• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

സൗദി ജനാദ്രിയ ദേശീയ ഉല്‍സവത്തില്‍ ഇത്തവണത്തെ വിശിഷ്ടാതിഥിയായി ഇന്ത്യയ്ക്ക് ക്ഷണം

  • By desk

ജിദ്ദ: സൗദി ദേശീയ പൈതൃക-സാംസ്‌കാരികോത്സവമായ ജനാദ്രിയ ഫെസ്റ്റിവലില്‍ ഇത്തവണ അതിഥി രാഷ്ട്രമായി പങ്കെടുക്കാന്‍ തെരഞ്ഞെടുക്കപ്പെട്ട ഇന്ത്യ. ഇതുമായി ബന്ധപ്പെട്ട മുഴുവന്‍ ഒരുക്കങ്ങളും പൂര്‍ത്തിയായതായി സൗദിയിലെ ഇന്ത്യന്‍ അംബാസഡര്‍ അഹ്മദ് ജാവേദ് വാര്‍ത്താസമ്മേളത്തില്‍ അറിയിച്ചു.

കുടുംബത്തെ അവഹേളിച്ചതിന് ദുബായില്‍ 16കാരന്‍ 13കാരനെ കുത്തിക്കൊന്നു

ഇരു രാഷ്ട്രങ്ങളും തമ്മിലുളള സൗഹൃദവും സഹകരണവും കൂടുതല്‍ മെച്ചപ്പെട്ടുവെന്നതിന്റെ തെളിവാണ് സൗദിയിലെ സുപ്രധാന ഉല്‍സവങ്ങളിലൊന്നായ ജനാദ്രിയ ഫെസ്റ്റിവലില്‍ പങ്കെടുക്കാന്‍ ലഭിച്ച ക്ഷണം. ഇന്ത്യയുടെ പാരമ്പര്യവും പൈതൃകവും അറബ് ലോകത്തിന് പരിചയപ്പെടുത്താനുളള അവസരം കൂടിയാണിതെന്ന് അംബാസഡര്‍ പറഞ്ഞു. ഭരണാധികാരി സല്‍മാന്‍ രാജാവ് രക്ഷാധികാരിയായ പൈതൃകോത്സവത്തില്‍ അതിഥി രാഷ്ട്രമായി ഇന്ത്യയെ ക്ഷണിച്ചത് അംഗീകാരമാണ്. 32 ലക്ഷം ഇന്ത്യക്കാരുളള സഊദിയില്‍ 2016ല്‍ പ്രധാനമന്ത്രി നരേന്ദ്ര മോദി സന്ദര്‍ശിച്ചിരുന്നു. ഇതിനെ തുടര്‍ന്ന് ഉഭയകക്ഷി ബന്ധം കൂടുതല്‍ ദൃഢമായതായും അംബാസഡര്‍ പറഞ്ഞു.

1985 മുതല്‍ സഊദി നാഷനല്‍ ഗാര്‍ഡിന്റെ ആഭിമുഖ്യത്തില്‍ സംഘടിപ്പിച്ചു വരുന്ന സാംസ്‌കാരികോത്സവത്തിന്റെ 32-ാം പതിപ്പാണ് ഇത്തവണ നടക്കുക. ഫെബ്രുവരി ഏഴിന് റിയാദില്‍ നിന്ന് 42 കിലോമീറ്റര്‍ വടക്കുകിഴക്കുള്ള ജനാദ്രിയയില്‍ ആരംഭിക്കുന്ന സാംസ്‌ക്കാരിക മഹോത്സവത്തില്‍ ഇന്ത്യയില്‍ നിന്നു മന്ത്രിമാര്‍ ഉള്‍പ്പെടെ ഉന്നതതല സംഘം പങ്കെടുക്കുമെന്ന് അംബാസഡര്‍ പറഞ്ഞു. രാജ്യത്തിന്റെ സമ്പന്നമായ പാരമ്പര്യവും കലയും സന്ദര്‍ശകര്‍ക്ക് പരിചയപ്പെടുത്തുന്ന വിവിധ പരിപാടികള്‍ ഇന്ത്യ അവതരിപ്പിക്കും. അതോടൊപ്പം ശാസ്ത്ര-സാങ്കേതിക രംഗത്ത് ഇന്ത്യ കൈവരിച്ച കുതിച്ചുചാട്ടത്തിന്റെ നേര്‍ക്കാഴ്ചകളും ഫെസ്റ്റിവലില്‍ ഒരുക്കും.

ജനാദ്രിയ വില്ലേജിലെ വിശാലമായ ഇന്ത്യന്‍ പവിലിയനില്‍ കലാകായികവിനോദ പരിപാടികള്‍, സെമിനാര്‍, വ്യവസായവാണിജ്യ വിനിമയം എന്നിവയും നടക്കും. ഇന്ത്യയിലെയും ഗള്‍ഫ് രാജ്യങ്ങളിലെ ഇന്ത്യന്‍ ബിസിനസ് സംരംഭകരുടെ സാന്നിധ്യവും പവിലിയനില്‍ ഉണ്ടാകും. 18 ദിവസം നീണ്ടു നില്‍ക്കുന്ന ഉല്‍സവത്തില്‍ സൗദിയിലെ ഇന്ത്യന്‍ സമൂഹത്തിന്റെ പ്രാതിനിധ്യവും ഉണ്ടാവും. കേരളത്തിന്റെ പൈത്യകമായ കഥകളി, കളരിപ്പയറ്റ് എന്നിവയും വിവിധ ദിവസങ്ങളിലായി അവതരിപ്പിക്കും. അതോടൊപ്പം ഗള്‍ഫ് നാടുകളില്‍ പ്രിയങ്കരമായ ഇന്ത്യ സിനിമകളുടെയ പ്രദര്‍ശനവും ഒരുക്കും.

English summary
india is guest of honor at saudi janadriyah festival
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more