പിവി സിന്ധുവിന് കോട്ടയം സ്വദേശിയുടെ വക അരക്കോടി, സാക്ഷിയ്ക്ക് 25 ലക്ഷം !
ദുബായ്: റിയോ ഒളിംപിംക്സില് ഇന്ത്യയുടെ അഭിമാനമായി മാറിയ പിവി സിന്ധുവിന് കോട്ടയം സ്വേദേശിയുടെ വക അരക്കോടി രൂപ. പ്രവാസിമലയാളിയായ സെബാസ്റ്റ്യനാണ് സിന്ധുവിന് സമ്മാനതുക പ്രഖ്യാപിച്ചത്. ഗുസ്തിയില് വെങ്കലമെഡല് നേടിയ സാക്ഷിമാലിക്കിന് 25 ലക്ഷം രൂപയും പ്രഖ്യാപിച്ചിട്ടുണ്ട്.
ഒളിംപിക്സ് തുടങ്ങി രണ്ടാഴ്ച്ചയ്ക്കു ശേഷവും ഇന്ത്യയ്ക്കു മെഡലൊന്നും ലഭിക്കാത്തതില് താനുള്പ്പെടുന്ന എല്ലാ ഇന്ത്യക്കാരും നിരാശരായിരുന്നെന്നും വ്യാഴാഴ്ച്ച സിന്ധു ഫൈനലില് പ്രവേശിച്ചതാണ് സമ്മാന തുക പ്രഖ്യാപിക്കാന് തന്നെ പ്രേരിപ്പിച്ചതെന്നാണ് സെബാസ്റ്റ്യന് പറയുന്നത്. യു എ യില് നിരവധി വ്യവസായങ്ങളുള്ള സെബാസ്റ്റ്യന് കേരളത്തില് മുക്കാടന് പ്ലാന്റേഷന്സിന്റെ സാരഥി കൂടിയാണ്.
ഇന്ത്യയെ പോലെ ഇറാനിലുമുണ്ട് പെണ്കരുത്ത്..ഒളിംപിക് മെഡല് നേടുന്ന ആദ്യത്തെ വനിത ! ഇവള് തകര്ത്തു...
1973 ലാണ് ചങ്ങനാശ്ശേരി സ്വദേശിയായ സെബാസ്റ്റ്യന് ദുബായിലെത്തുന്നത്. സ്പോര്ട്സിനോട് അമിത കമ്പമൊന്നുമില്ലാത്ത സെബാസ്റ്റ്യന് ഒളിംപിക്സ് പോലുള്ള അന്താരാഷ്ട്ര മത്സരങ്ങളില് ഇന്ത്യന് താരങ്ങള് പരാജയപ്പെടുന്നതില് നിരാശയുണ്ടെന്നും കായിക താരങ്ങള്ക്കും പ്രചോദനമാവട്ടെ എന്നു കരുതിയാണ് സമ്മാന തുക പ്രഖ്യാപിച്ചതെന്നും പറഞ്ഞു.