ദുബായ്; ഉക്രൈനിലേക്ക് പോകുന്നതിന് വിലക്ക്

ദുബായ്: യുഎഇ പൗരന്‍മാര്‍ ഉക്രൈനിലേക്ക് യാത്ര ചെയ്യരുതെന്ന് അധികൃതര്‍. വിവിധ എമിറേറ്റുകളില്‍ നിന്ന് ഉക്രനിലേയ്ക്ക് പോകുന്ന നയതന്ത്ര പ്രതിനിധികള്‍, ഉദ്യോഗസ്ഥര്‍, സാധരാണക്കാര്‍ എന്നിവര്‍ക്കാണ് നിര്‍ദ്ദേശം നല്‍കിയിട്ടുള്ളത്. ഉക്രൈനില്‍ സമാധാനാന്തരീക്ഷമല്ലെന്നും യുഎഇ പൗരന്‍മാര്‍ ആക്രമിയ്ക്കപ്പെടാനിടയുണ്ടെന്നും ഭരണാധികാരികള്‍ ഇതിനോടകം തന്നെ മുന്നറിയിപ്പ് നല്‍കി കഴിഞ്ഞു.

ഉക്രൈനില്‍ താമസിയ്ക്കുന്ന യുഎഇ പൗരന്‍മാര്‍ പ്രശ്‌നബാധിത മേഖലകളില്‍ നിന്ന് മാറിതാമസിയ്ക്കണമെന്നും എംബസിയുമായി ബന്ധം പുലര്‍ത്തണമെന്നും അധികൃതര്‍ അറിയിച്ചു.

ഉക്രൈനില്‍ നിന്ന് മടങ്ങാന്‍ ആഗ്രഹിയ്ക്കുന്നവര്‍ നടപടികള്‍ പൂര്‍ത്തിയാക്കുന്നതിനായി യുഎഇ എംബസിയുടെ നമ്പരായ 00380939752949 ലേക്കും വിദേശകാര്യ വകുപ്പിന്റെ നമ്പരായ 024449600 ലേയ്ക്കും വിളിയ്ക്കണമെന്ന് വിദേശകാര്യ വകുപ്പ് അണ്ടര്‍ സെക്രട്ടറി അബ്ദുള്ള ബിന്‍ മുഹമ്മദ് ബിന്‍ ബൂട്ടി അല്‍ ഹാമെദ് പറഞ്ഞു.

ഉക്രൈനിലേക്ക് പോകുന്നത് സംബന്ധിച്ച് പുതിയ നിര്‍ദ്ദേശങ്ങള്‍ വരുന്നത് വരെ രാജ്യത്ത് നിന്ന് ആരും ഉക്രൈനിലേക്ക് യാത്ര ചെയ്യരുതെന്ന് അദ്ദേഹം പറഞ്ഞു.

English summary

Emiratis warned against travelling to Ukraine