2016 ആദ്യത്തോടെ മസ്‌ക്കറ്റ് ഇന്റര്‍നാഷണല്‍ വിമാനത്താവളത്തിന്റെ നിര്‍മ്മാണം പൂര്‍ത്തിയാകും.

Updated: Wednesday, September 16, 2015, 9:48 [IST]

മസ്‌ക്കറ്റ്: വരുന്ന വര്‍ഷം ആദ്യത്തോടെ മസ്‌ക്കറ്റ് ഇന്റര്‍നാഷണല്‍ വിമാനത്താവളത്തിന്റെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയാകുമെന്ന് ഡയറക്ടര്‍ ജനറല്‍ ഓഫ് സിവില്‍ ഏവിയേഷന്‍ റഗുലേഷന്‍ അറിയിച്ചു.

വിമാനത്താവളത്തിന്റെ റണ്‍വെ പ്രവര്‍ത്തന സജ്ജമാണെന്നും ടെര്‍മിനല്‍ കെട്ടിടത്തിന്റെ നിര്‍മ്മാണ പ്രവര്‍ത്തി കൂടി പൂര്‍ത്തിയാവുന്നതോടെ വിമാനത്താവളം പൂര്‍ണ്ണമായും പ്രവര്‍ത്തന യോഗ്യമാകുമെന്നും അദ്ദേഹം കൂട്ടിച്ചേര്‍ത്തു. വലിയ വെല്ലുവിളിയായിരുന്നു മന്ത്രാലയം ഏറ്റെടുത്തത്. കാരണം ഒരേ സമയം രാജ്യത്ത് അഞ്ച് എയര്‍പോര്‍ട്ടുകളാണ് നിര്‍മ്മാണത്തിലിരിക്കുന്നത്.

ക്യത്യ സമയത്ത് പണി പൂര്‍ത്തിയാക്കുക എന്നത് ഏറെ ശ്രമകരമാണെന്നും ഡയറക്ടര്‍ ജനറല്‍ അറിയിച്ചു. സലാല ഇന്റര്‍നാഷണല്‍ വിമാനത്താവളത്തിന്റെ പണി പൂര്‍ത്തിയാക്കിയതിനു ശേഷമാണ് മസ്‌ക്കറ്റിലേക്ക് ശ്രദ്ദ കേന്ദ്രീകരിച്ചത്. അത്‌കൊണ്ടു തന്നെ രണ്ടും ക്രത്യ സമയത്ത് പൂര്‍ത്തിയാക്കാന്‍ സാധിച്ചതായും അദ്ദേഹം കൂട്ടിച്ചേര്‍ത്തു.

പ്രവാസി തൊഴിലാളികള്‍ നിയമ വിരുദ്ധമായി മസ്‌ക്കറ്റ് വിമാനത്താവളത്തില്‍ ജോലി ചെയ്യുന്നത് കണ്ടെത്തിയതിനെ തുടര്‍ന്ന് കുറച്ചു കാലം നിര്‍മ്മാണ പ്രവര്‍ത്തനങ്ങള്‍ നിര്‍ത്തിവെക്കേണ്ട സാഹചര്യം ഉണ്ടായിരുന്നു. പിന്നീട് സലാലയില്‍ നിന്നും തൊഴിലാളികളെ കൊണ്ടുവന്നാണ് നിര്‍മ്മാണം തുടങ്ങിയതെന്നും ഡയറക്ടര്‍ ജനറല്‍ അറിയിച്ചു.