ഗള്ഫ് രാജ്യങ്ങളില് പെരുന്നാള് വെള്ളിയാഴ്ച; ഒമാന് കേരളത്തിനൊപ്പം ആഘോഷിക്കും
റിയാദ്: സൗദി അറേബ്യയില് ശവ്വാല് മാസപ്പിറവി കണ്ടു. ഗള്ഫ് രാജ്യങ്ങളില് വെള്ളിയാഴ്ച ചെറിയ പെരുന്നാള് ആഘോഷിക്കും. സൗദി അറേബ്യയ്ക്ക് പുറമെ യുഎഇ, കുവൈത്ത്, ഖത്തര്, ബഹ്റൈന് എന്നീ രാജ്യങ്ങളിലും വെള്ളിയാഴ്ചയാണ് പെരുന്നാള്. ഒമാനില് ശനിയാഴ്ചയായിരിക്കും ഈദുല് ഫിത്തര്. ഒമാനിലെ ആഘോഷം കേരളത്തോടൊപ്പമായിരിക്കും.
ശവ്വാല് മാസപ്പിറവി ദൃശ്യമാകാത്തതിനാല് റമദാന് 30 പൂത്തിയാക്കി ശനിയാഴ്ച പെരുന്നാള് ആഘോഷിക്കുമെന്ന് ഒമാന് മതകാര്യ മന്ത്രാലയം അറിയിച്ചു. മാസപ്പിറവി നിരീക്ഷിക്കാന് ഗള്ഫ് രാജ്യങ്ങള് പൗരന്മാരോട് ആവശ്യപ്പെട്ടിരുന്നു. സൗദിയിലാണ് ശവ്വാല് പിറ കണ്ടത്. ഇതേ തുടര്ന്നാണ് എല്ലാ ഗള്ഫ് രാജ്യങ്ങളും വെള്ളിയാഴ്ച പെരുന്നാള് പ്രഖ്യാപിച്ചത്.
ഗള്ഫിലും കേരളത്തിലും ഇത്തവണ ഒരുമിച്ചാണ് റമദാന് ആരംഭിച്ചത്. പക്ഷേ, പെരുന്നാള് ഒരു ദിവസം മുമ്പാണ് ഗള്ഫില് ആഘോഷിക്കുന്നത്. കേരളത്തില് എവിടെയും മാസപ്പിറവി ദൃശ്യമായില്ല. ഇതേ തുടര്ന്ന് ഖാസിമാര് ശനിയാഴ്ച ഈദ് ആഘോഷിക്കുമെന്ന് പ്രഖ്യാപിച്ചു. കേരളത്തില് ശനിയാഴ്ച കൂടി അവധിയായിരിക്കുമെന്ന് സര്ക്കാര് അറിയിക്കുകയും ചെയ്തു.
ഒമാനില് പെരുന്നാള് അവധി അഞ്ച് ദിവസമായിരിക്കും. വാരാന്ത്യ ദിനങ്ങള് അടക്കമാണിത്. 198 തടവുകാരെ മോചിപ്പിക്കാന് ഒമാന് സുല്ത്താന് തീരുമാനിച്ചിട്ടുണ്ട്. ഇതില് 89 വിദേശികളും ഉള്പ്പെടും. ഏപില് 25ന് സര്ക്കാര്-സ്വകാര്യ ഓഫീസുകള് വീണ്ടും പ്രവര്ത്തനം ആരംഭിക്കും. ഒമാന് സുല്ത്താന് മസ്ക്കത്തിലെ അല്ഖോര് മസ്ജിദിലാകും പെരുന്നാള് ജുമുഅ നിര്വഹിക്കുക.
അതേസമയം, യുഎഇയില് പെരുന്നാള് നിസ്കാര സമയം പ്രഖ്യാപിച്ചു. അബുദാബിയില് വെള്ളിയാഴ്ച രാവിലെ 6.12നും അല്ഐനില് 6.06നും ദുബായില് 6.10നും ആയിരിക്കും നിസ്കാരം. ഷാര്ജയില് 6.07നായിരിക്കും നിസ്കാരം. പ്രവാസികള് ഉള്പ്പെടെ പെരുന്നാള് ആഘോഷിക്കാനുള്ള തിരക്കിലാണ്. അവധിയായതിനാല് പലരും യാത്രകള് പ്ലാന് ചെയ്തിട്ടുണ്ട്.
