ദുബായ്: ട്രക്ക് ഡ്രൈവറെ ഇന്ത്യന്‍ ഡ്രൈവര്‍ കൊലപ്പെടുത്താന്‍ ശ്രമിച്ചു,പിന്നില്‍ പാര്‍ക്കിംഗ്തര്‍ക്കം

ആക്രമിച്ചത് സ്വയരക്ഷയ്‌ക്കെന്ന് പ്രതിയുടെ അവകാശ വാദം

ദുബായ്: പാര്‍ക്കിംഗിനെ തുടര്‍ന്നുണ്ടായ തര്‍ക്കത്തില്‍ ഇന്ത്യക്കാരനായ ട്രക്ക് ഡൈവര്‍ മറ്റൊരു ഡ്രൈവറെ കുത്തിപ്പരിക്കേല്‍പ്പിച്ചു. പാര്‍ക്കിംഗ് സ്ഥലത്തുവച്ച് അഞ്ച് തവണ കത്തികൊണ്ട് കുത്തി കൊലപ്പെടുത്താന്‍ ശ്രമിച്ചുവെന്നാണ് കേസ്. കേസില്‍ ഞായറാഴ്ച വാദം കേട്ട കോടതി നവംബര്‍ 13ന് വിധി പ്രസ്താവിക്കും.

ഏപ്രില്‍ 11നാണ് 43കാരനായ ഇന്ത്യക്കാരനാണ് മദ്യപിച്ച് മറ്റൊരു ട്രക്ക് ഡ്രൈവറെ കൊലപ്പെടുത്താന്‍ ശ്രമിച്ചത്. റാസ് അല്‍ഖോറിലാണ് സംഭവം. എന്നാല്‍ കോടതിയില്‍ ഹാജരാക്കിയ പ്രതി കൊലപ്പെടുത്താന്‍ ശ്രമിച്ചതായുള്ള കുറ്റം നിഷേധിച്ചിട്ടുണ്ട്. താന്‍ ശ്രമിച്ചത് സ്വയം പ്രതിരോധിക്കാനാണ് താന്‍ ശ്രമിച്ചതെന്നും പ്രതി അവകാശ വാദമുന്നയിക്കുന്നു. ഗുരുതരമായി പരിക്കേറ്റ പ്രതിയെ ഉടന്‍ തന്നെ ആശുപത്രിയില്‍ പ്രവേശിപ്പിച്ചിരുന്നു.

രാത്രി ഭക്ഷണം കഴിച്ച് തിരിച്ചെത്തിയ പ്രതി ട്രക്കില്‍ നിന്ന് തന്നെ വലിച്ചിറക്കിയ ശേഷം കുത്തിപ്പരിക്കേല്‍പ്പിക്കുകയായിരുന്നുവെന്നാണ് ട്രക്ക് ഡ്രൈവറുടെ വാദം. വയറില്‍ കത്തികൊണ്ട് അഞ്ച് തവണ കുത്തിയതായും ഇദ്ദേഹം കോടതിയില്‍ അറിയിച്ചു. ഒപ്പമുണ്ടായിരുന്ന പാക് പൗരന്മാരാണ് സംഭവത്തെക്കുറിച്ച് പൊലീസില്‍ വിവരമറിയിച്ചത്. കേസിന്റെ വിധി നവംബര്‍ 13ന് പുറപ്പെടുവിക്കും.

English summary

Indian truck driver stabs driver over parking row. Seriously injured driver recovered after life saving surgery. The Dubai court may announce on November 13.