ദുബായ്; അറബിയെ 15പേര്‍ ചേര്‍ന്ന് വെട്ടി

ദുബായ്: സുഹൃത്തിന്റെ വീട്ടിലേയ്ക്ക് പോയ യുാവിനെ ഒരു സംഘം ആളുകള്‍ മര്‍ദ്ദിയ്ക്കുകയും പരിക്കേല്‍പ്പിയ്ക്കുകയം ചെയ്തു. സ്വദേശിയായ മുഹമ്മദ് സയീദ് (23) ആണ് അക്രമത്തില്‍ പരിക്കേറ്റ് അതീവ ഗുരുതരാവസ്ഥയില്‍ റാഷിദ് ആശുപത്രിയില്‍ ചികിത്സയില്‍ കഴിയുന്നത്.

ഔദ് അല്‍ മുട്ടീന 1 ലാണ് യുവാവിന്റെ വീട് ഇവിടെ നിന്നും ഔദ് അല്‍ മുട്ടീന 2 ല്‍ താമസിയ്ക്കുന്ന സുഹൃത്തിന്റെ വീട്ടിലേക്ക് പോയതായിരുന്നു യുവാവ്. കാറില്‍ നിന്ന് പുറത്തേയ്ക്കിറങ്ങിയ യുവാവിനെ ഒരു സംഘം ബലമായി വലിച്ചിഴച്ച് സമീപത്തെ ഒരു കെട്ടിടത്തിന്‍റെ മുകളിലേയ്ക്ക് കൊണ്ട് പോവുകയായിരുന്നു. അതിന് ശേഷം മര്‍ദ്ദിച്ചും വെട്ടിയും പരിക്കേല്‍പ്പിയ്ക്കുകയായിരുന്നു. യുവാവിന്റെ മാതാവാണ് ഇക്കാര്യങ്ങള്‍ പറഞ്ഞത്.

പതിനഞ്ചോളം പേര്‍ ചേര്‍ന്നാണ് യുവാവിനെ ആക്രമിച്ചത്. യുവാവിനെ ശത്രുക്കള്‍ ആരും തന്നെ ഇല്ലായിരുന്നെന്നും മാതാവ്. എന്നാല്‍ സുഹൃത്തിന്റെ വീട്ടിലേയ്ക്ക് പോകുന്നതിനെ പ്രദേശത്തെ ചില യുവാക്കള്‍ കളിയാക്കുകയും അപമാനിയ്ക്കുകയും ചെയ്തിരുന്നു. അബോധാവസ്ഥയിലാണ് യുവാവ്. ഇതിനോടകം അഞ്ച് ശസ്ത്രക്രിയകള്‍ കഴിഞ്ഞു. ബോധം തിരിച്ച് കിട്ടിയാല്‍ മാത്രമേ പൊലീസിന് യുവാവിന്റെ മൊഴിയെടുക്കാന്‍ കഴിയൂ.

English summary

Emirati youth critical after gang sword attack