കറുപ്പു നിറമുള്ള ഭാര്യയെ വേണ്ട, യുവാവ് ഇമെയിലിലൂടെ മൊഴി ചൊല്ലി

നോയ്ഡ: വാട്ട്സ് ആപിലൂടെയും ഫേസ്ബുക്കിലൂടെയും വിവാമോചനം നടക്കുന്നത് ഇപ്പോള്‍ ട്രെന്‍ഡ് ആയി കഴിഞ്ഞു. എന്നാല്‍ ഇമെയില്‍ വഴി ഭര്‍ത്താവ് മൊഴി ചൊല്ലിയതിന്റെ കാരണമാണ് രസകരം.

ഭാര്യ കറുത്തു പോയതാണ് ഭര്‍ത്താവ് മൊഴി ചൊല്ലാന്‍ കാരണം. ഇമെയില്‍ സന്ദേശം കിട്ടിയ ഭാര്യയും വീട്ടുക്കാരും കാരണം കേട്ട് ഞെട്ടി പോയി. വിവാഹം കഴിഞ്ഞ അന്നു മുതല്‍ കറുത്ത നിറത്തിന്റെ പേരില്‍ ഭര്‍ത്താവ് തന്നെ വാക്കുകള്‍ കൊണ്ട് ഉപദ്രവിക്കുകയാണെന്ന് യുവതി പറഞ്ഞു.

ഭര്‍ത്താവിന്റെ നടപടിയില്‍ യുവതി പോലീസില്‍ പരാതി നല്‍കി. താന്‍ ഗര്‍ഭിണിയാണെന്ന് അറിഞ്ഞതിന് തൊട്ടടുത്ത ദിവസമാണ് ഭര്‍ത്താവ് മൊഴി ചൊല്ലിയതെന്നാണ് യുവതിയുടെ ആരോപണം.

വെള്ളുത്ത നിറമുള്ള പെണ്‍കുട്ടിയെ വിവാഹം ചെയ്യാനാണ് താന്‍ ആഗ്രഹിച്ചിരുന്നതെന്ന് ഇയ്യാള്‍ എപ്പോഴും പറയുമായിരുന്നു. യുവാവിന്റെ വീട്ടുക്കാര്‍ വിവാഹ പോര്‍ട്ടല്‍ വഴി പെണ്‍കുട്ടിയെ കണ്ട് വിവാഹം ഉറപ്പിക്കുകയായിരുന്നു. ഭര്‍ത്താവിന് തന്നെ ഇഷ്ടപ്പെട്ടിട്ടില്ലെങ്കില്‍ വിവാഹം നടത്തേണ്ടിരുന്നിലെന്നും തലാക്ക് അംഗീകരിക്കുന്നില്ലെന്നും യുവതി പറഞ്ഞു.

നിയമനടപടികളുമായി ഭര്‍ത്താവ് മുന്നോട്ട് പോകുകയാണെങ്കില്‍ സ്ത്രീധന കേസില്‍ ഭര്‍ത്താവിനെതിരെ പരാതി കൊടുക്കാനാണ് വീട്ടുക്കാരുടെ തീരുമാനം.

English summary

A 26-year-old woman filed a police complaint against her husband of four months on Tuesday after he sent her a talaq over email, alleging he had done so because she was dark-skinned.