നാടിന്റെ രക്ഷകരായവരാണ് ഗള്ഫ് പ്രവാസികള്: മുഖ്യമന്ത്രി ഉമ്മന്ചാണ്ടി
ദുബായ്: പറഞ്ഞു കേട്ട കഥകള്ക്കപ്പുറം യാഥാര്ത്ഥ്യങ്ങളുടെ തീ ചൂളയില് ജീവിതം പടുത്തുയര്ത്തി നാടിന്റെ രക്ഷകരായവരാണ് ഗള്ഫ് പ്രവാസികളെന്ന് മുഖ്യമന്ത്രി ഉമ്മന്ചാണ്ടി അഭിപ്രായപ്പെട്ടു.
യുഎഇ ലെ പ്രമുഖ സാമൂഹിക ജീവകാരുണ്യ പ്രവര്ത്തകനായ ശ്രീ പുന്നക്കന് മുഹമ്മദലി എഴുതിയ ഹ്യദയ രേഖകള് എന്ന പുസ്തകത്തിന്റെ കേരളത്തിലെ പ്രകാശന കര്മ്മം നിര്വ്വഹിക്കവെയാണ് ഉമ്മന്ചാണ്ടിയുടെ അഭിപ്രായം.
ഗള്ഫ് യാഥാര്ത്ഥ്യം തിരിച്ചറിയാന് ഹ്യദയ രേഖ സഹായകമാവുമെന്ന് മുഖ്യമന്ത്രി കൂട്ടിച്ചേര്ത്തു യു.എ.ഇ ലെ തന്നെ ജീവകാരുണ്യ പ്രവര്ത്തകനായ എംജി പുഷ്പാഗദന് പുസ്തകം നല്കി കൊണ്ടാണ് മുഖ്യമന്ത്രി ഹ്യദയ രേഖകളുടെ കേരളത്തിലെ പ്രകാശന കര്മ്മം നിര്വ്വഹിച്ചത്. ഗള്ഫ് മലയാളികള് വിവിധ മേഖലകളില് കൈവരിച്ച സേവന മികവിനെ വിലയിരുത്താന് ഹ്യദയ രേഖകള് പോലുള്ള പ്രവാസി രചനകള് സഹായകമാകുമെന്നും മുഖ്യമന്ത്രി അഭിപ്രായപ്പെട്ടു.