ത്രിവര്‍ണ്ണ പതാകയില്‍ പൊതിഞ്ഞ് ബുര്‍ജ് ഖലീഫ; ഇത് ഇന്ത്യയോടുള്ള ആദരം!

ദുബായ്: ഇന്ത്യയുടെ 68ാം റിപബ്ലിക് ദിനാഘോഷത്തിന്റെ ഭാഗമായാണ് ഇന്ത്യയോടുള്ള ആദര സൂചകമായി ലോകത്തിലെ ഏറ്റവും ഉയരം കൂടിയ ബുര്‍ജ് ഖലീഫ ത്രിവര്‍ണ്ണ പതാകയില്‍ വെട്ടിത്തിളങ്ങിയത്. ഇന്ത്യന്‍ ദേശീയ പതാകയുടെ നിറത്തില്‍ എല്‍ഇഡി ഉപയോഗിച്ചുള്ള പ്രകാശ വിസ്മയം ഒരുക്കിയാണ് യുഎഇ ലെ പ്രമുഖ പ്രോപ്പര്‍ട്ടി ഗ്രൂപ്പായ എമ്മാര്‍ ആഘോഷ പരിപാടികളില്‍ പങ്ക് ചേര്‍ന്നത്.

ഇന്ത്യയും യുഎഇ യും തമ്മിലുള്ള സൗഹ്യദം നൂറ്റാണ്ടുകളായി തുടരുന്നതാണെന്നും ഈ വര്‍ഷത്തെ ഇന്ത്യന്‍ റിപ്പബ്ലിക് ദിനാഘോഷ പരിപാടികളില്‍ അബുദാബി കിരീടാവകാശി ശൈഖ് മുഹമ്മദ് ബിന്‍ സായിദ് അല്‍നഹ്യാന്‍ വിശിഷ്ടാതിഥിയായി പങ്കെടുക്കുന്നതും ഇരു രാജ്യങ്ങളും തമ്മിലുള്ള ബന്ധത്തെ കൂടുതല്‍ ഊട്ടി ഉറപ്പിക്കുന്നതാണെന്ന് എമ്മാര്‍ പുറത്തിറക്കിയ വാര്‍ത്താ കുറിപ്പില്‍ വ്യക്തമാക്കുന്നു.

25, 26 തിയ്യതികളില്‍ വൈകീട്ട് 6.15 നും 7.15 നും 8.15 നുമായിരിക്കും ഇത്തരത്തില്‍ ബുര്‍ജ് ഖലീഫയില്‍ ഇന്ത്യന്‍ ദേശീയ പതാകയുടെ നിറങ്ങള്‍ കൊണ്ട് ഒരുക്കുന്ന എല്‍ഇഡി ഷോ അരങ്ങേറുക.

English summary

Burj khalifa covered in tricolor flag; Honouring India