചുമൂടപ്പെടുമെന്നാണ് കരുതിയത്. എന്നാല് പെട്ടിയില് തുണിയില് പൊതിഞ്ഞ് കൊണ്ടു വന്ന ചിലങ്ക വീണ്ടും അണിഞ്ഞപ്പോള് സ്വന്തം താമസ സ്ഥലം വിരലിലെണ്ണാവുന്ന കുട്ടികളുടെ പരിശീലന കളരിയായി മാറുകയായിരുന്നു. പിന്നീട് ഭര്ത്താവ് ശരത്തിന്റെ സഹായത്താല് കൈരളി കലാകേന്ദ്രം എന്ന സ്ഥാപനം ആരംഭിച്ചു. ഇതെ സമയം യുഎഇ ലെ റേഡിയോ സ്റ്റേഷനില് അവതാരകയായും മിന്നിത്തിളങ്ങി.
ക്യത്യതയോടും ആത്മാര്ത്ഥയോടുമുളള പരിശീലനമാണ് ഇന്ന് കാണുന്ന രീതിയില് കൈരളി കലാകേന്ദ്രം വളരാന് കാരണമായതെന്നും ആശ അഭിപ്രായപ്പെട്ടു. ഏതാണ്ട് 3000 ലധികം വിദ്യാര്ത്ഥികളാണ് ഇന്ന് ഗ്രൂപ്പിന് കീഴില് പരിശീലനം നേടുന്നത്.
മികച്ച ശബ്ദ് വെളിച്ച സഹായത്താല് ഒരുക്കിയ വേദിയും ഖിസൈസിലെ പുതിയ ആശാശരത്ത് കള്ച്ചറല് സെന്ററില് ഒരുക്കിയിട്ടുണ്ട്. തന്റെ പുതിയ സംരഭത്തിന് മലയാള സിനിമയില് നിന്നടക്കം നിരവധി മേഖലകളില് നിന്നും മികച്ച പിന്തുണ ലഭിച്ചിട്ടുണ്ടെന്നും ആശ പറഞ്ഞു. മമ്മൂട്ടിയും മോഹന്ലാലുമടക്കം മലയാള സിനിമകളിലെ പ്രശസ്ഥര് ആശയുടെ സംരഭത്തിന് ആശംസകളുമായി മുന്നോട്ട് വന്നിട്ടുണ്ട്.
-
ആര്യ ബഡായിയുടെ മുൻ കാമുകൻ, രണ്ട് തവണ വിവാഹമോചനം നടന്നയാൾ,കൊടും ചതിയൻ';ആലപ്പി അഷ്റഫ് -
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദേശീയപാത 66 ലെ യാത്ര ഇനി സുഗമാകും; വരാപ്പുഴ പാലം മെയ് മാസം തുറക്കും -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
പശ്ചിമ കൊച്ചിയുടെ തലവര മാറും; നിര്ണായക ചുവടുവയ്പ്പുമായി കൊച്ചി വാട്ടര് മെട്രോ: ടെന്ഡര് വിളിച്ചു -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
പേരൂര്ക്കട ഫ്ലൈഓവര്, വട്ടിയൂര്ക്കാവ് റോഡ് ആന്ഡ് ജംഗ്ഷന്; കുരുക്കഴിഞ്ഞു, നിര്മാണം തുടങ്ങി -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു
Click it and Unblock the Notifications
Sign in with Google