Click it and Unblock the Notifications
Just In
Don't Miss
-
T20 World Cup 2024: വിക്കറ്റ് കാക്കുക റിഷഭ് തന്നെ! സഞ്ജു വാട്ടര് ബോയ്? 20 അംഗ സ്ക്വാഡ് പുറത്ത് -
മകൻ അച്ഛനെ കാണാറുണ്ട്; ആദ്യ വിവാഹ ബന്ധം പിരിഞ്ഞപ്പോൾ; തനിക്ക് മാത്രമല്ല ഇത് സംഭവിച്ചതെന്നും മേതിൽ ദേവിക -
അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക് -
ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ് -
എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി -
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
കരിപ്പൂര്‍ എയര്‍പോര്‍ട്ട് പ്രതിസന്ധി അംബാസിഡര്‍ക്ക് നിവേദനം നല്കി
ദുബായ് : കോഴിക്കോട് കരിപ്പൂര്‍ വിമാനത്താവളത്തിലെ റണ്‍വെ വിപുലീകരണ പ്രവൃത്തികള്‍ ഏതാണ്ട് പൂര്‍ത്തിയാക്കിയിട്ടും നിര്‍ത്തലക്കിയ അന്താരാഷ്ട്ര വിമാന സര്‍വ്വീസുകള്‍ പുനസ്ഥാപിക്കുവാന്‍ ഫലപ്രദമായ നടപടികള്‍ക്കായി വ്യോമായന വകുപ്പില്‍ സമ്മര്‍ദ്ദം ചെലുത്തണമെന്ന് ആവശ്യപ്പെട്ടു കോഴിക്കോട് ജില്ല പ്രവാസി(യു എ ഇ) ഭാരവാഹികള്‍ ഇന്ത്യന്‍ അംബാസിഡര്‍ ടി പി സീതാറാമിനു നിവേദനം നല്കി.
കോഴിക്കോട് എയര്‍പോര്‍ട്ട് നവീകരണത്തിന്റെ പേരില്‍ അനിശ്ചിത കാലത്തേക്ക് വലിയ വിമാനങ്ങള്‍ നിര്‍ത്തലാക്കിയതും, വിമാനങ്ങള്‍ വെട്ടിച്ചുരുക്കിയതും പ്രവാസി മലയാളികളെ പ്രത്യേകിച്ച് മലബാര്‍ ഭാഗത്ത് നിന്നുള്ള യാത്രക്കാരെ ഏറെ വിഷമ വൃത്തത്തിലായിരിക്കുകയാണ്. മലബാറില്‍ നിന്നുള്ളവര്‍ ഏറെ ആശ്രയിച്ചു വരുന്ന വിമാനത്താവളം എന്ന നിലയില്‍ ഗള്‍ഫ് മേഖലയില്‍ മലബാര്‍ ഭാഗത്ത് നിന്നുള്ളവര്‍ നാട്ടിലേക്കും തിരിച്ചും യാത്രാ ദുരിതം അനുഭവിക്കുകയാണ്.
സ്‌കൂള്‍ സീസണും, വിഷു, റംസാന്‍, ഈദ് ആഘോഷങ്ങളില്‍ നാട്ടിലെത്താന്‍ ആഗ്രഹിക്കുന്ന ഗള്‍ഫിലെ കുടുംബങ്ങള്‍ വിമാനങ്ങളുടെ സര്‍വ്വീസ് നിര്‍ത്തിയതില്‍ ഏറെ പ്രയാസം നേരിടുകയാണെന്നും നിവേദനത്തില്‍ ചൂണ്ടിക്കാട്ടിയിട്ടുണ്ട്. യുഎഇ യില്‍ ഏറ്റവും കൂടുതല്‍ പ്രവാസികള്‍ മലബാറില്‍ നിന്നാണെന്നിരിക്കെ അവരുടെ ഏക ആശ്രയമായ കോഴിക്കോട് വിമാനത്താവളത്തിലെ ഇപ്പോഴത്തെ യാത്രക്ലേശം ഭാരവാഹികള്‍ അംബാസിഡര്‍ക്ക് വിശദീകരിച്ചു നല്കി.
പ്രശ്‌നം ബന്ധപ്പെട്ട വകുപ്പുകളുടെ ശ്രദ്ധയില്‍പ്പെടുത്താമെന്നു അംബാസിഡര്‍ നിവേദക സംഘത്തെ അറിയിച്ചു. പത്മശ്രീ ഡോ ആസാദ് മൂപ്പനോടോപ്പമായിരുന്നു നിവേദകസംഘം അംബാസിഡറെ കണ്ടത്. കോഴിക്കോട് ജില്ല പ്രവാസി (യു എ ഇ) രക്ഷാധികാരി മോഹന്‍ എസ് വെങ്കിട്ട് , പ്രസിടണ്ട് രാജന്‍ കൊളവിപാലം, സിക്രടരി അഡ്വ: മുഹമ്മദ് സാജിദ്, മലയില്‍ മുഹമ്മദ് അലി എന്നിവര്‍ നിവേദക സംഘത്തിലുണ്ടായിരുന്നു.
യു എ ഇ യിലെ ഇന്ത്യന്‍ എംബസ്സിയുടെ കീഴില്‍ ഇവിടെ മരിക്കുന്നവരുടെ അനന്തര കര്‍മങ്ങള്‍ക്കായി പ്രത്യേകം ഒരു എംബാമിംഗ് യുണിറ്റ് സ്ഥാപിക്കണമെന്നും, നടപടികളെ സുഗമമാക്കാന്‍ പ്രത്യേകം സ്റ്റഫിനെ നിയോഗിക്കണമെന്നും, പ്രവാസി ഇന്ത്യക്കാരുടെ പ്രശ്‌നങ്ങള്‍ പരിഹരിക്കാനും, കോണ്‍സുലര്‍ സേവനങ്ങള്‍ക്കുമായി എല്ലാ എമിറേറ്റുകളിലും മൂന്ന് മാസത്തിലൊരിക്കല്‍ 'കോണ്‍സുലര്‍ അദാലത്തുകള്‍' സംഘടിപ്പിക്കണമെന്നും നിവേദക സംഘം ആവശ്യപ്പെട്ടു.
