ദിര്‍ഹത്തിനെതിരെ രൂപയുടെ മൂല്യം ഇടിഞ്ഞ് 17 ല്‍ എത്തി

ദുബായ്: പ്രാവാസികള്‍ക്ക് വീണ്ടുമൊരു സന്തോഷവാര്‍ത്ത കൂടി. ദിര്‍ഹത്തിനെതിരെ രൂപയുടെ മൂല്യം ഇടിഞ്ഞു. നിലവില്‍ 16.91 , 16.95 എന്നിങ്ങനെയാണ് ദിര്‍ഹത്തിനെതിരെ രൂപയുടെ മൂല്യം . രൂപയുടെ മൂല്യം ഇടിയുന്നത് പ്രവാസികളെ സംബന്ധിച്ചിടത്തോളം ഏറെ ഗുണകരമാണ് . നാട്ടിലേയ്ക്ക് പണമയക്കാന്‍ പറ്റിയ ഏറ്റവും നല്ല അവസരം.

ആഗോള വിപണിയില്‍ ഡോളറിനെതിരെ രൂപയുടെ മൂല്യത്തില്‍ ഉണ്ടായ ഇടിവാണ് യുഎഇ ദിര്‍ഹത്തിലും പ്രതിഫലിച്ചത്. ഡോളറിനെതിരെ 62.28 എന്ന നി്‌ലയിലായരുന്നു രൂപയുടെ വ്യാപാരം. എന്നാല്‍ രൂപ 2015 ല്‍ കരുത്താര്‍ജ്ജിയ്ക്കുമെന്ന് ഗ്‌ളോബല്‍ ബാങ്കായ എച്ച്എസ്ബിസിയിലെ അനാലിസ്റ്റ് പോള്‍ മാക്കല്‍ പ്രവചിച്ചിരുന്നു .

ഡോളറിനെതിരെ രൂപയുടെ മൂല്യം 62.5 , 63 എന്നിങ്ങനെയായിരിയ്ക്കും എന്നാണ് എച്ച്എസ്ബിസി പറയുന്നത് . ഏഷ്യന്‍ കറന്‍സികളില്‍ രൂപ സ്ഥിരത കൈവരിയ്ക്കുമെന്ന് ഒട്ടേറെ സാമ്പത്തിക വിദഗ്ദര്‍ പ്രവചിയ്ക്കുന്നുണ്ട് . 2014 ഡിസംബര്‍ അവസാന ആഴ്ചയില്‍ ദിര്‍ഹത്തിനെതിരെ രൂപയുടെ മൂല്യം ഇടിഞ്ഞ് 17.34 എന്ന നിലയില്‍ എത്തിയിരുന്നു . നാട്ടിലേയ്ക്ക് പണമയയ്ക്കാന്‍ പ്രവാസികള്‍ക്ക് ഏറ്റവും അനുകൂലമായ സമയമാണിപ്പോള്‍ .

English summary

The Indian rupee fell below 17 against the UAE dirham on Friday.