മിനാ അപകടം മരണ സംഖ്യ ഉയരാന്‍ സാധ്യത!!!

സൗദി: ആഭ്യന്തര മന്ത്രാലയത്തിന്റെ അറിയിപ്പ് പ്രകാരം അപകടത്തില്‍ മരിച്ചവരുടെ എണ്ണം 220 ആയി. നിരവധി പേര്‍ക്ക് പരുക്ക് പറ്റിയിട്ടുണ്ട്. അപകടത്തെ കുറിച്ച് വിശദമായി അന്യേഷണം നടത്താന്‍ സൗദി രാജാവ് ഉത്തരവിട്ടു. പ്രായമായവരും സ്ത്രീകളുമാണ് അപകടത്തില്‍പ്പെട്ടവരില്‍ ഏറെയും.

ജംറയിലെ കല്ലേറ് കര്‍മ്മം ഉച്ചയ്ക്ക് മുന്‍പ് നടത്തുന്നതാണ് കുടുതല്‍ പുണ്യം എന്നിരിക്കെ ഇവിടേക്ക് എത്തിപ്പെടാന്‍ തീര്‍ത്ഥാടകര്‍ തിക്കും തിരക്കും കൂട്ടിയതാണ് അപകടത്തിന് കാരണമായി പറയുന്നത്. മക്കയിലെ എല്ലാ ആശുപത്രികളിലും റെഡ് അലര്‍ട്ട് പ്രഖ്യാപിച്ചിരിക്കുന്നത്.

കൂട്ടത്തോടെ നടക്കുന്നതിനിടയില്‍ ഒരു കൂട്ടം ഇടയില്‍ പെട്ടന്ന് നില്‍ക്കുകയും പിന്നില്‍ നിന്നുള്ളവരുടെ തിരക്ക് വര്‍ദ്ധിച്ചതോടെ ഇവരില്‍ ചിലര്‍ നിലത്ത് വീണതുമാണ് അപകടത്തിന് കാരണം. രാജ്യം തിരിച്ചുള്ള മരിച്ചവരുടെ വിവരങ്ങള്‍ പുറത്തു വന്നിട്ടില്ല.

English summary

Hajj stampede: At least 220 killed in Saudi Arabia