സഹായം ഒരു ഫോണ് കോള് അകലെ; ഇന്ത്യന് പ്രവാസികള്ക്ക് വഴികാട്ടിയായി ഷാര്ജയില് റിസോഴ്സ് സെന്റര്
സഹായം ഒരു ഫോണ് കോള് അകലെ; ഇന്ത്യന് പ്രവാസികള്ക്ക് വഴികാട്ടിയായി ഷാര്ജയില് റിസോഴ്സ് സെന്റര്
ഷാര്ജ: ഗള്ഫ് നാടുകളിലെ ഇന്ത്യന് തൊഴിലാളികള്ക്ക് പ്രതിസന്ധി ഘട്ടങ്ങളില് സഹായമെത്തിക്കുന്നതിനും അവരെ ചൂഷണങ്ങളില് നിന്നും പീഡനങ്ങളില് നിന്നും രക്ഷിക്കുന്നതിനുമായി ഷാര്ജയില് ഇന്ത്യന് വര്ക്കേഴ്സ് റിസോഴ്സ് സെന്റര് തുറന്നു. ദുബായ് കഴിഞ്ഞാല് യു.എ.ഇയിലെ രണ്ടാമത്തെ സെന്ററാണിത്.
ഇന്ത്യന് എംബസിയുടെ കീഴില് 24 മണിക്കൂറും പ്രവര്ത്തിക്കുന്ന ഹെല്പ് ലൈന് ഇതിന്റെ ഭാഗമായി സ്ഥാപിക്കും. തൊഴില് സംബന്ധമായ എന്ത് വിഷയങ്ങള്ക്കും 800 INDIA, 80046342 എന്നീ നമ്പറുകളില് വിളിച്ചാല് സഹായവും ഉപദേശവും ലഭിക്കും. യു.എ.ഇയിലെ ഇന്ത്യന് അംബാസഡര് നവ്ദീപ് സിംഗ് സുരിയാണ് സെന്റര് ഉദ്ഘാടനം ചെയ്തത്.
വ്യാജ തൊഴില് ഏജന്സികളുടെയും മറ്റ് തട്ടിപ്പ് സംഘങ്ങളുടെയും കെണിയില്പ്പെടുന്നവരുടെയും ആവശ്യമായ രേഖകളില്ലാതെയും കുറഞ്ഞ ശമ്പളത്തിനും ജോലി ചെയ്യേണ്ടി വരുന്നവരുടെയും എണ്ണം നാള്ക്കുനാള് വര്ധിച്ചുകൊണ്ടിരിക്കുന്ന സാഹചര്യം പരിഗണിച്ചാണ് ഇത്തരമൊരു റിസോഴ്സ് സെന്റര് ആരംഭിക്കുന്നതെന്ന് അബുദാബിയിലെ ഇന്ത്യന് എംബസി ഉദ്യോഗസ്ഥന് ദിനേശ് കുമാര് പറഞ്ഞു.
യു.എ.ഇ, സൗദി അറേബ്യ, ബഹ്റൈന്, കുവൈത്ത്, ഖത്തര് തുടങ്ങിയ ഗള്ഫ് നാടുകളിലായി 60 ലക്ഷം ഇന്ത്യന് പ്രവാസികളുണ്ടെന്നാണ് കണക്ക്. ഇവിടങ്ങളില് തൊഴില് ചൂഷണിത്തിനിരയാവുന്ന ഇന്ത്യക്കാരുടെ എണ്ണവും കൂടിവരുന്നതായാണ് കണക്കുകള് വ്യക്തമാക്കുന്നത്. പലപ്പോഴും നാട്ടില് നിന്നെത്തി തട്ടിപ്പിനിരയാവുന്ന തൊഴിലാളികള് കുറഞ്ഞ കൂലിക്ക് കിട്ടിയ ജോലി ചെയ്ത് ജീവിക്കുന്ന സംഭവങ്ങളും കുറവല്ല. നിര്മാണ മേഖലയില് ഉള്പ്പെടെ ജോലിയെടുക്കുന്ന ബ്ലൂകോളര് തൊഴിലാളികളെയാണ് തങ്ങള് പ്രധാനമായും ലക്ഷ്യമിടുന്നതെന്നും ദിനേശ് കുമാര് അറിയിച്ചു.
