സൗദി അറേബ്യ, ഖത്തര്, കുവൈത്ത് എന്നിവിടങ്ങളിലേക്ക് പുതിയ വിമാനം; പ്രവാസികള്ക്ക് സന്തോഷം
ദുബായ്: ജിസിസിയിലെ പ്രവാസികള്ക്ക് സന്തോഷം നല്കുന്ന വാര്ത്ത പുറത്ത്. പുതിയ വിമാന കമ്പനിക്ക് മൂന്ന് ജിസിസി രാജ്യങ്ങളിലേക്ക് സര്വീസ് നടത്താന് കേന്ദ്ര സര്ക്കാരിന്റെ അനുമതി. അടുത്തിടെ സജീവമായ ആകാശ എയര് എന്ന വിമാന കമ്പനിക്കാണ് അനുമതി ലഭിച്ചിരിക്കുന്നത്. എന്നാല് ഇതിന് പുറമെ കൂടുതല് രാജ്യങ്ങളിലേക്ക് കൂടി അനുമതിക്കായി കമ്പനി ശ്രമിക്കുന്നു എന്നാണ് വിവരം.
ചെലവ് കുറഞ്ഞ യാത്ര വാഗ്ദാനം ചെയ്ത് കളത്തിലിറങ്ങിയ വിമാന കമ്പനിയാണ് ആകാശ എയര്. അടുത്തിടെ ചില നിയമക്കുരുക്കുകളില് കമ്പനി പെട്ടിരുന്നു. പൈലറ്റുമാര് കൂട്ടത്തോടെ രാജിവച്ചതും വാര്ത്തയായി. അതിനിടെയാണ് സൗദി അറേബ്യ, ഖത്തര്, കുവൈത്ത് എന്നീ ജിസിസി രാജ്യങ്ങളിലേക്ക് സര്വീസിന് അനുമതി ലഭിച്ചിരിക്കുന്നത്. കൂടുതല് വിവരങ്ങള് ഇങ്ങനെ...
ഒരു വിമാന കമ്പനിക്ക് മറ്റൊരു രാജ്യത്തേക്ക് സര്വീസ് നടത്തണമെങ്കില് രണ്ട്് രാജ്യങ്ങളുടെയും അനുമതി ലഭിക്കേണ്ടതുണ്ട്. എന്നാല് മാത്രമേ വിമാനത്താവളത്തിലെ സ്ലോട്ടുകള്ക്ക് പ്രത്യേക അപേക്ഷ സമര്പ്പിക്കാന് സാധിക്കൂ. യുഎഇയിലേക്ക് സര്വീസ് അനുമതി ലഭിക്കാന് ആകാശ എയറിന് പുതിയ അപേക്ഷ സമര്പ്പിക്കേണ്ടി വരുമെന്നാണ് റിപ്പോര്ട്ടുകള് സൂചിപ്പിക്കുന്നത്.
വിമാന കമ്പനി എന്ന പദവി നല്കേണ്ടത് കേന്ദ്രസര്ക്കാരാണ്. അപേക്ഷ സമര്പ്പിച്ചുകഴിഞ്ഞാല് മാനദണ്ഡങ്ങള് പാലിക്കുന്നുണ്ടോ എന്ന് വിശദമായി പരിശോധിച്ച ശേഷമാണ് അനുമതി നല്കുക. ഇതിന് ശേഷം യാത്രയ്ക്ക് ഉദ്ദേശിക്കുന്ന രാജ്യത്തിന്റെയും അനുമതി വാങ്ങണം. ആകാശ എയറിന് മൂന്ന് രാജ്യത്തേക്കുള്ള അനുമതി ലഭിച്ചുകഴിഞ്ഞു.
