ചെങ്ങന്നൂരിലെ സജി ചെറിയാൻറെ വൻവിജയം ഇടതുപക്ഷ സർക്കാരിനുള്ള അംഗീകാരം!!

ദമ്മാം: ചെങ്ങന്നൂർ ഉപതെരഞ്ഞെടുപ്പിൽ വൻവിജയം നേടിയ ഇടതുപക്ഷജനാധിപത്യമുന്നണി സ്ഥാനാർഥി സജി ചെറിയാനെ, ദമ്മാം നവയുഗം സാംസ്ക്കാരികവേദി അഭിനന്ദിച്ചു. ഇടതുപക്ഷസർക്കാരിന്റെ ജനക്ഷേമപ്രവർത്തനങ്ങൾക്ക് ചെങ്ങന്നൂർ ജനത നൽകിയ അംഗീകാരമാണ് ഈ ചരിത്രവിജയമെന്ന് നവയുഗം സാംസ്ക്കാരികവേദി കേന്ദ്രകമ്മിറ്റി വിലയിരുത്തി.

ചില കുത്തക മാധ്യമങ്ങളെ കൂട്ട് പിടിച്ചു കൊണ്ടും, വർഗ്ഗീയധ്രൂവീകരണത്തിന് ശ്രമിച്ചും, കൊണ്ഗ്രെസ്സ് - ബി.ജെ.പി പാർട്ടികൾ നടത്തിയ ഇടതുവിരുദ്ധ പ്രചാരണങ്ങളെ അതിജീവിച്ചു കൊണ്ട്, ഇടതുമുന്നണിയ്ക്ക് ചെങ്ങന്നൂരിൽ വൻവിജയം നേടാനായത്, കേരളത്തിലെ ജനങ്ങൾ ഇടതുസർക്കാരിനു നൽകുന്ന ശക്തമായ പിന്തുണ കൊണ്ടാണ്.

ഇടതുപക്ഷആദർശങ്ങളിൽ ഉറച്ചു നിന്ന്, ജനങ്ങൾക്കായി ഭരിച്ചാൽ, ഒരു മാണിയുടെയും, കോണിയുടെയും സഹായമില്ലാതെ തന്നെ ഇടതുമുന്നണിയ്ക്ക് വിജയിയ്ക്കാം എന്ന സത്യത്തിനും ഈ തെരെഞ്ഞെടുപ്പ് അടിവരയിടുന്നു.

കെ.കെ.രാമചന്ദ്രൻ മാസ്റ്റർ തുടങ്ങി വെച്ച ചെങ്ങന്നൂർ മണ്ഡലത്തിന്റെ വികസനപ്രവർത്തനങ്ങൾ മുന്നോട്ടു കൊണ്ട് പോയി പൂർത്തിയാക്കാനും, ജനക്ഷേമപ്രവർത്തനങ്ങളിലൂടെ ആ മണ്ഡലത്തെ ഇടതുകോട്ടയായി പരിവർത്തനം ചെയ്യിയ്ക്കാനും സഖാവ് സജി ചെറിയാന് കഴിയട്ടെ എന്ന് നവയുഗം കേന്ദ്രകമ്മിറ്റി ആശംസിച്ചു.

English summary

Chengannur bypoll election results 2018 Navayugam reaction.