സൗദി; 5സഹോദരങ്ങള്‍ വാഹനാപകടത്തില്‍ മരിച്ചു

റിയാദ്: ദുബായില്‍ അവധി ദിവസം ആഘോഷിച്ച സൗദിയിലേക്ക് മടങ്ങിയ ഒരു കുടുംബത്തിലെ അഞ്ച് പേര്‍ മരിച്ചു. മൂന്ന് സഹോദരന്‍മാരും ഇവരുടെ രണ്ട് സഹോദരിമാരുമാണ് അപകടത്തില്‍ മരിച്ചത്. ഇവര്‍ സഞ്ചരിച്ച കാര്‍ ഒരു ട്രക്കുമായി കൂട്ടിയിടിച്ചായിരുന്നു അപകടം. പിതാവിന്റെ കണ്‍മുന്നിലാണ് മക്കള്‍ അപകടത്തില്‍ മരിച്ചത്.

സൗദിയുടെ കിഴക്കന്‍ പ്രവിശ്യയിലാണ് അപകടം ഉണ്ടായത്. കാറില്‍ ഇവര്‍ അഞ്ച് പേര്‍ മാത്രമാണുണ്ടായിരുന്നത്. മറ്റൊരു കാറിലാണ് ഇവരുടെ പിതാവ് സഞ്ചരിച്ചത്. മക്കളുടെ മരണം കണ്ട അച്ഛന്‍ അബോധാവസ്ഥയിലാണ്. അല്‍ ജൗഫിലെ ഒരു സര്‍ക്കാര്‍ സര്‍വ്വകലാശാലയുടെ ഡയറക്ടറായ ഡോ ഇസ്മയില്‍ അല്‍ ബാഷിരിയുടെ മക്കളാണ് മരിച്ച അഞ്ച് പേരും

മരിച്ചവരുടെ പേര് , പ്രായം എന്നിവയെപ്പറ്റിയുള്ള വിവരങ്ങള്‍ ലഭ്യമല്ല. അറബ് മാധ്യമങ്ങളാണ് വാര്‍ത്ത റിപ്പോര്‍ട്ട് ചെയ്തത്. അവധി ആഘോഷിയ്ക്കാന്‍ കുടബംസേമതം ദുബായിലേക്ക് പോയി മടങ്ങിവവരവെയായിരുന്നു അപകടം.

English summary

Five of family returning home killed in crash