കുവൈത്തില് പൊതുമാപ്പ് രണ്ട് മാസത്തേക്ക് നീട്ടി; ഏപ്രില് 22 വരെ രാജ്യത്ത് തുടരാം
കുവൈത്ത് സിറ്റി: കുവൈത്തിലെ അനധികൃത താമസക്കാര്ക്ക് ആഭ്യന്തര മന്ത്രാലയം പ്രഖ്യാപിച്ച പൊതുമാപ്പ് കാലാവധി ഏപ്രില് 22 വരെ നീട്ടി. ജനുവരിയില് ആരംഭിച്ച പൊതുമാപ്പ് ഫെബ്രുവരി 22ന് അവസാനിക്കാനിരിക്കെയാണ് രണ്ടു മാസത്തേക്കു കൂടി ദീര്ഘിപ്പിച്ച് ഉപപ്രധാനമന്ത്രിയും ആഭ്യന്തരമന്ത്രിയുമായ ശെയ്ഖ് ഖാലിദ് അല് ജറാഹ് അല് സബാഹ് ഉത്തരവിട്ടത്.
154,000ത്തിലേറെ വിദേശികള് അനധികൃത താമസക്കാരായി കുവൈത്തിലുണ്ടെന്ന വിവരങ്ങളുടെ അടിസ്ഥാനത്തിലാണു ആഭ്യന്തര മന്ത്രാലയം പൊതുമാപ്പ് പ്രഖ്യാപിച്ചത്. എന്നാല് 30,000ത്തില് താഴെ ആളുകള് മാത്രമാണ് ഇതുവരെ പൊതുമാപ്പ് പ്രയോജനപ്പെടുത്തിയതെന്നാണു പ്രാഥമിക വിവരങ്ങള്.
രാജ്യം വിടുന്നതിനാവശ്യമായ രേഖകള് ബന്ധപ്പെട്ട എംബസികളില് നിന്നും കോണ്സുലേറ്റുകളില് നിന്നും ലഭിക്കാന് ബുദ്ധിമുട്ട് നേരിടുന്നവരെ ഉദ്ദേശിച്ചാണ് രണ്ട് മാസത്തേക്കു കൂടി പൊതുമാപ്പ് കാലാവധി നീട്ടിയത്. കുവൈത്തില് അനധികൃതമായി കഴിയുന്ന ഇന്ത്യക്കാരുടെ 30 ശതമാനത്തോളം പേര് മാത്രമേ ഇതുവരെ പൊതുമാപ്പ് ആനുകൂല്യം ഉപയോഗപ്പെടുത്തിയിട്ടുള്ളൂ എന്ന് എംബസി വൃത്തങ്ങള് അറിയിച്ചു.
ഈ കാലയളവിനുള്ളില് അനധികൃത താമസക്കാര് രാജ്യം വിടുകയോ അല്ലെങ്കില് റസിഡന്സി നിയമവിധേയമാക്കുകയോ ചെയ്യണം. ഇങ്ങനെ ചെയ്യുന്നവര്ക്ക് പിഴ അടക്കാതെ തന്നെ രാജ്യംവിടാന് അനുവാദം ലഭിക്കും. വീട്ടുടമസ്ഥരില് നിന്നും ഓടിപ്പോയ ഗാര്ഹികത്തൊഴിലാളികള്ക്ക് മുന് ഉമടയുടെ അനുവാദമുണ്ടെങ്കില് ഈ കാലയളവില് പുതിയ സ്പോണ്സറുടെ കീഴില് ജോലി ചെയ്യാന് സമ്മതം നല്കണമെന്ന് ആവശ്യപ്പെട്ട് എല്ലാ വകുപ്പുകള്ക്കും സര്ക്കുലറുകള് അയച്ചിട്ടുണ്ട്.
2018 ജനുവരി 24ന് മുമ്പ് റസിഡന്സി കാലാവധി കഴിഞ്ഞവര്, സന്ദര്ശക വിസയിലോ ടൂറിസ്റ്റ് വിസയിലോ രാജ്യത്തെത്തിയ ശേഷം ഗ്രേസ് കാലാവധി കഴിഞ്ഞ ശേഷവും രാജ്യത്ത് തങ്ങുന്നവര്, ജനുവരി 24ന് മുമ്പ് പാസ്പോര്ട്ടിന്റെ കാലാവധി അവസാനിക്കുകയും വിസാ കാലാവധി ബാക്കിയാവുകയും ചെയ്തവരും നാട്ടിലേക്ക് തിരിച്ചുപോവാന് ആഗ്രഹിക്കുന്നവരുമായ ആളുകള്, ജനുവരി 24ന് മുമ്പ് പിടികിട്ടാപ്പുള്ളികളായി പ്രഖ്യാപിക്കപ്പെട്ടവര് തുടങ്ങിയവര്ക്കാണ് ഫൈന് ഇല്ലാതെ നാട്ടിലേക്ക് തിരിച്ചുപോവാന് പൊതുമാപ്പ് കാലത്ത് അവസരം ലഭിക്കുന്നത്. അതേസമയം, രാജ്യത്ത് തുടരാന് ആഗ്രഹിക്കുന്നവരാണെങ്കില് ഫൈന് അടച്ചശേഷം അങ്ങനെ ചെയ്യാവുന്നതാണെന്നും റസിഡന്സി അഫയേഴ്സ് അസിസ്റ്റന്റ് ഡയരക്ടര് ജനറല് മേജര് ജനറല് അബ്ദുല്ല അല് ഹജരി പറഞ്ഞു.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google