യുഎഇ: മൊബൈല്‍ ഫോണുള്ള വീട്ടുജോലിക്കാര്‍ പേടി സ്വപ്‌നം, ഇതിന് പിന്നിലും കാരണമുണ്ട്

അബുദാബി: വീട്ടുജോലിക്കാരുടെ മൊബൈല്‍ ദുരുപയോഗം അതിരുകടന്നതോടെ മൊബൈല്‍ ഫോണ്‍ ഉപയോഗിക്കുന്നവരെ വീട്ടുജോലിക്കായി നിയമിക്കുന്നതില്‍ യുഎഇയിലെ കുടുംബങ്ങള്‍ക്ക് പേടിസ്വപ്‌നമായി മാറിക്കഴിഞ്ഞിരിക്കുകയാണ്. തൊഴിലുടമയുടെ സ്വകാര്യത ലംഘിച്ച സംഭവത്തില്‍ ദുബായിലെ പൊതുവിചാരണയ്ക്ക് വിധേയയായ ഏഷ്യന്‍ വനിതയെ ക്രിമിനല്‍ കോടതിയിലേക്ക് അയച്ചിരുന്നു.

തൊഴിലുടമയുടെയും ഭാര്യയുടേയും മക്കളുടേയും ഫോട്ടോ പകര്‍ത്തിയ വീട്ടുജോലിക്കാരി വാട്‌സ്ആപ് വഴി പ്രചരിപ്പിക്കുകയായിരുന്നു. ഇതോടെയാണ് മൊബൈല്‍ ഫോണ്‍ ഉപയോഗിക്കുന്ന വീട്ടുജോലിക്കാതെ വീട്ടുജോലിയ്ക്ക് നിയമിക്കുന്നത് യുഎഇയിലെ കുടുംബങ്ങളെ ധര്‍മ്മസങ്കടത്തിലാക്കിയിട്ടുള്ളത്.

എന്നാല്‍ വീട്ടുജോലിക്കാര്‍ മൊബൈല്‍ ഫോണ്‍ ഉപയോഗിക്കുന്നത് വിലക്കിയാല്‍ സുഹൃത്തുക്കളും ബന്ധുക്കളുമായുള്ള ആശയവിനിമയത്തിന് തടസ്സങ്ങള്‍ സൃഷ്ടിക്കുമെന്നും ഇത് അനുവദിക്കാനാവില്ലെന്നമാണ് അഭിഭാഷകരില്‍ നിന്നുയരുന്ന അഭിപ്രായം. എന്നാല്‍ വീടിനുള്ളില്‍ നിന്നോ വീടിന് പുറത്തുനിന്നോ എടുക്കുന്ന ഫോട്ടോകള്‍ വീട്ടുടമസ്ഥന്റെയോ കുടുംബത്തിന്റെയോ സ്വകാര്യ ലംഘിക്കുന്നില്ലെന്നാണ് മറ്റൊരു വിഭാഗം അഭിഭാഷകരുടെ നിലപാട്.

മറ്റൊരു വ്യക്തിയുടെ സ്വകാര്യത ലംഘിക്കുന്ന കുറ്റത്തിന് 150,000 ദിര്‍ഹത്തില്‍ കുറയാത്ത തുക പിഴയായി ഈടാക്കണമെന്നും ആറ് മാസം വരെ തടവ് ശിക്ഷ നല്‍കണമെന്നുമാണ് യുഎഇയിലെ നിയമം അനുശാസിക്കുന്നത്. എന്തെങ്കിലും തരത്തിലുള്ള വിവരങ്ങള്‍ റെക്കോര്‍ഡ് ചെയ്യുക, ഫോട്ടോകള്‍ എടുക്കുക, സംഭാഷണങ്ങളോ, ആശയനവിനിമയം ചെയ്യുന്നതോ റെക്കോര്‍ഡ് ചെയ്യുക എന്നിവ കുറ്റകരമായി കണക്കുന്നില്ല. മറ്റുള്ളവരുടെ ഫോട്ടോകള്‍ ഇലക്ട്രോണിക് ഉപകരണങ്ങളില്‍ സേവ് ചെയ്തു സൂക്ഷിയ്ക്കുന്നതും കൈമാറുന്നതും, മറ്റുള്ളവര്‍ക്ക് മുമ്പില്‍ വെളിപ്പെടുത്തുന്നതും കുറ്റത്തിന്റെ പരിധിയില്‍പ്പെടുന്നില്ല. ശരിയായ വാര്‍ത്തകള്‍, ഫോട്ടോകള്‍, കമന്റുകള്‍, പ്രസ്താവനകള്‍, വിവരങ്ങള്‍ എന്നിവ പ്രസിദ്ധീകരിക്കുന്നതും നിയമത്തിന്റെ പരിധിയില്‍പ്പെടുന്നില്ല.

English summary

House maids with mobile phones: A dilemma for UAE. Recently misuse of mobile phones makes dilema in UAE families.