യുഎഇ: ഗസല് ഖവാലി സായാഹ്നവുമായി ബീം രെസോനന്സ്'
ദുബായ്: യുഎയിലെ സംഗീത പ്രേമികള്ക്കു മുന്നില് 'ബീം രെസോനന്സ്' അവതരിപ്പിക്കുന്ന ഗസല് ഖവാലി സായാഹ്നം അരങ്ങേറും. മേയ് 27ാം തിയതി വെള്ളിയാഴ്ച ഏഴു മണിക്ക് ബരാഹ ഹോസ്പിറ്റലിലെ അല് ഒവൈസ് ഓഡിറ്റോറിയത്തിലാണ് പരിപാടി. ഉസ്താദ് ദിനേഷ് ദേവദാസിന്റെ പ്രമുഖ ശിഷ്യയായ സരിത റഹ്മാന് പര്വീന് സുല്ത്താന, ഗുലാം അലി ഉള്പ്പെടെയുള്ളവരുടെ ഗസലുകളും ഉറുദുവിലെ ഖവാലികളും ആലപിക്കും.
ഇന്ത്യന് ക്ലാസിക് സംഗീത നൃത്ത കലാരൂപങ്ങള് അവയുടെ പൂര്ണ്ണതയോടെ രംഗത്ത് അവതരിപ്പിക്കുക എന്ന ലക്ഷ്യം മുന്നിര്ത്തി രണ്ടു വര്ഷം മുന്പാണ് റെസോനന്സ് എന്ന സംഘടന രൂപം കൊണ്ടത്. ഇതിനകം കലാസ്വാദകരുടെ ശ്രദ്ധ പിടിച്ചു പറ്റിയ നാലോളം പരിപാടികള് റെസോനന്സ് കാഴ്ച വച്ചു കഴിഞ്ഞു. ഈ ഗസല് ഖവാലി സായാഹ്നം സഹൃദയര്ക്ക് ഒരു വിശേഷപ്പെട്ട അനുഭവമായിരിക്കും സമ്മാനിക്കുക എന്ന് സംഘാടകര് അവകാശപ്പെടുന്നു. കൂടുതല് വിവരങ്ങള്ക്ക് ബന്ധപ്പെടേണ്ട നമ്പര് 050 635 9930, 055 686 6100