കേരളത്തില് ശനിയാഴ്ചയാണ് പെരുന്നാള്. കേരളത്തില് ഇത്തവണ 30 നോമ്പ് ലഭിക്കും. അഞ്ച് വെള്ളിയാഴ്ച റമദാനില് കിട്ടുന്നത് വലിയ കാര്യമാണെന്ന് പണ്ഡിതന്മാര് പറയുന്നു. എല്ലാവരും വെള്ളിയാഴ്ച സല്ക്കര്മങ്ങളില് മുഴുകി പെരുന്നാള് ഒരുക്കം നടത്തണമെന്നും ശനിയാഴ്ച പെരുന്നാള് ആഘോഷിക്കണമെന്നും ഖലീലുല് ബുഖാരി തങ്ങള് അഭ്യര്ഥിച്ചു.
സമസ്ത കേരള ജംഇയ്യത്തുല് ഉലമ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്, സമസ്ത ജനറല് സെക്രട്ടറി പ്രൊഫ. കെ. ആലിക്കുട്ടി മുസ്ലിയാര്, പാണക്കാട് സയ്യിദ് സാദിഖലി ശിഹാബ് തങ്ങള്, പാണക്കാട് സയ്യിദ് ഹമീദലി ശിഹാബ് തങ്ങള്, സയ്യിദ് മുഹമ്മദ് കോയ തങ്ങള് ജമലുല്ലൈലി, നാസര് ഹയ്യ് ശിഹാബ് തങ്ങള് പാണക്കാട്, സംയുക്ത മഹല്ല് ജമാഅത്ത് ഖാസിമാരായ കാന്തപുരം എ.പി അബൂബക്കര് മുസ്ലിയാര്...
സയ്യിദ് ഇബ്റാഹിം ഖലീലുല് ബുഖാരി, വിസ്ഡം ഇസ്ലാമിക് ഓര്ഗനൈസേഷന് ഹിലാല് വിംഗ് ചെയര്മാന് അബൂബക്കര് സലഫി, പാളയം ഇമാം ഡോ. വി.പി സുഹൈബ് മൗലവി, ദക്ഷിണ കേരള ജംഇയ്യത്തുല് ഉലമ ജനറല് സെക്രട്ടറി തൊടിയൂര് മുഹമ്മദ് കുഞ്ഞ് മൗലവി, ദക്ഷിണ കേരള ജംഇയ്യത്തുല് ഉലമ പ്രസിഡന്റ് കെ.പി അബൂബക്കര് ഹസ്രത്ത്, കേരള മുസ്ലിം ജമാഅത്ത് ഫെഡറേഷന് സംസ്ഥാന പ്രസിഡന്റ് കടയ്ക്കല് അബ്ദുല്അസീസ് മൗലവി തുടങ്ങിയവര് പെരുന്നാള് ശനിയാഴ്ചയാകുമെന്ന് അറിയിച്ചു.
-
യുഎഇയിൽ കനത്ത മഴയ്ക്കും പൊടിക്കാറ്റിനും സാധ്യത; കടൽ പ്രക്ഷുബ്ധമാവും, യാത്രക്കാർ ഇക്കാര്യങ്ങൾ ശ്രദ്ധിക്കണം -
യുഎഇ നിവാസികളുടെ ശ്രദ്ധയ്ക്ക്; വെള്ളിയാഴ്ച വരെ മഴ തുടരാൻ സാധ്യത, പൊടിക്കാറ്റിനെയും സൂക്ഷിക്കണം, കാഴ്ച മറയും -
ട്രംപിന്റെ ബിസിനസ് ബുദ്ധി? 20 മിനുട്ടില് 840 കോടിയുടെ ലാഭം, ഇറാന് പ്രഖ്യാപനം വ്യാജമോ -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സൗദി അറേബ്യ സ്ഥാപിക്കുന്നതിന് മുമ്പ് മക്കയും മദീനയും ഭരിച്ചത് ആര്? തുര്ക്കിക്ക് ഇവിടെ എന്തുകാര്യം -
യുഎഇയിൽ പ്രളയസമാനമായ മഴ; വരും മണിക്കൂറുകളിൽ അതീവ ജാഗ്രതാ നിർദ്ദേശം! -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
'സ്വർണ വില പവന് ഇനി 30,000 രൂപ വരെ കുറയും'; 18 കാരറ്റ് വേണ്ട, 22 കാരറ്റ് തന്നെ വില കുറച്ച് വാങ്ങാം -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്?
Click it and Unblock the Notifications
Sign in with Google