മാനസികമായ പ്രയാസങ്ങളും സമ്മര്ദ്ദവും അനുഭവിക്കുന്നവര്ക്ക് കൗണ്സലിംഗിന് ആവശ്യമായ സംവിധാനവും റിസോഴ്സ് സെന്ററില് ഒരുക്കിയിട്ടുണ്ട്. തൊഴില് കരാര് ഉള്പ്പെടെയുള്ള രേഖകള് യഥാര്ഥമാണോ എന്ന് പരിശോധിക്കുന്നതിനും ഇവിടെ സംവിധാനമുണ്ട്. തൊഴില് നിയമങ്ങളെക്കുറിച്ചും തൊഴിലാളികളുടെ അവകാശങ്ങളെ കുറിച്ചും ബോധവല്ക്കരണം നല്കുന്നതിന് വിവിധ കേന്ദ്രങ്ങളില് പ്രത്യേക ക്യാംപുകളും സെന്റര് സംഘടിപ്പിക്കും. 2010ല് ദുബയില് ആരംഭിച്ച റിസോഴ്സ് സെന്ററില് 2016ല് മാത്രം 25,000ത്തോളം ഫോണ് വിളികളാണ് തൊഴിലാളികളില് നിന്ന് ലഭിച്ചത്. 2000ത്തിലേറെ കത്തുകളും ഫാക്സുകളും എസ്.എം.എസ്സുകളും ഇവിടെ ലഭിക്കുകയുണ്ടായി.
-
ബാങ്കിൽ പോകാൻ ഇരിക്കുന്നവർ ശ്രദ്ധിക്കുക; ഏപ്രിലിൽ പകുതിയോളം ദിവസം ബാങ്ക് അവധി; ലിസ്റ്റ് ഇതാ! -
കൊച്ചിക്കാർക്ക് ഇനി അൽപ്പം ആശ്വസിക്കാം; വൈറ്റില ജംഗ്ഷനിലെ ഗതാഗത കുരുക്ക് പരിഹരിക്കാൻ ഇടപെടൽ -
'പാലക്കാട്ടെ ജനങ്ങൾ രാഷ്ട്രീയഭേദമന്യേ രാഹുൽ മാങ്കൂട്ടത്തിലിന് ഒപ്പം'; മോദിയെ വിമർശിച്ച് രാഹുൽ ഈശ്വർ -
സ്വര്ണം ഇങ്ങനെ വില കുറയുമെന്ന് ആരും കരുതിയില്ല.. യഥാര്ത്ഥത്തില് സംഭവിച്ചത് ഇത് -
ലുലു ഗ്രൂപ്പിന്റെ അനുബന്ധ സ്ഥാപനം ഡല്ഹിയില് ബംഗ്ലാവ് സ്വന്തമാക്കി; സ്റ്റാമ്പ് ഡ്യൂട്ടി മാത്രം 6.26 കോടി -
മോഹൻലാൽ ബുദ്ധിമാനായതിനാലാണ് ചെയ്തത്, എത്രകാലമായി മലയാളികളെ പറ്റിക്കുന്നു';ശാന്തിവിള ദിനേശ് -
സ്വർണം വിറ്റ് തുർക്കി; രണ്ടാഴ്ചക്കിടെ വിറ്റത് 58 ടണ്, റഷ്യയും വിറ്റു 15 ടണ്..ഇനി സ്വർണ വില കുത്തനെ താഴേക്കോ? -
ഇറാന്റെ നട്ടെല്ല് തകർക്കാൻ അമേരിക്കയുടെ വൻ നീക്കം; ഏപ്രിൽ 6 ഡെഡ്ലൈൻ! -
ഈ രാശിക്കാരാണോ? ഏപ്രില് 11 മുതല് രാജയോഗം... പുത്തന്വീടും കാറും കൈയിലേക്ക്..!! -
ഇറാനിലെ എണ്ണ ശേഖരത്തിൽ കണ്ണുവച്ച് ഡൊണാൾഡ് ട്രംപ്; 'വേണമെങ്കിൽ ഖാർഗ് ദ്വീപ് യുഎസ് പിടിച്ചെടുക്കും' -
കിച്ചുവിനെ നോക്കേണ്ട ബാധ്യത രേണുവിനില്ല, അവൾക്കും ഒരുപാട് പറയാനുണ്ട്, ഇപ്പോൾ സംഭവിച്ചത് എന്ത്?';ദിയ സന -
'രേണുവിന്റെ കരച്ചില് നാടകം; കിച്ചുവിന് ഇനിയും പറയാനുണ്ട്..'; വീട് കൊടുക്കേണ്ടായിരുന്നെന്ന് ഫിറോസ്
Click it and Unblock the Notifications
Sign in with Google