കൂടുതല് വിമാന കമ്പനികള് അന്താരാഷ്ട്ര സര്വീസിന് എത്തുമ്പോള് ടിക്കറ്റ് നിരക്കില് കുറവ് വന്നേക്കും. ചെലവ് കുറഞ്ഞ യാത്ര എന്ന മുദ്രാവാക്യമാണ് ആകാശ എയര് മുന്നോട്ട് വെക്കുന്നത്. അതുകൊണ്ടുതന്നെ ആകാശ എയര് ജിസിസി രാജ്യങ്ങളിലേക്ക് സര്വീസ് ആരംഭിക്കുന്നത് പ്രവാസികള്ക്ക് നേട്ടമാകുമെന്ന് പ്രതീക്ഷിക്കാം.
കഴിഞ്ഞ വര്ഷം ആഗസ്റ്റിലാണ് ആകാശ എയര് വ്യോമയാന മേഖലയില് രംഗപ്രവേശം ചെയ്തത്. മുംബൈയില് നിന്ന് അഹമ്മദാബാദിലേക്കായിരുന്നു ആദ്യ സര്വീസ്. മുംബൈ കേന്ദ്രമായി പ്രവര്ത്തിക്കുന്ന ആകാശ എയര് കൂടുതല് സംസ്ഥാനങ്ങളിലേക്ക് സര്വീസ് വ്യാപിപ്പിക്കുമെന്ന് അന്നുതന്നെ അറിയിച്ചിരുന്നു. അതിന് പുറമെയാണ് അന്താരാഷ്ട്ര സര്വീസിനും ഒരുങ്ങുന്നത്.
ഓഹരി വിപണിയിലെ പ്രമുഖ നിക്ഷേപകനായിരുന്ന ശതകോടീശ്വരന് ജുന്ജുന്വാലയുടെ പിന്തുണയുള്ള വിമാന കമ്പനിയാണ് ആകാശ എയര്. അടുത്തിടെയാണ് ഇദ്ദേഹം മരിച്ചത്. കമ്പനിയുടെ 46 ശതമാനം ഓഹരി ജുന്ജുന്വാലയുടെ കുടുംബത്തിനാണ് എന്നാണ് റിപ്പോര്ട്ടുകള്. അതേസമയം, വിപുലീകരണം ലക്ഷ്യമിട്ട് ആകാശ എയര് ധനസമാഹരണം നടത്താന് ആലോചിച്ചിരുന്നു. കൂടുതല് വിമാനങ്ങളും കമ്പനി വാങ്ങുമത്രെ.
-
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
മഞ്ചേശ്വരത്ത് മുസ്ലിം ലീഗിന് ആശ്വാസം; എസ്പിഡിഐ സ്ഥാനാര്ഥി കെഎം അഷ്റഫ് പത്രിക പിന്വലിച്ചു -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
ഇടുക്കിയിൽ മിടുക്ക് തെളിയിക്കാൻ പുതുമുഖങ്ങളും പരിചിതമുഖങ്ങളും -
മേടം രാശിഫലം: ഭാഗ്യം നിങ്ങൾക്കൊപ്പം, ചെറിയ കാര്യങ്ങളിൽ പോലും വിജയം, വ്യാപാരികൾക്ക് നല്ല ലാഭം പ്രതീക്ഷിക്കാം -
എണ്ണയും സെറവുമൊന്നും ഇനി വേണ്ട, മുടി തഴച്ച് വളരാൻ ഈ 5 അത്ഭുതകരമായ പൂക്കൾ മാത്രം മതി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
വൈറോളജി ഇന്സ്റ്റിറ്റ്യൂട്ടില് അക്കൗണ്ടന്റ്, ഓഫീസ് അസിസ്റ്റന്റ് ഒഴിവുകള്; ശമ്പളം ഇത്ര -
ആപ്പിൾ കൊടുക്കും ജനങ്ങൾ വാങ്ങും; ഐഫോൺ 16 പ്രോയുടെ ഡിസ്കൗണ്ട് കേട്ടാൽ ഞെട്ടും..! വില എത്ര? -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
"മോഹൻലാൽ ജീവിക്കുന്നത് ശരിക്കും ഒരു രാജാവിനെ പോലെ, ഗുഡ് മോർണിംഗ് പറഞ്ഞിട്ടും മമ്മൂട്ടി മൈൻഡ് ചെയ്തില്ല"
Click it and Unblock the Notifications
Sign in with Google