കാറിന്‍റെ ഡോര്‍ അടച്ചില്ല ഭാര്യയെ മൊഴി ചൊല്ലി

മനാമ: കാറിന്റെ ഡോര്‍ അടയ്ക്കാത്തത്തിന് സൗദി യുവാവ് ഭാര്യയെ മൊഴി ചൊല്ലി. നിസാര പ്രശ്‌നത്തിന്റെ പേരില്‍ തുടങ്ങിയ കലഹമാണ് ദമ്പതികളെ വേര്‍പിരിയലിലേയ്ക്ക് വരെ നയിച്ചത്.

ദമ്പതിമാര്‍ ഇവരുടെ കുഞ്ഞിനൊപ്പം വിനോദയാത്രപോയി മടങ്ങി വരികയായിരുന്നു. വീട്ടിലെത്തിയതും കാറില്‍ നിന്നും കുഞ്ഞിനെയും എടുത്ത് യുവതി വീട്ടിനുള്ളിലേയ്ക്ക് കയറിപ്പോയി. യുവതിയോട് കാറിന്റെ ഡോര്‍ അടയ്ക്കാന്‍ ഭര്‍ത്താവ് ആവശ്യപ്പെട്ടു. എന്നാല്‍ കാറിന്റെ അടുത്ത് നില്‍ക്കുന്നത് ഭര്‍ത്താവല്ലേയെന്നും തന്റെ കൈയ്യില്‍ കുഞ്ഞുണ്ടെന്നും യുവതി പറഞ്ഞു.

ഡോര്‍ അടച്ചില്ലെങ്കില്‍ അധികനാള്‍ നീ ഈ വീട്ടില്‍ ഉണ്ടാകില്ലെന്ന് ഭര്‍ത്താവ്. പോരേ പൂരം. ഭര്‍ത്താവ് തന്റെ വ്യക്തിത്വത്തെ ചോദ്യം ചെയ്‌തെന്നും അപമാനിച്ചെന്നും ഭാര്യ. ഇനി ഒറ്റയ്ക്ക് ജീവിയ്‌ക്കേണ്ടി വന്നാലും ഭര്‍ത്താവിനൊപ്പം ജീവിയ്ക്കില്ലെന്ന് തീര്‍ച്ചായാക്കി തന്റോ സഹോദരനൊപ്പം സ്വന്തം വീട്ടിലേയ്ക്ക്.

ബന്ധുക്കള്‍ അനുനയിപ്പിയ്ക്കാന്‍ ശ്രമിച്ചെങ്കിലും നടന്നില്ല. എന്നിട്ടെന്തേ ഇരുവരും വിവാഹമോചിതരായി. ഒരു കാറിന്‍രെ ഡോര്‍ അടയ്ക്കാത്തതിന് വിവാഹമോചനം നേടുന്ന ദമ്പതിമാരെന്ന പേരില്‍ ഇരുവരും മാധ്യമങ്ങളില്‍ നിറയുകയും ചെയ്തു.

English summary

Divorced for not shutting car door