അബുദാബി: ആറാം നിലയില് നിന്ന് കാര് താഴേയ്ക്ക് മറിഞ്ഞ് യുവതി മരിച്ചു
അബുദാബി: ആറാം നിലയില് നിന്നും കാര് താഴേയ്്ക്ക് മറിഞ്ഞ് സ്ത്രീ മരിച്ചു.വിദേശിയായ സ്ത്രീയാണ് അബുദാബിയിലെ കാര് പാര്ക്കിംഗ് കെട്ടിടത്തില് നിന്നും കാര് താഴേയ്ക്ക് മറിഞ്ഞ് മരിച്ചത്. കാര് പിന്നോട്ടെടുക്കുന്നിതിനിടെ നിയന്ത്രണം വിട്ട് ആറാം നിലയില് നിന്നും താഴേയ്ക്ക് വീഴുകയായിരുന്നു.
54കാരിയായ യൂറോപ്യന് സ്ത്രീയാണ് കൊല്ലപ്പെട്ടത്. അപകടസമയം ഇവരാണ് വാഹനം ഓടിച്ചിരുന്നത്. അബുദാബിയിലെ ബഹുനില കാര്പാര്ക്കിംഗ് കെട്ടിടത്തില് ഞായറാഴ്ച രാവിലെയോടെയായിരുന്നു സംഭവം.
ആറാം നിലയില് നിന്നും കാര് പിന്നോട്ട് എടുക്കുന്നതിനിടെ താഴേക്ക്ര് മറിയിരുകയായിരുന്നു. ഖലീഫ സ്ട്രീറ്റിലെ പാര്ക്കിംഗ് കെട്ടിടത്തിലാണ് അപകടം. അപകട വിവരം അബുദാബി പൊലീസിലെ മേജര് സയീദ് അല് ദഹാരി സ്ഥിരീകരിച്ചു. അപകടവിവരം ലഭിച്ചയുടന് തന്നെ പൊലീസ് സ്ഥലത്തെത്തി. സംഭവത്തിന് പിന്നില് അട്ടിമറിയുണ്ടോ എന്ന് അന്വേഷിയ്ക്കുമെന്ന് പൊലീസ് പറഞ്ഞു. അപകടത്തില്പെട്ട കാറിന്റെ ദൃശ്യങ്ങള് പൊലീസ് ട്വിറ്ററിലൂടെ പുറത്ത് വിട്ടു