കുവൈത്തിൽ മലയാളികൾ അടക്കമുള്ളവർക്ക് തിരിച്ചടി; വർക്ക് പെർമിറ്റ് ഫീസ് കുത്തനെ കൂട്ടി
കുവൈത്ത് സിറ്റി: കുവൈത്തിൽ വർക്ക് പെർമിറ്റ് ഫീസ് 150 ദിനാറായി (40,680 രൂപ) ഉയർത്തി. നേരത്തേ ഇത് 10 ദിനാർ (2712 രൂപ) ആയിരുന്നു. പുതുക്കിയ നിരക്ക് ജൂൺ ഒന്ന് മുതൽ പ്രാബല്യത്തിൽ വരുമെന്ന് അധികൃതർ അറിയിച്ചു.
പുതിയ നിയമം അനുസരിച്ച് ജോലി മാറുന്നതിന് 300 ദിനാർ (ഏകദേശം 81,360 രൂപ) ഈടാക്കുമെന്നും പബ്ലിക് അതോറിറ്റി ഫോർ മാൻപവർ അറിയിച്ചു. കുവൈത്തിൽ എത്തി 3 വർഷത്തിനകം ജോലി മാറുന്നവർക്കാണ് ഇത്.നിലവിലെ സ്പോൺസറുടെ അനുമതിയുണ്ടെങ്കിൽ മാത്രമേ ജോലിമാറ്റം അനുവദിക്കൂ.
പുതിയ മാറ്റങ്ങൾ നടപ്പിലാക്കാൻ പൂർണ സജ്ജമാണെന്ന് അധികൃതർ അറിയിച്ചു. ഒന്നാം തീയതി മുതൽ കർശനമായ പരിശോധന ഉണ്ടാകുമെന്നും അധികൃതർ വ്യക്തമാക്കി. ഈ മാസം വിദേശ റിക്രൂട്മെന്റ് പുനരാരംഭിക്കാനിരിക്കെയാണ് കുവൈത്തിന്റെ തീരുമാനം എന്നത് ശ്രദ്ധേയമാണ്. മലയാളികളുടേത് ഉൾപ്പെടെ ചെറുകിട സ്ഥാപനങ്ങൾക്ക് പുതിയ ഉത്തരവ് വലിയ തിരിച്ചടിയായിരിക്കും.
അതിനിടെ കുവൈത്തിൽ അനധികൃത താമസം കണ്ടെത്തുന്നതിനായി ബാച്ചിലർമാർ താമസിക്കുന്ന സ്ഥലങ്ങളിൽ അധികൃതർ പരിശോധന ശക്തമാക്കി. കുവൈറ്റ് മുനിസിപ്പാലിറ്റിയുടെയും ആഭ്യന്തര, വൈദ്യുതി, ജലം, പുനരുപയോഗ ഊർജ മന്ത്രാലയം എന്നിവിടങ്ങളിൽ നിന്നുള്ള പ്രതിനിധികൾ അടങ്ങുന്ന ജോയിൻ്റ് കമ്മിറ്റിയാണ് പരിശോധന നടത്തിയത്. കഴിഞ്ഞ ദിവസം ഫർവാനിയ ഗവർണറേറ്റിലെ ഖൈത്താൻ ഏരിയയിൽ നടത്തിയ പരിശോധനയിൽ ഇത്തരത്തിലുള്ള 93 വീടുകൾ അധികൃതർ കണ്ടെത്തി.
നിയമലംഘനം കണ്ടെത്തിയ 13 താമസ് സ്ഥലങ്ങളിലെ വൈദ്യുതി വിച്ഛേദിച്ചതായി അധികൃതർ അറിയിച്ചു. ഈ ഹൗസിംഗ് യൂണിറ്റുകളിലെ പല കെട്ടിടങ്ങളും നിയമപ്രകാരമല്ലെന്നും അധികൃതർ പറഞ്ഞു. നിയമലംഘനം നടത്തിയ സ്ഥലങ്ങളിലെ ഉടമകൾക്ക് മുന്നറിയിപ്പ് നൽകിയിട്ടുണ്ടെന്നും ഇവയെല്ലാം പരിഹരിക്കുന്നതിന് ഒരാഴ്ചത്തെ സമയം അനുവദിച്ചിട്ടുണ്ടെന്നും അധികൃതർ വ്യക്തമാക്കി. പരിഹരിച്ചില്ലെങ്കിൽ കടുത്ത നടപടികൾ സ്വീകരിക്കുമെന്നും അധികൃതർ അറിയിച്ചു.
അതിനിടെ സിവില് ഐഡിയില് തങ്ങളുടെ താമസ സ്ഥലത്തിന്റെ വിലാസം അപ്ഡേറ്റ് ചെയ്യാന് പബ്ലിക് അതോറിറ്റി ഫോര് സിവില് ഇന്ഫര്മേഷന് ആവശ്യപ്പെട്ടിട്ടുണ്ട്. മെയ് 26 മുതൽ 30 ദിവസത്തെ സമയപരിധിക്കുള്ളിൽ ഇത് പൂർത്തിയാക്കണമെന്നാണ് നിർദ്ദേശം. വിവരങ്ങൾ ചെയ്തില്ലെങ്കില് അവരുടെ കുവൈറ്റ് സിവില് ഐഡി റദ്ദാക്കപ്പെടുമെന്നും നിയമലംഘകര്ക്കെതിരേ പിഴ ഉള്പ്പെടെയുള്ള കർശന നടപടികൾ ഉണ്ടാകുമെന്നും അധികൃതർ അറിയിച്ചു.
-
സ്വര്ണം വന്തോതില് ഒഴുകും; അമേരിക്ക ഇളവ് പ്രഖ്യാപിച്ചു, യുഎഇ, തുര്ക്കി എന്നിവര്ക്ക് നേട്ടം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
ഈ രാശിക്കാരാണോ? രണ്ടാഴ്ചയ്ക്കുള്ളില് അളവറ്റ ധനം കൈയിലെത്തും, ഇനി സൗഭാഗ്യനാളുകള് -
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..! -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്'
Click it and Unblock the Notifications
Sign in with Google